१ यूहन्‍ना 5:14 - नेवाः बाइबल

¹⁴ वय्‌कःया इच्‍छा कथं झीसं न्‍ह्यागु फ्‍वंसां वय्‌कलं बियादी धकाः झीसं स्‍यू। उकिं झीपिं वय्‌कःया न्‍ह्यःने वनेत ग्‍याये माःगु मदु।

१ यूहन्‍ना 5:14 ပူးပေါင်းရင်းမြစ်များ

१ राजा 3:12

उकिं जिं छं धाःथें हे यानाबी। न्‍हापा सुयातं मदुगु व लिपा नं सुयातं मदइगु बुद्धि व थुइके फइगु मन जिं छन्‍त बी।

अय्‍यूब 34:28

इमिसं यानाः गरीबत ख्‍वःगु सः परमेश्‍वरयाथाय् थ्‍यन, थुकथं मगाःमचाःपिं ख्‍वःगु वय्‌कलं न्‍यनादिल।

भजनसंग्रहया सफू 145:19

वय्‌कःया ग्‍याःभय काःपिनिगु इच्‍छा वय्‌कलं पूवंकादी, अले इमिगु बिन्‍ति न्‍यनाः इमित उद्धार यानादी।

भजनसंग्रहया सफू 31:22

जि छत्‍थुं ग्‍यानाः हाला, “जितः परमप्रभुपाखें तापाकल।” तर जिं ग्‍वाहालिया निंतिं छितः प्रार्थना यानाबलय् छिं जितः लिसः बियादिल।

भजनसंग्रहया सफू 34:17

भिंगु ज्‍या याइपिन्‍सं परमप्रभुयात प्रार्थना याइबलय् परमप्रभुं न्‍यनादी, अले इमिगु फुक्‍क दुःख मदय्‌कादी।

भजनसंग्रहया सफू 69:33

परमप्रभुं मगाःमचाःपिनिगु सः न्‍यनादी। अले कुना तःपिं थः मनूतय्‌त ल्‍वःमंकादी मखु।

हितोपदेश 10:24

धर्मीतय्‌सं मनंतुंगु खँ पूवनी, दुष्‍टत छु खँय् ग्‍याइगु खः, व हे इमित जुइ।

हितोपदेश 15:29

परमप्रभु दुष्‍टतपाखें तापाक हे च्‍वनादी, वय्‌कलं धर्मीतय्‌गु प्रार्थना धाःसा न्‍यनादी।

यर्मिया 33:3

‘जितः प्रार्थना या, अले जिं छन्‍त लिसः बी। छं मस्‍यूगु ततःधंगु व गुप्‍ति खँ जिं छन्‍त कने।’

मत्ती 21:22

अले विश्‍वास यानाः प्रार्थनाय्‌ न्‍ह्यागु फ्‍वंसां छिमित दइ।”

यूहन्‍ना 11:42

छिं जिगु खँ न्‍ह्याबलें न्‍यनादी धकाः जिं स्‍यू। थन दना च्‍वंपिन्‍सं जितः छ्वयाहयादीम्‍ह छि हे खः धकाः विश्‍वास याये फयेमा धकाः जिं थथे धयागु खः।”

यूहन्‍ना 14:13

जिगु नामय् छिमिसं न्‍ह्यागु फ्‍वंसां जिं छिमित बी। थुकथं काय्‌नं यानाः बाः तःधनी।

यूहन्‍ना 15:7

छिपिं जिके च्‍वनाच्‍वन धाःसा व जिगु वचनयात नुगलय् तया तल धाःसा छिमिसं न्‍ह्यागु फ्‍वंसां छिमित बी।

यूहन्‍ना 16:24

आः तक छिमिसं जिगु नामं छुं हे मफ्‍वंनि। फ्‍वँ, अले छिमित दइ, थुकथं छिपिं आनन्‍दं जाइ।”

यूहन्‍ना 9:31

पापीतय्‌गु खँ परमेश्‍वरं न्‍यनादी मखु धकाः जिमिसं स्‍यू। परमेश्‍वरया भय काइम्‍ह व वय्‌कलं धाःथें याना जुइम्‍हय्‌सिगु जक खँ न्‍यनादी।

एफिसी 3:12

ख्रीष्‍टयात विश्‍वास यानागुलिं झीपिं मग्‍यासे हे परमेश्‍वरया न्‍ह्यःने वने फु।

हिब्रू 10:35

अय्‌जूगुलिं छिमिसं साहस यायेगु त्‍वःते मते। छिमिसं थुकियागु तःधंगु इनाम काये खनीतिनि।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

हिब्रू 3:6

ख्रीष्‍ट धाःसा परमेश्‍वरयागु छेँय् अधिकार दुम्‍ह काय् थें विश्‍वास याये बहःम्‍ह जुयादिल। झीसं आशा याना थें उत्‍थें साहस व भरोसा तयाच्‍वन धाःसा झीपिं हे परमेश्‍वरया छेँ जुइ।

याकूब 4:3

छिमिगु मति हे मभिं, उकिं फ्‍वंसां छिमित बियादी मखु, छाय्‌धाःसा छिमिसं मोजमज्‍जा याना जुइत फ्‍वनी।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।

१ यूहन्‍ना 2:28

अय् जि यःपिं मस्‍त, ख्रीष्‍टनाप च्‍वनाच्‍वँ। अले जक ख्रीष्‍ट हानं थन झायादीबलय् झीपिं ग्‍याये माली मखु, अले वय्‌कः खनाः लज्‍या चाये माली मखु।