१ पत्रुस 1:11 - नेवाः बाइबल

¹¹ ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।

१ पत्रुस 1:11 ပူးပေါင်းရင်းမြစ်များ

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

जकरिया 14:9

उखुन्‍हु हे परमप्रभु फुक्‍क पृथ्‍वीयाम्‍ह जुजु जुयादी। सकल मनूतय्‌सं वय्‌कःयात परमप्रभु धकाः आराधना याइ अले व हे नामं वय्‌कःयात म्‍हसीकी।

मत्ती 26:24

धर्मशास्‍त्रय् च्‍वया तः थें मनूया काय् ला सिनावने हे माः। अय्‌नं वयात ज्‍वंका छ्वइम्‍ह मनूयात तसकं तसकं हे धिक्‍कार दु। व बु हे मबूगु जूसा तसकं बांलाइगु खः।”

लूका 24:44

अले वय्‌कलं इमित धयादिल – “जिं छिपिंनाप दुबलय् जिगु बारे धर्मशास्‍त्रय् अर्थात मोशाया व्‍यवस्‍था, अगमवक्ता व भजनया सफुलिइ च्‍वयातःगु फुक्‍क खँ पूवनेमाः धकाः न्‍हापा हे धयागु खः।”

यूहन्‍ना 12:41

यशैयां येशू तसकं तःधं धकाः सीकाः वय्‌कःयागु खँ थुकथं धाःगु खः।

प्रेरित 16:7

माइसिया देशय् थ्‍यंकाः इमिसं बिथिनिया देशय् वनेत स्‍वल। येशूयागु आत्‍मां इमित उखे नं छ्वयामदी।

रोमी 8:9

धात्‍थें परमेश्‍वरयागु आत्‍मा छिमिके दु धयागु जूसा शरीरयात यःथें यानाजुइपिं मखु, बरु आत्‍मायात यःथें यानाजुइपिं छिपिं खत, अले ख्रीष्‍टयागु आत्‍मा मदुम्‍ह मनू ख्रीष्‍टयाम्‍ह मनू जुइ फइ मखु।

गलाती 4:6

झीपिं नं परमेश्‍वरया काय्‌पिं खः धकाः सीकेत परमेश्‍वरं थः काय्‌यागु आत्‍मा झीगु नुगलय् तयादिल। अले थ्‍व हे आत्‍मां झीगु नुगलं “अब्‍बा, जिमि बाः” धकाः धयादी।

२ पत्रुस 1:21

अगमवक्तातय्‌सं धाःगु खँ मनूतय्‌सं यसें धाःगु मखु। इपिं परमेश्‍वरया मनूत खः। अय्‌जूगुलिं पवित्र आत्‍मां इमित धयादीगु खँ जक इमिसं धयावंगु खः।

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।