१ यूहन्‍ना 4:5 - नेवाः बाइबल

⁵ इमिसं ला थ्‍व संसारय् च्‍वंगु खँ जक स्‍यने फु। अले संसारयापिं मनूतय्‌सं इमिसं धाःगु खँ मानय् नं जुइ। अथे जूगुलिं इपिं फुक्‍कं थ्‍व हे संसारयापिं मनूत खः।

१ यूहन्‍ना 4:5 ပူးပေါင်းရင်းမြစ်များ

भजनसंग्रहया सफू 17:4

जिं छिगु आज्ञा न्‍यनागु दु। थुकिं जितः स्‍याये पाले यानाजुइपिं मनूतपाखें तापाकाब्‍यूगु दु।

यर्मिया 29:8

खः, दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “छिपिंनापं दुपिं छिमि अगमवक्तात व ज्‍वखना स्‍वइपिन्‍सं छिमित धोखा मबीमा। इमिसं खंगु म्‍हगसय् ध्‍यान बी मते।

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

मीका 2:11

सुं मखुगु खँ ल्‍हाइम्‍ह व ध्‍वंलाइम्‍ह मनुखं ‘जिं छंगु लागि यक्‍व दाखमद्य व अय्‌लाःया लागि अगमवाणी याये’ धकाः धाल धाःसा अज्‍याःम्‍ह अगमवक्तायात हे थुपिं मनूतय्‌सं यय्‌की।

लूका 16:8

“व मभिंम्‍ह दांभरिंनं अथे चलाखि ज्‍या याःगुलिं वया मालिकं वयागु तारिफ यात। थुकिं सीदत, थ्‍व संसारयापिं मनूत थःत माल धायेवं चलाख जुइ सः, तर परमेश्‍वरया मनूत धाःसा अथे मखुगुलिइ चलाख जुयाः सना जुइ मसः।

यूहन्‍ना 17:14

छिगु वचन जिं इमित न्‍यंके धुनागुलिं गथे जि संसारयाम्‍ह मखु, अथे हे इपिं नं संसारयापिं मखुत, उकिं संसारं इमित हेला यात।

यूहन्‍ना 17:16

गथे जि संसारयाम्‍ह मखु, अथे हे इपिं नं संसारयापिं मखुत।

यूहन्‍ना 3:31

“च्‍वय्‌नं वःम्‍ह फुक्‍क स्‍वयाः तःधंम्‍ह खः। अले संसारं वःम्‍ह संसारयाम्‍ह हे खः, थज्‍याःम्‍ह मनुखं संसारयागु हे खँ ल्‍हाइ। स्‍वर्गं वःम्‍ह फुक्‍क स्‍वयाः तःधं जू।

यूहन्‍ना 8:23

अले वय्‌कलं इमित धयादिल – “छिकपिं क्‍वय्‌च्‍वंपिं खः, जि च्‍वय्‌च्‍वंम्‍ह खः। छिकपिं थ्‍व संसारयापिं खः, जि संसारयाम्‍ह मखु।

२ तिमोथी 4:3

भिंगु खँ धाल धाःसा सह हे मयाइगु ई नं वइतिनि। इमिसं थःम्‍हं मनं तुं थें ज्‍याःगु खँ स्‍यनेकने याइपिं गुरु तइ, अले थःत यःयःगु जक खँ न्‍यना च्‍वनी।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।