१ यूहन्‍ना 5:1 - नेवाः बाइबल

¹ येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।

१ यूहन्‍ना 5:1 ပူးပေါင်းရင်းမြစ်များ

मत्ती 16:16

सिमोन पत्रुसं लिसः बिल – “छि म्‍वाःम्‍ह परमेश्‍वरया काय्, मुक्ति बीम्‍ह ख्रीष्‍ट खः।”

लूका 7:5

छाय्‌धाःसा वं झी इस्राएलीतय्‌त माया याः। अले हानं वं झीत धर्मशास्‍त्र स्‍यनीगु छेँनं दय्‌काब्‍यूगु दु।”

यूहन्‍ना 1:3

फुक्‍कं सृष्‍टि यानादीगु वय्‌कलं हे खः। फुक्‍क सृष्‍टि परमेश्‍वरं वय्‌कःयापाखें हे यानादीगु खः। सृष्‍टि जूगुलिइ छुं नं वय्‌कः मदय्‌कं जूगु मदु।

यूहन्‍ना 15:23

सुनां जितः हेला याइ वं जिमि बाःयात नं हेला याइ।

यूहन्‍ना 3:3

वय्‌कलं लिसः बियादिल – “जिं छितः खःगु खँ धाये – न्‍हूकथं हानं जन्‍म मजुइकं मनूतय्‌सं परमेश्‍वरयागु राज्‍य खनी मखु।”

यूहन्‍ना 6:69

उकिं जिमिसं विश्‍वास यानाः परमेश्‍वरं छ्वयाहयादीम्‍ह पवित्रम्‍ह मनू छि हे खः धकाः नं सीके धुन।”

यूहन्‍ना 8:42

वय्‌कलं धयादिल – “परमेश्‍वर छिकपिनि बाः खः धयागु जूसा छिकपिन्‍सं जितः माया यानादी माःगु खः, छाय्‌धाःसा जितः वय्‌कलं छ्वया हयादीगुलिं जि वयाच्‍वनागु खः। जि थःगु हे इच्‍छां वयागु मखु, बरु वय्‌कलं हे जितः छ्वयाहयादीगु खः।

प्रेरित 8:36

इपिं वँवं छथाय् लः दुथाय् थ्‍यन। अले वं फिलिपयात धाल – “स्‍वयादिसँ, थन लः दु। जितः बप्‍तिस्‍मा कायेत छुकिं पनी?”

प्रेरित 8:37

फिलिपं धाल – “छिं दुनुगलंनिसें विश्‍वास यानादियागु खःसा बप्‍तिस्‍मा कयादी फु।” अले वं लिसः बिल – “येशू ख्रीष्‍ट परमेश्‍वरया काय् खः धकाः जिं विश्‍वास याना।”

याकूब 1:18

वय्‌कलं सृष्‍टि यानादीगु मध्‍ये न्‍हापांगु फल झीपिं जुइ फयेमा धकाः सत्‍य वचनपाखें झीत थःम्‍हं ल्‍ययादीगु खः।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

१ यूहन्‍ना 2:10

दाजुकिजापिन्‍त माया यानाजुइम्‍ह मनूयागु नुगः ख्रीष्‍टं यचुकादीगु दु धकाः सी दु, उकिं वयागु नुगलय् हाकु धयागु हे दये फइ मखु। अय्‌जूगुलिं वं सुयातं पाप याकी मखु।

१ यूहन्‍ना 2:29

ख्रीष्‍ट भिंम्‍ह खः धकाः छिमिसं स्‍यू। अय्‌जूगुलिं छिमिसं भिंगु बांलाःगु जक यानाजुइपिं मनूत परमेश्‍वरया सन्‍तान खः धकाः सीकाति।

१ यूहन्‍ना 3:14

झी मृत्‍युं जीवनय् न्‍ह्याये धुन धयागु थुकिं हे सी दु। झीसं थः दाजुकिजापिन्‍त माया याना। थः दाजुकिजापिन्‍त माया मयाइम्‍ह मनू कालयागु ल्‍हातय् हे लानाच्‍वनी।

१ यूहन्‍ना 3:17

तःमिम्‍ह मनुखं थः दाजुकिजापिनि नये मखं धकाः सियाः नं इमित माःगु ग्‍वाहालि मब्‍यूसा, अज्‍याःम्‍ह मनुखं परमेश्‍वरयात माया याना धकाः गथे धाये फइ?

१ यूहन्‍ना 3:9

परमेश्‍वरयापाखें बूम्‍हय्‌सिनं पाप यानां तुं च्‍वनी मखु, छाय्‌धाःसा इपिं वय्‌कः थें जुइ। अले वय्‌कः हे इमि बाः जूगुलिं नं इमिसं पाप यानां तुं च्‍वने फइ मखु।

१ यूहन्‍ना 4:2

सुनां ख्रीष्‍ट धात्‍थें हे मनू जुयाः झायादीगु खः धकाः धाइ व मनूयाके परमेश्‍वरयागु आत्‍मा दु। थुकिं हे परमेश्‍वरया आत्‍मा म्‍हसी।

१ यूहन्‍ना 4:20

वय्‌कःयात जिं माया यानागु दु धकाः धया जुइम्‍ह मनुखं दाजुकिजापिन्‍त हेला याना जूसा थज्‍याःम्‍ह मनू फताहा खः धकाः सीकि। मिखां खंपिं थः दाजुकिजापिन्‍त माया मयाइम्‍ह मनुखं मिखां मखंम्‍ह परमेश्‍वरयात माया याये फइ मखु।

१ यूहन्‍ना 4:7

यःपिं दाजुकिजापिं, झी थःथवय् माया यानाच्‍वनेमाः, छाय्‌धाःसा माया धयागु परमेश्‍वरपाखें वःगु खः। अय्‌जूगुलिं माया यानाजुइम्‍ह मनुखं वय्‌कःयात बांलाक म्‍हस्‍यू, उकिं थज्‍याःपिं मनूत वय्‌कःया सन्‍तान खः।

१ यूहन्‍ना 5:18

परमेश्‍वरया सन्‍तानतय्‌सं पाप यानां तुं च्‍वनी मखु। वय्‌कःया काय्‌नं अज्‍याःम्‍ह मनूयात शैतानं थी मफय्‌क बचय् यानातयादी।

१ यूहन्‍ना 5:4

वय्‌कःया सन्‍तानतय्‌सं थ्‍व संसारयात बुकी। वय्‌कःयात विश्‍वास यानागुलिं झीसं संसारयात त्‍याके फइ।

१ यूहन्‍ना 5:5

सुनां संसारयात त्‍याके फइ? येशूयात परमेश्‍वरया काय् खः धकाः विश्‍वास यानाजुइपिन्‍सं जक थ्‍व संसारयात त्‍याके फइ, मेपिन्‍सं त्‍याके फइ मखु।