१ यूहन्‍ना 5:9 - नेवाः बाइबल

⁹ झीसं मनुखं हे ब्‍यूगु साक्षीयात पत्‍याः याना। परमेश्‍वरं ब्‍यूगु साक्षी झन पत्‍याः यायेबहः जू। वय्‌कलं थः हे काय्‌यागु साक्षी बियादिल।

१ यूहन्‍ना 5:9 ပူးပေါင်းရင်းမြစ်များ

मत्ती 17:5

पत्रुसं थथे धयाच्‍वंबलय् तसकं थीगु सुपाँय् वयाः इमित त्‍वपुल। अले सुपाँय् दुनें थथे धयाहःगु सः ताये दत – “थ्‍व जि यःम्‍ह काय् खः। थ्‍व लिसे जि तसकं लय्‌तायागु दु। थ्‍वं धाःगु खँ न्‍यँ।”

यूहन्‍ना 10:38

जिं परमेश्‍वरयागु ज्‍या यानाच्‍वनागु दुसा जितः विश्‍वास मयाःसां जिं यानागु ज्‍या यात विश्‍वास यानादिसँ। उकिं जिके बाः दी, अले जि बाःयाके दु धकाः छिकपिन्‍सं सीकादिसँ, थुइकादिसँ।”

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

प्रेरित 5:32

थ्‍व फुक्‍क खँ जिमिसं सि नं स्‍यू, खँ नं खं। अथे हे परमेश्‍वरया आज्ञा मानय् याःपिन्‍त बियादीगु पवित्र आत्‍मां नं स्‍यू, अले खँ नं खं।”

हिब्रू 2:4

अले हानं थ्‍व खँ सत्‍य खः धकाः झीत क्‍यनेत परमेश्‍वरं हे ततःधंगु शक्ति व अजू चायापुगु ज्‍या व चिं यानादिल। परमेश्‍वरं थःत यःपिन्‍त पवित्र आत्‍मायागु वरदान नं बियादिल।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।

१ यूहन्‍ना 5:10

अय्‌जूगुलिं वय्‌कःया काय्‌यात विश्‍वास यानाच्‍वंपिं मनूतय्‌सं थ्‍व खँ सत्‍य खः धकाः स्‍यू। परमेश्‍वरयात विश्‍वास याइ मखुपिन्‍सं वय्‌कःयात फताहा ताय्‌की, छाय्‌धाःसा परमेश्‍वरं थः काय्‌यागु बारे बियादीगु साक्षीयात इमिसं विश्‍वास याइ मखु।