१ यूहन्‍ना 4:8 - नेवाः बाइबल

⁸ परमेश्‍वर प्रेम खः, उकिं माया याये मसःम्‍ह मनुखं वय्‌कःयात म्‍हसी मखु।

१ यूहन्‍ना 4:8 ပူးပေါင်းရင်းမြစ်များ

भजनसंग्रहया सफू 86:15

तर परमप्रभु, छि दयादुम्‍ह, माया यानादीम्‍ह परमेश्‍वर खः। छि तंचायेत लिबाकादीम्‍ह, सदां दया माया यानादीम्‍ह व तसकं विश्‍वास याये बहःम्‍ह खः।

भजनसंग्रहया सफू 86:5

हे परमप्रभु, छि भिंम्‍ह व क्षमा बियादीम्‍ह खः। अले गुलिसिनं ग्‍वाहालिया लागि छितः इनाप याइ, इपिं सकसितं छिं सदां दया माया यानादी।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

एफिसी 2:4

अय्‌नं परमेश्‍वरं झीत तसकं तःधंगु दया माया क्‍यनादीगु दु।

हिब्रू 12:29

झीम्‍ह परमेश्‍वर भस्‍म याना छ्वइम्‍ह मि खः।

१ यूहन्‍ना 1:5

परमेश्‍वरया काय्‌नं बियादीगु शिक्षा हे जिमिसं छिमित बियाच्‍वना। परमेश्‍वर जः खः। वय्‌कःयाके खिउँ हे मदु।

१ यूहन्‍ना 2:4

परमेश्‍वरयात बांलाक म्‍हस्‍यू धकाः धयाः वय्‌कःयागु आज्ञा मानय् याना मजूम्‍ह मनू फताहा खः। वयाके सत्‍य धयागु हे दइ मखु।

१ यूहन्‍ना 2:9

ख्रीष्‍टं जिगु नुगः यचुक सिलादीगु दु धकाः धया जुइम्‍ह मनुखं दाजुकिजापिन्‍त हेला यानाच्‍वन धाःसा आः तक नं वयागु नुगः हाकुसे हे च्‍वं नि।

१ यूहन्‍ना 3:10

परमेश्‍वरया सन्‍तान व शैतानया सन्‍तान थुकिं हे बांलाक सी दइ। बांलाःगु भिंगु ज्‍या मयाइम्‍ह, अले थः दाजुकिजापिन्‍त माया मयाइम्‍ह मनू परमेश्‍वरया सन्‍तान मखु।

१ यूहन्‍ना 3:6

ख्रीष्‍टयाके च्‍वनाच्‍वंपिन्‍सं पाप याइ मखु। पाप यानाच्‍वनीम्‍ह मनुखं ख्रीष्‍टयात गुबलें हे खनी नं मखु, म्‍ह नं सी मखु।

१ यूहन्‍ना 4:16

अले झीत परमेश्‍वरं माया यानादिल धकाः झीसं सि नं स्‍यू, अले विश्‍वास नं याना। परमेश्‍वर माया खः, उकिं माया यानाजुइम्‍ह मनूयागु नुगलय् वय्‌कः दयाच्‍वनी। अले व नाप दइ।

१ यूहन्‍ना 4:7

यःपिं दाजुकिजापिं, झी थःथवय् माया यानाच्‍वनेमाः, छाय्‌धाःसा माया धयागु परमेश्‍वरपाखें वःगु खः। अय्‌जूगुलिं माया यानाजुइम्‍ह मनुखं वय्‌कःयात बांलाक म्‍हस्‍यू, उकिं थज्‍याःपिं मनूत वय्‌कःया सन्‍तान खः।