१ यूहन्‍ना 4:2 - नेवाः बाइबल

² सुनां ख्रीष्‍ट धात्‍थें हे मनू जुयाः झायादीगु खः धकाः धाइ व मनूयाके परमेश्‍वरयागु आत्‍मा दु। थुकिं हे परमेश्‍वरया आत्‍मा म्‍हसी।

१ यूहन्‍ना 4:2 ပူးပေါင်းရင်းမြစ်များ

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

१ कोरिन्‍थी 12:3

अय्‌जूगुलिं थ्‍व छता खँ छिमिसं लुमंका ति, परमेश्‍वरया आत्‍माय् जुयाः नवाइपिं सुनानं हे येशूयात सराः लायेमा धकाः धाइ मखु। अले हानं पवित्र आत्‍मा दुपिं मनूतय्‌सं जक येशूयात प्रभु धकाः धाये फइ।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

१ यूहन्‍ना 1:2

गुबलय् थ्‍व वचन जीवन जुयाः जिमिथाय् खनेदय्‌कः झाल, उबलय् थ्‍व जीवनयात जिमिसं खना, जिमिसं साक्षी बी, अले छिमित नं धाये। थ्‍व बाःयाके दुगु अनन्‍त जीवन जिमिथाय् खनेदय्‌कः झाल।

१ यूहन्‍ना 2:23

परमेश्‍वरया काय्‌यात मानय् मयाइम्‍ह मनुखं परमेश्‍वर बाःयात नं मानय् याइ मखु। अले वय्‌कःया काय्‌यात मानय् याइम्‍ह मनुखं परमेश्‍वर बाःयात नं मानय् याइ।

१ यूहन्‍ना 4:15

येशू परमेश्‍वरया काय् खः धकाः धया जुइम्‍ह मनूयागु नुगलय् परमेश्‍वर च्‍वनादी। व हे वय्‌कःयाके च्‍वंम्‍ह खः।

१ यूहन्‍ना 4:3

सुनां ख्रीष्‍ट मनू जुयाः झायादीगु मखु धकाः धाइ, व मनूयाके ख्रीष्‍टया शत्रुयागु आत्‍मा दु धकाः सीकि। व वइ धकाः छिमिसं न्‍यनातःगु दु। व आः नं संसारय् दनि।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।

२ यूहन्‍ना 1:7

येशू ख्रीष्‍ट मनू जुयाः झाःगु मखु धकाः धाइपिं मनूत नं थ्‍व संसारय् यक्‍व दु। थुपिं फताहात खः। थुपिं ख्रीष्‍टया शत्रुत नं खः।