१ यूहन्‍ना 5:7 - नेवाः बाइबल

^7-8 येशू परमेश्‍वरया काय् खः धकाः थ्‍व स्‍वतां बांलाक क्‍यं – पवित्र आत्‍मा, लः व हि।

१ यूहन्‍ना 5:7 ပူးပေါင်းရင်းမြစ်များ

भजनसंग्रहया सफू 33:6

परमप्रभुं उजं बियाः आकाश दय्‌कादिल, अले सासलं फुक्‍क नगुत।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

मत्ती 17:5

पत्रुसं थथे धयाच्‍वंबलय् तसकं थीगु सुपाँय् वयाः इमित त्‍वपुल। अले सुपाँय् दुनें थथे धयाहःगु सः ताये दत – “थ्‍व जि यःम्‍ह काय् खः। थ्‍व लिसे जि तसकं लय्‌तायागु दु। थ्‍वं धाःगु खँ न्‍यँ।”

मत्ती 18:16

वं छंगु खँ मन्‍यन धाःसा मेपिं छम्‍ह निम्‍हय्‌सित नं ब्‍वनाः हुँ। व्‍यवस्‍थाय् च्‍वया तः थें निम्‍ह स्‍वम्‍हय्‌सिनं साक्षी बिल धाःसा छं वयात ब्‍यूगु द्वपं ठीक ठहरय् जुइ।

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

यूहन्‍ना 1:1

दक्‍वसिबय् न्‍हापा हे वचन दु, अले थ्‍व वचन परमेश्‍वर नाप दु। थ्‍व वचन हे परमेश्‍वर खः।

यूहन्‍ना 10:30

जि व जिम्‍ह बाः छम्‍ह हे खः।”

यूहन्‍ना 12:28

‘बाः, छिगु नांयात तःधंकादिसँ।’” अले स्‍वर्गं थथे धयाहल – “जिं तःधंके धुन, आः हानं तःधंके तिनि।”

यूहन्‍ना 14:17

थ्‍व सत्‍य आत्‍मायात संसारयापिं मनूतय्‌सं ग्रहण याये फइ मखु, छाय्‌धाःसा इमिसं वय्‌कःयात खनी नं मखु, म्‍हसी नं मखु। छिमिसं धाःसा वय्‌कःयात म्‍हस्‍यू। वय्‌कः छिपिंनाप, अले छिमिके हे च्‍वनादी।”

यूहन्‍ना 15:26

“जिं छिमिथाय् बाःयापाखें ग्‍वाहालि याइम्‍ह सत्‍य आत्‍मायात छ्वयाहये। वय्‌कलं हे छिमित जिगु साक्षी बी।

यूहन्‍ना 5:26

परमेश्‍वर बाः जीवनया मुहान खः, अथे हे वय्‌कलं थःकाय्‌यात नं जीवनया मुहान यानादिल।

यूहन्‍ना 8:18

जिं थःम्‍हं हे जिगु साक्षी बियाच्‍वना, अले जितः छ्वयाहयादीम्‍ह बाःनं नं जिगु साक्षी बियादी।”

यूहन्‍ना 8:54

वय्‌कलं लिसः बियादिल – “जि थथःम्‍हं तःधं जुयागु जूसा जि तःधंम्‍ह मखु। तर छिकपिन्‍सं जिमि बाः धकाः धाःम्‍ह परमेश्‍वर जिमि बाःनं हे जितः तःधं यानादीगु खः।

प्रेरित 2:33

परमेश्‍वर बाःनं नं वय्‌कःयात थःगु जवय् तयाः तःधंकादिल। अले परमेश्‍वरं बियादी धकाः धयादीगु पवित्र आत्‍मा वय्‌कःयात बियादिल। थथे वय्‌कलं हे जिमित नं पवित्र आत्‍मा बियादिल। छिकपिन्‍सं ताःगु व खंगु फुक्‍कं पवित्र आत्‍मायागु हे ज्‍या खः।

प्रेरित 5:32

थ्‍व फुक्‍क खँ जिमिसं सि नं स्‍यू, खँ नं खं। अथे हे परमेश्‍वरया आज्ञा मानय् याःपिन्‍त बियादीगु पवित्र आत्‍मां नं स्‍यू, अले खँ नं खं।”

२ कोरिन्‍थी 13:14

प्रभु येशू ख्रीष्‍टयागु दया, परमेश्‍वरयागु माया, अले पवित्र आत्‍मायागु संगति छिपिं सकल नाप दयाच्‍वनेमा।

व्‍यवस्‍था 6:4

हे इस्राएल न्‍यँ! परमप्रभु झी परमेश्‍वर छम्‍ह हे जक दु।

१ यूहन्‍ना 1:1

न्‍हापांनिसें जीवन बीगु वचन दु। थ्‍व हे वचनया बारे जिमिसं च्‍वयाच्‍वनागु दु। थ्‍व हे वचन जिमिसं न्‍यनागु नं दु। जिमिगु हे मिखां खनागु नं दु, बांलाक स्‍वयागु नं दु, ल्‍हातं थियागु नं दु।

१ यूहन्‍ना 5:6

येशू ख्रीष्‍ट थ्‍व संसारय् झायादीगु निता दसि दु – लः व हि। मनू थें जुयाः बप्‍तिस्‍मा कयादीगु दसि खः – लः, अले हानं मनूतय्‌गु पाप क्षमा यायेत येशूं सिनाः थःगु हि हाय्‌कादीगु दसि खः – हि। सत्‍यम्‍ह पवित्र आत्‍मां नं थ्‍व हे खँ साक्षी बियादिल।

प्रकाश 19:13

वय्‌कलं हिइ थुनातःगु वसः पुनातःगु दु। अले वय्‌कःयात परमेश्‍वरयागु वचन धकाः नां तया तल।