१ यूहन्‍ना 4:21 - नेवाः बाइबल

²¹ अय्‌जूगुलिं ख्रीष्‍टं झीत थथे याना च्‍वँ धकाः धयाथकूगु खः – “परमेश्‍वरयात माया याइम्‍ह मनुखं थः दाजुकिजापिन्‍त नं माया यायेमाः।”

१ यूहन्‍ना 4:21 ပူးပေါင်းရင်းမြစ်များ

लेवी 19:18

“‘थः मनूतलिसे बदला कायेगु स्‍वये मते, अले इबि नं तये मते, तर थः जलाःखलाःतय्‌त थःत थें हे माया या। जि परमप्रभु खः।

मत्ती 5:43

“थथे धयातःगु नं छिमिसं न्‍यनातःगु दु – ‘जःलाखःलायात माया या, शत्रुयात हेला या।’

लूका 10:37

वं धाल – “वयात माया याःम्‍ह मनू हे वया जःलाखःला थें जुल।” अले वय्‌कलं धयादिल – “छिं नं वं थें तुं याः झासँ।”

यूहन्‍ना 15:12

“गथे जिं छिमित माया याना, अथे हे छिमिसं नं थःथवय् माया याना च्‍वँ। थ्‍व हे जिगु आज्ञा खः।

गलाती 5:14

फुक्‍क व्‍यवस्‍था थ्‍व हे छगू आज्ञाया दुने लाः – “थः जःलाखःलायात थःत थें माया या।”

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

१ थेसलोनिकी 4:9

आः छिमित थःथवय् माया यानाच्‍वनेमाः धकाः जिमिसं च्‍वया च्‍वनेमाःगु मदु, छाय्‌धाःसा थ्‍व खँ ला छिमित परमेश्‍वरं हे स्‍यनादीगु दु।

१ पत्रुस 3:8

मू खँ छु धाःसा, छिपिं सकलें छगू मनयापिं, क्‍वमिलु, दाजुकिजापिं थें थःथवय् माया याइपिं व सकसितं दया माया याइपिं जुयाच्‍वँ।

१ पत्रुस 4:8

दक्‍वसिबय् तःधंगु ला, छिपिं थःथवय् दुनुगलंनिसें माया याना च्‍वँ, छाय्‌धाःसा मायां हे न्‍ह्यागु पापयात नं त्‍वपुया तइ।

१ यूहन्‍ना 2:7

यःपिं दाजुकिजापिं, जिं छिमित च्‍वयाच्‍वनागु थ्‍व आज्ञा न्‍हूगु मखु, पुलांगु हे खः। थ्‍व आज्ञा परमेश्‍वरयात विश्‍वास याःबलय् निसें छिमित न्‍यंकूगु खः, आः नं न्‍यनाच्‍वंगु हे दु।

१ यूहन्‍ना 3:11

थःथवय् माया यानाच्‍वनेमाः धकाः धाःगु खँ ला छिमिसं न्‍हापांनिसें हे न्‍यनातःगु दु।

१ यूहन्‍ना 3:14

झी मृत्‍युं जीवनय् न्‍ह्याये धुन धयागु थुकिं हे सी दु। झीसं थः दाजुकिजापिन्‍त माया याना। थः दाजुकिजापिन्‍त माया मयाइम्‍ह मनू कालयागु ल्‍हातय् हे लानाच्‍वनी।

१ यूहन्‍ना 3:18

अय् जि यःपिं मस्‍त, झीसं म्‍हुतुं जक माया याना धयां मज्‍यू। ज्‍याखँय् नं धात्‍थेंगु माया यानाक्‍यने फयेमाः।

१ यूहन्‍ना 3:23

वय्‌कलं झीत आज्ञा यानादीगु थ्‍व हे खः – वय्‌कःया काय् येशू ख्रीष्‍टयात झीसं विश्‍वास यायेमाः। दाजुकिजापिन्‍त माया यानाच्‍वनेमाः। थथे हे याना च्‍वँ धकाः ख्रीष्‍टं नं झीत धयादीगु दु।

१ यूहन्‍ना 4:11

यःपिं दाजुकिजापिं, परमेश्‍वरं हे झीत थथे माया यानादिल धाःसा झी थःथवय् नं माया यानाच्‍वनेमाः।