१ यूहन्‍ना 5:21 - नेवाः बाइबल

²¹ उकिं अय् जि यःपिं मस्‍त, मूर्ति पुजापाखें तापाक च्‍वँ।

१ यूहन्‍ना 5:21 ပူးပေါင်းရင်းမြစ်များ

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

१ कोरिन्‍थी 10:14

अथे जूगुलिं यःपिं दाजुकिजापिं, मूर्ति पुजा यायेगुपाखें तापाक च्‍वँ।

१ थेसलोनिकी 1:9

जिपिं छिमिथाय् वयाबलय् छिमिसं जिमित गुकथं लसकुस यात अले धात्‍थेंयाम्‍ह व म्‍वाःम्‍ह परमेश्‍वरयात सेवा यायेत छिपिं गुकथं मूर्ति पुजा यायेगु त्‍वःताः परमेश्‍वरपाखे फहिला वल धयागु खँ फुक्‍कसिनं धयाच्‍वंगु दु।

१ यूहन्‍ना 2:1

अय् जि यःपिं मस्‍त, छिपिं ला जिम्‍ह मस्‍त थें खः। छिमिसं पाप याये मते धकाः थ्‍व खँ जिं च्‍वयाच्‍वनागु खः। छुं जुयाः छिमिसं पाप याये लात धाःसा निराश जुइ मते, छाय्‌धाःसा झीत ग्‍वाहालि याइम्‍ह येशू ख्रीष्‍टं बाःया न्‍ह्यःने झीगु निंतिं बिन्‍ति यानादी।

प्रकाश 14:11

इमिसं सास्‍ती नया च्‍वंथासं वःगु कुँ न्‍ह्याबलें च्‍वय् थाहां वनाच्‍वनी। इमिसं चच्‍छि न्‍हिच्‍छि दुःखसिया च्‍वनेमाली। व पशुयात व वयागु मूर्तियात पुजा याक्‍वसित, अले हानं वयागु नांयागु चिं काक्‍वसित नं अथे हे याइ।”

प्रकाश 9:20

थुकिं मस्‍याःपिं मनूतय्‌सं अझ नं थःगु ल्‍हातिं याःगु ज्‍यायागु पश्‍चाताप मयाः। इमिसं भूतयात पुजा यायेगु व लुँ, वहः, सिजः, ल्‍वहं व सिँयागु मूर्तियात पुजा यायेगु मत्‍वःतू। थ्‍व द्यःतय्‌सं मखं, मताः, अले न्‍यासि जुइ मफु।