१ पत्रुस 1:1 - नेवाः बाइबल

¹ पोन्‍टस, गलातिया, कापाडोकिया, एशिया व बिथिनियाय् वनाः परदेशी जुयाच्‍वंपिं परमेश्‍वरं ल्‍ययातःपिं मनूतय्‌त येशू ख्रीष्‍टया प्रेरित पत्रुसयागु ज्‍वजलपा।

१ पत्रुस 1:1 ပူးပေါင်းရင်းမြစ်များ

एस्‍तर 3:8

अले हामानं अहासूरस जुजुयात धाल, “छसपोलया राज्‍य दुने छगू जाति देय्‌या फुक्‍क प्रान्‍तय् मनूतय् दथुइ च्‍वनाच्‍वंगु दु। इपिं ब्‍यागल च्‍वना वयाच्‍वंगु दु। इमिगु रितिथिति मेगु फुक्‍क जातितय्‌गु स्‍वयाः पा। इमिसं छसपोलया नियम कानून नं मानय् मयाः। छिसं इमित सह यानाच्‍वनेगु बांलाः मजू।

भजनसंग्रहया सफू 44:11

छिं जिमित मेपिनिगु आहार जुइत फैतय्‌त थें त्‍वःतादिल, अले जातितय् दथुइ जिमित उखेलाः थुखेलाः मदय्‌काबिल।

इजकिएल 6:8

“‘अय्‌नं जिं छिपिं मध्‍ये गुलिंसित बचय् यानाः तये। उकिं छिपिं देश देशय् छ्यालब्‍याल जुइबलय् जाति जातिया दथुइ छिमि छुं मनूत तरवारं बचय् जुइ।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

मत्ती 10:2

थुपिं झिंनिम्‍ह प्रेरितत थथे खः – पत्रुस धाःम्‍ह सिमोन, वया किजा अन्‍द्रियास, जब्‍दिया काय् याकूब व वया किजा यूहन्‍ना,

मत्ती 24:22

परमेश्‍वरं व ईयात चिहाकय्‌का मदीसा सुं हे बचय् जुइ मखु। वय्‌कलं थःम्‍हं ल्‍ययातःपिं मनूतय्‌गु निंतिं व ईयात चिहाकय्‌कादी।”

मत्ती 4:18

छन्‍हु येशूं गालील समुद्र सिथय् झाया च्‍वंबलय् जाः ह्वानाः न्‍या लानाच्‍वंपिं निम्‍ह दाजुकिजापिं सिमोन व वया किजा अन्‍द्रियासयात खन। इपिं न्‍या लाइपिं खः।

लूका 18:7

अले छु, परमेश्‍वरं जक चान्‍हि थःके ग्‍वाहालि फ्‍वनाच्‍वंपिं थःम्‍हं हे ल्‍ययातःपिं मनूतय्‌त स्‍वयामदी ला? छु वय्‌कलं थः मनूतय्‌त ग्‍वाहालि यायेत लिबाकादी ला?

यूहन्‍ना 11:52

यहूदीतय्‌गु निंतिं जक मखु, बरु छ्यालब्‍याल जुयाच्‍वंपिं परमेश्‍वरया फुक्‍क सन्‍तानतय्‌त छथाय् मुंकेत नं खः।

यूहन्‍ना 7:35

अले इमिसं थःथवय् थथे खँ ल्‍हात – “झीसं लुइके हे मफय्‌क थ्‍व मनू गन वनेत्‍यंगु जुइ? छु थ्‍व ग्रीकतय्‌गु दथुइ उखेलाः थुखेलाः जुयाच्‍वपिं यहूदीतय्‌थाय् वनाः ग्रीकतय्‌त स्‍यनेकने यायेत वनेत्‍यंगु ला मखु ला?

प्रेरित 18:2

कोरिन्‍थय् वं पोन्‍टसयाम्‍ह अकिलास धाःम्‍ह छम्‍ह यहूदी मनू नापलात। कैसर क्‍लौडियसं फुक्‍क यहूदीतय्‌त रोमं पिहां वनेगु आज्ञा ब्‍यूगुलिं थ्‍व अकिलास नं थः कलाः प्रिस्‍किला नाप नकतिनि हे जक इटालियां कोरिन्‍थय् वयाः च्‍वनाच्‍वंगु खः। पावलं इमित नापलाः वन।

प्रेरित 18:23

लिपा व हानं गलातिया व फ्रिगिया वनाः थाय् थासय् च्‍वंपिं विश्‍वासीतय्‌त साहस बियाः विश्‍वासय् बल्‍लाका थकल।

प्रेरित 19:10

पावलं निदँ तक थथे यानाच्‍वन। अय्‌जूगुलिं एशियाय् च्‍वंपिं यहूदीत व यहूदीमखुपिं फुक्‍कसिनं प्रभुयागु खँ न्‍यने खन।

प्रेरित 6:9

उकिं दासं मुक्त जूपिनिगु धर्मशास्‍त्र स्‍यनीगु छेँयापिं, कुरेनीयापिं, अलेक्‍जेन्‍ड्रियायापिं, किलिकिया व एशियां वःपिन्‍सं दनाः स्‍तिफनस नाप जवाःसवाः याः वल।

प्रेरित 8:4

उखेंथुखें जूपिं विश्‍वासीतय्‌सं भिंगु खँ न्‍यंकाजुल।

१ कोरिन्‍थी 16:19

एशियाय् च्‍वंगु मण्‍डलीपाखें छिमित ज्‍वजलपा धयाहःगु दु। अकिलास व प्रिस्‍का अले इमिगु छेँय् दुगु मण्‍डलीं नं प्रभुयागु नामं छिमित ज्‍वजलपा धयाहःगु दु।

२ कोरिन्‍थी 1:8

यःपिं दाजुकिजापिं, एशियाय् जिमित दुःखकष्‍ट जूगु खँ छिमिसं नं सीमा धयागु जिमिगु इच्‍छा दु। अबलय् जिमित जूवःगु दुःखकष्‍ट तसकं हे तःधंगुलिं जिमिसं सह याये तक नं मफुत। म्‍वाइ थें हे मच्‍वने धुंकूगु।

गलाती 1:2

जिलिसें थन दुपिं दाजुकिजापिनिपाखें गलातियाय् च्‍वंगु मण्‍डलीयात ज्‍वजलपा!

एफिसी 2:12

बिचाः या, छिपिं ख्रीष्‍टपाखें तापाना च्‍वंपिं खः। छिपिं इस्राएलयागु हकं पिनेलाःपिं, परमेश्‍वरं चिनादीगु बाचां पिनेलाःपिं, आशा धयागु हे त्‍वफिका च्‍वंपिं, व परमेश्‍वर हे मदय्‌का च्‍वंपिं जुयाच्‍वंगु खः।

एफिसी 2:19

उकिं छिपिं आः यहूदीमखुपिं जूसां इस्राएलयागु हकं पिनेलाःपिं व परमेश्‍वरयागु बाचां पिनेलाःपिं मखुत। बरु आः छिपिं नं इस्राएलयागु हकं थ्‍याःपिं व परमेश्‍वरया जहानया दुजः जुल।

व्‍यवस्‍था 28:64

अले पृथ्‍वीयागु छगू कुन्‍चांनिसें मेगु कुन्‍चा तक थीथी जातिया दथुइ परमप्रभुं छिमित छ्यालब्‍याल यानादी। अले अन च्‍वनाः छिमिसं थःपिन्‍सं व थः पुर्खां म्‍हमस्‍यूपिं सिँ व ल्‍वहंयापिं मेपिं द्यःतय्‌त पुजा याइ।

व्‍यवस्‍था 32:26

जिं धया, ‘जिं इमित तातापाक तक छ्यालब्‍याल यानाबी, मनूतय्‌गु दथुं इमिगु लुमन्‍ति तकं मदय्‌काबी।’

व्‍यवस्‍था 4:27

परमप्रभुं छिमित जाति जातितय्‌गु दथुइ उखेलाः थुखेलाः यानाबी। वय्‌कलं छिमित लिनाछ्वःगु देश देशय् मेगु जातितय्‌गु दथुइ छिपिं कम जक म्‍वानाच्‍वनी।

२ तिमोथी 1:15

एशियाय् च्‍वंपिं फुक्‍कसिनं जितः त्‍वःतावन धकाः ला छं सि हे स्‍यू। फुगेलस व हेर्मोगेनसं तकं जितः त्‍वःतावन।

हिब्रू 11:13

इपिं फुक्‍कं विश्‍वास जक यानाः परमेश्‍वरं बी धकाः धयादीगु काये मखंकं सिनावन। अथेसां परमेश्‍वरं बी धकाः धयादीगु खँय् इमिसं विश्‍वास याः। इमिसं थःपिन्‍त पृथ्‍वीया लँजुवाःत जक ताय्‌कल।

याकूब 1:1

परमेश्‍वर व प्रभु येशू ख्रीष्‍टया दास याकूबयापाखें सारा संसारय् न्‍यंक वनाच्‍वंपिं इस्राएलीतय्‌गु झिंनिगू कुलयापिं मनूतय्‌त ज्‍वजलपा।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

२ पत्रुस 1:1

येशू ख्रीष्‍टया दास व प्रेरित सिमोन पत्रुसयापाखें झी परमेश्‍वर व झीत मुक्ति बियादीम्‍ह येशू ख्रीष्‍टयागु धार्मिकतां यानाः जिमिसं थें तःजिगु विश्‍वास काये खंपिं फुक्‍कसित ज्‍वजलपा।

प्रकाश 1:11

“छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”