१ यूहन्‍ना 5:19 - नेवाः बाइबल

¹⁹ झीपिं परमेश्‍वरया सन्‍तान खः, अले थ्‍व संसारय् च्‍वंपिं मेपिं फुक्‍क मनूत शैतानया मनूत खः धकाः नं झीसं स्‍यू।

१ यूहन्‍ना 5:19 ပူးပေါင်းရင်းမြစ်များ

लूका 4:6

अले शैतानं थथे धाल – “थ्‍व फुक्‍क धन व राज्‍य जिं छितः बी, छाय्‌धाःसा थ्‍व फुक्‍कं जितः बियातःगुलिं जितः यःम्‍हय्‌सित बी थ्‍याः।

यूहन्‍ना 12:31

आः थ्‍व संसारयागु न्‍याय जुइ। आः थ्‍व संसारयाम्‍ह शासकयात पितिनाछ्वइ।

यूहन्‍ना 14:30

“थ्‍व संसारयात शासन याइम्‍ह वयाच्‍वंगु दु, उकिं जि छिपिंनाप अप्‍वः खँ ल्‍हाना च्‍वने मखुत। वलिसे जिगु छुं स्‍वापु मदु।

यूहन्‍ना 16:11

वय्‌कलं परमेश्‍वरया न्‍याय छु खः क्‍यनादी, छाय्‌धाःसा थ्‍व संसारया शासक न्‍हापा हे दोषी खः धकाः न्‍याय याये धुंकल।”

यूहन्‍ना 17:15

अय्‌जूसां छिं इमित संसारं यंकादिसँ धकाः मखु बरु इमित मभिंगु ज्‍याखँ मयाकुसे बचय् यानातयादिसँ धकाः जिं छितः बिन्‍ति यानागु खः।

रोमी 8:16

झीगु आत्‍मानाप मिलय् जुयाः परमेश्‍वरयागु आत्‍मां झीपिं परमेश्‍वरया सन्‍तान खः धकाः साक्षी बी।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 4:4

थ्‍व संसारया द्यवं विश्‍वास मयाःपिनिगु मनयात छुं हे थुइके मफय्‌क कां यानातःगु दु। अथे जूगुलिं इमिसं भिंगु खँ थुइके फइ मखु। अले ख्रीष्‍टया महिमा गुलि तःधं व वय्‌कः हे झःझः धाःम्‍ह परमेश्‍वरयागु रूप खः धकाः इमिसं सी मखु।

२ कोरिन्‍थी 5:1

झीगु थ्‍व म्‍ह झीपिं च्‍वनेगु संसारयागु छेँ थें खः। गुबलय् झीपिं सी अबलय् परमेश्‍वरं झीत मेगु न्‍हूगु म्‍ह बियादी। न्‍हूगु म्‍ह मनूतय्‌सं दय्‌कातःगु छेँ थें मखु। सदां दयाच्‍वनीगु स्‍वर्गयागु छेँ थें खः।

गलाती 1:4

थ्‍व मभिंगु इलं बचय् यायेत झीगु पापयागु निंतिं झी परमेश्‍वर बाःनं धयादी थें येशू थः हे सिनादिल।

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

तीतस 3:3

झीपिं नं छकः ला छुं मस्‍यूपिं, अतेरिपिं, लँ द्वंका च्‍वनापिं, मभिंगु मतिइ तया जुइपिं, मोजमज्‍जा जक याइपिं, नुगः मुइका जुइपिं व थःथवय् मयय्‌का जुइपिं जुइ धुन।

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।

१ यूहन्‍ना 3:14

झी मृत्‍युं जीवनय् न्‍ह्याये धुन धयागु थुकिं हे सी दु। झीसं थः दाजुकिजापिन्‍त माया याना। थः दाजुकिजापिन्‍त माया मयाइम्‍ह मनू कालयागु ल्‍हातय् हे लानाच्‍वनी।

१ यूहन्‍ना 3:24

परमेश्‍वरयागु आज्ञा मानय् यानाच्‍वंम्‍ह मनू वय्‌कः नाप दइ, अले वय्‌कः व नाप दइ। झीगु नुगलय् पवित्र आत्‍मा तयादीगुलिं झीसं थ्‍व स्‍यू।

१ यूहन्‍ना 5:10

अय्‌जूगुलिं वय्‌कःया काय्‌यात विश्‍वास यानाच्‍वंपिं मनूतय्‌सं थ्‍व खँ सत्‍य खः धकाः स्‍यू। परमेश्‍वरयात विश्‍वास याइ मखुपिन्‍सं वय्‌कःयात फताहा ताय्‌की, छाय्‌धाःसा परमेश्‍वरं थः काय्‌यागु बारे बियादीगु साक्षीयात इमिसं विश्‍वास याइ मखु।

१ यूहन्‍ना 5:13

परमेश्‍वरया काय् येशूयात विश्‍वास याःगुलिं छिमिके अनन्‍त जीवन दु धयागु खँ थुइमा धकाः थ्‍व खँ छिमित च्‍वयाच्‍वनागु खः।

१ यूहन्‍ना 5:15

झीसं प्रार्थनाय् न्‍ह्यागु फ्‍वंसां वय्‌कलं झीगु खँ न्‍यनादी धकाः स्‍यूगुलिं वय्‌कःयाके फ्‍वनागु वय्‌कलं बियादी धुंकल धकाः नं स्‍यू।

१ यूहन्‍ना 5:18

परमेश्‍वरया सन्‍तानतय्‌सं पाप यानां तुं च्‍वनी मखु। वय्‌कःया काय्‌नं अज्‍याःम्‍ह मनूयात शैतानं थी मफय्‌क बचय् यानातयादी।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।

प्रकाश 20:3

अले गालय् वान्‍छ्वयाः पुसा तिनाः छाप तयाबिल। द्वःछि दँ मफुतले वं जात जातियापिं मनूतय्‌त थगय् मयायेमा धकाः थथे याःगु खः। द्वःछि दँ दये धुंकाः वयात पलख त्‍वःती।