१ यूहन्‍ना 4:7 - नेवाः बाइबल

⁷ यःपिं दाजुकिजापिं, झी थःथवय् माया यानाच्‍वनेमाः, छाय्‌धाःसा माया धयागु परमेश्‍वरपाखें वःगु खः। अय्‌जूगुलिं माया यानाजुइम्‍ह मनुखं वय्‌कःयात बांलाक म्‍हस्‍यू, उकिं थज्‍याःपिं मनूत वय्‌कःया सन्‍तान खः।

१ यूहन्‍ना 4:7 ပူးပေါင်းရင်းမြစ်များ

यूहन्‍ना 13:34

छगू न्‍हूगु आज्ञा जिं छिमित बीत्‍यना। छिपिं थःथवय् माया याना च्‍वँ। गथे जिं छिमित माया यानागु खः, अथे हे छिमिसं थःथवय् माया यानाच्‍वनेमाः।

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

१ कोरिन्‍थी 8:3

परमेश्‍वरयात माया यानाच्‍वंम्‍ह मनूयात धाःसा परमेश्‍वरं नं म्‍हस्‍यू।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

गलाती 4:9

आः छिमिसं परमेश्‍वरयात म्‍हसी धुंकल। वय्‌कलं नं छिमित म्‍हसीकादिल। आः हानं छिपिं गथे यानाः व हे ज्‍यालगय् मजूपिं व पुलांपिं द्यःतय्‌थाय् लिहां वनेफुगु? छु छिपिं हानं इमि दास जूवनेगु ला?

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

व्‍यवस्‍था 30:6

गुकिं यानाः छिपिं म्‍वानाच्‍वनेत छिमिसं परमप्रभु थः परमेश्‍वरयात दुनुगलंनिसें व थःगु फुक्‍क प्राणं वय्‌कःयागु माया याये फयेमा, वय्‌कलं छिमिगु व छिमि सन्‍तानतय्‌गु नुगः हीकादी।

२ तिमोथी 1:7

परमेश्‍वरं झीत भयया आत्‍मा मखु, बरु झीत शक्ति, माया व थःत कःघाये फइगु आत्‍मा बियादीगु दु।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

१ यूहन्‍ना 2:10

दाजुकिजापिन्‍त माया यानाजुइम्‍ह मनूयागु नुगः ख्रीष्‍टं यचुकादीगु दु धकाः सी दु, उकिं वयागु नुगलय् हाकु धयागु हे दये फइ मखु। अय्‌जूगुलिं वं सुयातं पाप याकी मखु।

१ यूहन्‍ना 2:29

ख्रीष्‍ट भिंम्‍ह खः धकाः छिमिसं स्‍यू। अय्‌जूगुलिं छिमिसं भिंगु बांलाःगु जक यानाजुइपिं मनूत परमेश्‍वरया सन्‍तान खः धकाः सीकाति।

१ यूहन्‍ना 2:3

परमेश्‍वरयागु आज्ञा मानय् याना च्‍वंसा जक वय्‌कःयात बांलाक म्‍हस्‍यू धकाः झीसं धाये फइ।

१ यूहन्‍ना 2:4

परमेश्‍वरयात बांलाक म्‍हस्‍यू धकाः धयाः वय्‌कःयागु आज्ञा मानय् याना मजूम्‍ह मनू फताहा खः। वयाके सत्‍य धयागु हे दइ मखु।

१ यूहन्‍ना 2:7

यःपिं दाजुकिजापिं, जिं छिमित च्‍वयाच्‍वनागु थ्‍व आज्ञा न्‍हूगु मखु, पुलांगु हे खः। थ्‍व आज्ञा परमेश्‍वरयात विश्‍वास याःबलय् निसें छिमित न्‍यंकूगु खः, आः नं न्‍यनाच्‍वंगु हे दु।

१ यूहन्‍ना 3:9

परमेश्‍वरयापाखें बूम्‍हय्‌सिनं पाप यानां तुं च्‍वनी मखु, छाय्‌धाःसा इपिं वय्‌कः थें जुइ। अले वय्‌कः हे इमि बाः जूगुलिं नं इमिसं पाप यानां तुं च्‍वने फइ मखु।

१ यूहन्‍ना 4:11

यःपिं दाजुकिजापिं, परमेश्‍वरं हे झीत थथे माया यानादिल धाःसा झी थःथवय् नं माया यानाच्‍वनेमाः।

१ यूहन्‍ना 4:12

परमेश्‍वरयात सुनानं खंगु मदुनि। तर झी थःथवय् माया याना च्‍वंसा वय्‌कः झीगु नुगलय् च्‍वनादी। अले वय्‌कःयागु मायां झी जाइ।

१ यूहन्‍ना 4:16

अले झीत परमेश्‍वरं माया यानादिल धकाः झीसं सि नं स्‍यू, अले विश्‍वास नं याना। परमेश्‍वर माया खः, उकिं माया यानाजुइम्‍ह मनूयागु नुगलय् वय्‌कः दयाच्‍वनी। अले व नाप दइ।

१ यूहन्‍ना 4:20

वय्‌कःयात जिं माया यानागु दु धकाः धया जुइम्‍ह मनुखं दाजुकिजापिन्‍त हेला याना जूसा थज्‍याःम्‍ह मनू फताहा खः धकाः सीकि। मिखां खंपिं थः दाजुकिजापिन्‍त माया मयाइम्‍ह मनुखं मिखां मखंम्‍ह परमेश्‍वरयात माया याये फइ मखु।

१ यूहन्‍ना 4:8

परमेश्‍वर प्रेम खः, उकिं माया याये मसःम्‍ह मनुखं वय्‌कःयात म्‍हसी मखु।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।

२ यूहन्‍ना 1:5

अय्‌जूगुलिं नं आम्‍कन मण्‍डलीइ च्‍वंपिन्‍सं थःथवय् माया याना च्‍वँ धकाः जिं छिमित बिन्‍ति याना हयागु खः। न्‍हापांनिसें हे झीत थःथवय् माया यानाच्‍वनेमाः धकाः धयातःगु खः, उकिं थ्‍व न्‍हूगु खँ मखु।