१ यूहन्‍ना 5:6 - नेवाः बाइबल

⁶ येशू ख्रीष्‍ट थ्‍व संसारय् झायादीगु निता दसि दु – लः व हि। मनू थें जुयाः बप्‍तिस्‍मा कयादीगु दसि खः – लः, अले हानं मनूतय्‌गु पाप क्षमा यायेत येशूं सिनाः थःगु हि हाय्‌कादीगु दसि खः – हि। सत्‍यम्‍ह पवित्र आत्‍मां नं थ्‍व हे खँ साक्षी बियादिल।

१ यूहन्‍ना 5:6 ပူးပေါင်းရင်းမြစ်များ

इजकिएल 36:25

जिं छिमिके शुद्ध लः छ्वाके, अले छिपिं शुद्ध जुइ। छिमिगु फुक्‍क अशुद्धतापाखें अले छिमिगु फुक्‍क मूर्तितपाखें जिं छिमित शुद्ध यानाबी।

लेवी 17:11

छाय्‌धाःसा प्राणीतय्‌गु प्राण हिलय् दयाच्‍वनी अले जिं उकियात छिमित वेदीइ प्रायश्‍चित यायेत बियागु खः। छाय्‌धाःसा उकी प्राण दुगुलिं हिपाखें हे प्रायश्‍चित जुइ।

जकरिया 9:11

छिपिंलिसे चिनागु हिया जिगु बाचाया कारणं जिं छिमि कैदीतय्‌त लः मदुगु गालं मुक्त यानाबी।

मत्ती 26:28

“थ्‍व न्‍हूगु बाचायागु जिगु हि खः। थ्‍व हे हिं यक्‍वसिगु पाप क्षमा जुइ।

मत्ती 3:16

वय्‌कः बप्‍तिस्‍मा कयाः उघ्रिमय् लखं थाहां झाल। उबलय् हे स्‍वर्ग चाल, अले वय्‌कलं परमेश्‍वरयागु आत्‍मा सुकुभतु थें जुयाः थःगु म्‍हय् जूवयाच्‍वंगु खन।

मर्कूस 14:24

अले वय्‌कलं इमित धयादिल – “थ्‍व जिगु न्‍हूगु बाचायागु हि खः। थ्‍व हे हिं यक्‍वसिगु पाप क्षमा जुइ।

लूका 22:20

नये धुंकाः अथे हे ख्‍वला कयाः वय्‌कलं धयादिल – “थ्‍व ख्‍वला छिमिगु निंतिं जिगु हि हाय्‌कागु परमेश्‍वरयागु न्‍हूगु बाचा खः।

यूहन्‍ना 14:17

थ्‍व सत्‍य आत्‍मायात संसारयापिं मनूतय्‌सं ग्रहण याये फइ मखु, छाय्‌धाःसा इमिसं वय्‌कःयात खनी नं मखु, म्‍हसी नं मखु। छिमिसं धाःसा वय्‌कःयात म्‍हस्‍यू। वय्‌कः छिपिंनाप, अले छिमिके हे च्‍वनादी।”

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 15:26

“जिं छिमिथाय् बाःयापाखें ग्‍वाहालि याइम्‍ह सत्‍य आत्‍मायात छ्वयाहये। वय्‌कलं हे छिमित जिगु साक्षी बी।

यूहन्‍ना 16:13

गुबलय् सत्‍य आत्‍मा झायादी, अबलय् छिमित फुक्‍क सत्‍य खँ सीके फय्‌के बी। वय्‌कलं थःगु हे जक खँ कनादी मखु, बरु छु छु न्‍यनादिल व हे जक कनादी। वय्‌कलं लिपा जूवइतिनिगु खँ नं कनादी।

यूहन्‍ना 3:5

वय्‌कलं लिसः बियादिल – “जिं छितः खःगु खँ धाये, मनूत लखं व परमेश्‍वरया आत्‍मां जन्‍म मजुइकं परमेश्‍वरयागु राज्‍यय् दुहां वने फइ मखु।

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

यूहन्‍ना 6:55

जिगु म्‍ह धात्‍थें हे नसा खः, अले जिगु हि धात्‍थें हे त्‍वनेगु खः।

प्रेरित 8:36

इपिं वँवं छथाय् लः दुथाय् थ्‍यन। अले वं फिलिपयात धाल – “स्‍वयादिसँ, थन लः दु। जितः बप्‍तिस्‍मा कायेत छुकिं पनी?”

रोमी 3:25

परमेश्‍वरं येशू ख्रीष्‍टयात प्रायश्‍चितया बलिदान याकाः वय्‌कःयागु हिं वय्‌कःयात विश्‍वास याक्‍वसिगु पाप क्षमा यानादिल। वय्‌कलं न्‍हापा न्‍हापायापिं मनूतय्‌गु पापया सजाँय मब्‍यूसे सह यानादिल।

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

कलस्‍सी 1:4

छाय्‌धाःसा छिमिसं येशू ख्रीष्‍टयात विश्‍वास यानाच्‍वंगु व परमेश्‍वरया मनूतय्‌त दया माया यानाच्‍वंगु खँ जिमिसं न्‍यना तयागु दु।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

तीतस 3:5

वय्‌कलं झीत मुक्ति बियादिल। झीसं भिंगु भिंगु जक ज्‍या यानागुलिं झीत मुक्ति बियादीगु मखु, बरु वय्‌कलं दया यानाः झीत झीगु पाप सिलाः न्‍हूपिं यानाः व पवित्र आत्‍मायागु शक्तिं मुक्ति बियादीगु खः।

हिब्रू 10:29

परमेश्‍वरया काय्‌यात पालि तःले च्‍वंगु धू ताय्‌कीपिन्‍त, थःत पवित्र याःगु बाचायागु हियात अशुद्ध ताय्‌कीपिन्‍त व दया यानादीम्‍ह पवित्र आत्‍मायात हेस्‍याइपिन्‍त गुलि जक अप्‍वः सजाँय बी। छिमिसं हे बिचाः या।

हिब्रू 12:24

छिपिं न्‍हूगु बाचा चिनाः परमेश्‍वर व मनूतय् दथुइ च्‍वनादीम्‍ह येशूयाथाय् व बदलाया लागि हालाच्‍वंगु हाबिलया हिया पलेसा क्षमा या निंतिं नवाइगु हाः हाः याःगु हिया थासय् वःगु दु।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

हिब्रू 9:7

दुने च्‍वंगु महा-पवित्रगु थासय् दँय् छकः दकलय् तःधंम्‍ह पुजाहारी जक थःगु व मेपिनिगु मसीकं याःगु पापयागु निंतिं हि छायेत दुहां वनी।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ पत्रुस 3:21

थ्‍व आः छिमित बचय् याइगु लःया बप्‍तिस्‍माया चिं खः। थ्‍व म्‍हया खिति सिला छ्वयेगु थें मखु, बरु यचुगु नुगलं परमेश्‍वरया अधीनय् जुइगु खः। ख्रीष्‍ट सिनाः म्‍वाना वःगुलिं झीपिं बचय् जुइ।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

१ यूहन्‍ना 4:10

झीसं परमेश्‍वरयात माया यानागु मखु, बरु वय्‌कलं हे झीत माया यानादीगुलिं झीगु पाप क्षमा यानाबीत थः हे काय्‌यात बलिदान यायेत छ्वयाहयादिल – माया धयागु थ्‍व हे खः।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।