१ यूहन्‍ना 5:10 - नेवाः बाइबल

¹⁰ अय्‌जूगुलिं वय्‌कःया काय्‌यात विश्‍वास यानाच्‍वंपिं मनूतय्‌सं थ्‍व खँ सत्‍य खः धकाः स्‍यू। परमेश्‍वरयात विश्‍वास याइ मखुपिन्‍सं वय्‌कःयात फताहा ताय्‌की, छाय्‌धाःसा परमेश्‍वरं थः काय्‌यागु बारे बियादीगु साक्षीयात इमिसं विश्‍वास याइ मखु।

१ यूहन्‍ना 5:10 ပူးပေါင်းရင်းမြစ်များ

अय्‍यूब 24:25

“थ्‍व थथे मखुसा, सुनां जितः फताहा ठहरय् याये फइ? अथवा सुनां जिगु वचन ज्‍यालगय् मजू धकाः क्‍यने फइ?”

भजनसंग्रहया सफू 25:14

परमप्रभुया ग्‍याःभय काइपिन्‍त वय्‌कलं थः पासा थें यानादी, अले वय्‌कलं इमित बाचायागु खँ कनादी।

हितोपदेश 3:32

थज्‍याःपिं मभिंपिं मनूत परमप्रभुयात मयः। धर्मी मनूतय्‌त धाःसा वय्‌कलं थःगु विश्‍वासय् कयादी।

यशैया 53:1

झीगु बुखँय् सुनां विश्‍वास याःगु दु? परमप्रभुया बल्‍लाःगु ल्‍हाःया शक्ति सुयात क्‍यन?

यर्मिया 15:18

जितः छाय् दुःख जुया तुं च्‍वंगु? जिगु घाःपाः छाय् तसकं स्‍याःगु व मलंगु? छु छि जिगु लागि धोखा बीगु खुसिचा थें व लः मदुगु मुहान थें खः ला?

गन्‍ती 23:19

परमेश्‍वर मनू थें मखु, मखुगु खँ ल्‍हायेत, वय्‌कः मनू मखु, थःगु मन हिलेत। वय्‌कलं धयादीगु खँ गुबलें मजूगु दु ला? वय्‌कलं बचं बियाः छु व पूवंकामदी ला?

यूहन्‍ना 3:16

“परमेश्‍वरं संसारयात यक्‍व माया यानादीगुलिं वय्‌कःयात विश्‍वास याःपिं मनूत नाश मजुइमा, बरु इमित अनन्‍त जीवन दयेमा धकाः थः याकः काय्‌यात तकं बियादिल।

यूहन्‍ना 3:18

“वय्‌कःयात विश्‍वास याःपिं मनूतय्‌गु न्‍याय जुइ मखु, परमेश्‍वरया याकः काय्‌यात विश्‍वास मयाःपिं मनूतय्‌गु धाःसा न्‍याय जुइ हे धुंकल।

यूहन्‍ना 3:33

वय्‌कःयागु खँय् विश्‍वास याःम्‍ह मनुखं धाःसा परमेश्‍वर सत्‍य खः धकाः दसि बी।

यूहन्‍ना 5:38

वय्‌कलं छ्वया हःम्‍हय्‌सित छिमिसं विश्‍वास मयाःगुलिं वय्‌कःयागु वचन छिमिके थाइ मखु।

प्रेरित 8:37

फिलिपं धाल – “छिं दुनुगलंनिसें विश्‍वास यानादियागु खःसा बप्‍तिस्‍मा कयादी फु।” अले वं लिसः बिल – “येशू ख्रीष्‍ट परमेश्‍वरया काय् खः धकाः जिं विश्‍वास याना।”

रोमी 8:16

झीगु आत्‍मानाप मिलय् जुयाः परमेश्‍वरयागु आत्‍मां झीपिं परमेश्‍वरया सन्‍तान खः धकाः साक्षी बी।

गलाती 4:1

जिं छु धाये धाःसा – अबुयागु सम्‍पत्ति फुक्‍कं वया काय्‌पिनिगु खःसां मचाबलय् इपिं च्‍यः थें हे जुयाच्‍वनी।

गलाती 4:6

झीपिं नं परमेश्‍वरया काय्‌पिं खः धकाः सीकेत परमेश्‍वरं थः काय्‌यागु आत्‍मा झीगु नुगलय् तयादिल। अले थ्‍व हे आत्‍मां झीगु नुगलं “अब्‍बा, जिमि बाः” धकाः धयादी।

कलस्‍सी 3:3

छाय्‌धाःसा छिपिं सी धुंकूपिं खः। अय्‌नं परमेश्‍वरं छिमित ख्रीष्‍टलिसे म्‍वाकातःगु दु।

हिब्रू 3:12

यःपिं दाजुकिजापिं, होश‍ यानाच्‍वँ। छिपिं सुं नं म्‍वाःम्‍ह परमेश्‍वरयात त्‍वःताः विश्‍वास मयाइपिं व जिद्दी जूपिं जुइ मते।

२ पत्रुस 1:19

अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।

१ यूहन्‍ना 1:10

“झीसं गुबलें हे पाप मयाना” धकाः धाल धाःसा झीसं परमेश्‍वरयात फताहा याःगु जुइ। अले वय्‌कःयागु वचन झीके दइ मखु।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।

प्रकाश 12:17

अले व मिसा खनाः झन तसकं तंम्‍वल। उकिं वया सन्‍तान, परमेश्‍वरयागु आज्ञा मानय् यानाच्‍वंपिं व येशूयागु वचन सत्‍य खः धकाः धाइपिं नाप ल्‍वायेत अजिङ्गर वन।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।

प्रकाश 2:28

अले जिं इमित सुथसिगु नगु नं बी।