१ यूहन्‍ना 4:17 - नेवाः बाइबल

¹⁷ थुकथं झी मायां जाये धुंकाः न्‍याय याइबलय् मग्‍यासे परमेश्‍वरया न्‍ह्यःने वने फइ, छाय्‌धाःसा वय्‌कः गथे खः थ्‍व संसारय् झी नं अथे हे खः।

१ यूहन्‍ना 4:17 ပူးပေါင်းရင်းမြစ်များ

मत्ती 10:15

जिं छिमित खःगु खँ धाये – न्‍याय यानादीबलय् परमेश्‍वरं सदोम व गमोरा शहरय् च्‍वंपिन्‍त स्‍वयाः अप्‍वः थ्‍व शहरय् च्‍वंपिन्‍त सास्‍ती यानादी।”

मत्ती 10:25

चेला थः गुरु थें जुइ दुगुलिं, अले च्‍यः थः मालिक थें जुइ दुगुलिं लुधनेमाः। छेँ थुवाःयात हे भूतया जुजु बालजिबुल धाल धाःसा वया जहानतय्‌त झन छु जक धाइगु जुइ?”

मत्ती 11:22

जिं छिमित धाये – परमेश्‍वरं न्‍याय यानादीबलय् टुरोस व सीदोनय् च्‍वंपिन्‍त स्‍वयाः अप्‍वः छिमित सास्‍ती यानादी।

मत्ती 11:24

जिं छिमित धाये – परमेश्‍वरं न्‍याय यानादीबलय् सदोमय् च्‍वंपिन्‍त स्‍वयाः छिमित अप्‍वः सास्‍ती यानादी।”

मत्ती 12:36

“जिं छिमित धाये – छिमिसं ल्‍हाना जूगु म्‍वाःमदुगु छता छता खँया ल्‍याःचाः परमेश्‍वरं न्‍याय यानादीबलय् कयादी।

यूहन्‍ना 15:20

‘मालिक स्‍वयाः दास तःधं जुइ मखु’ धकाः जिं नकतिनि धयागु खँ लुमंकी। जितः हेला यानाः इमिसं दुःख बिल धाःसा छिमित नं दुःख बी। जिगु खँ इमिसं न्‍यन धाःसा छिमिगु खँ नं इमिसं न्‍यनी।

यूहन्‍ना 17:22

“छिं जितः तःधं यानादी थें तुं जिं नं इमित तःधंकागु दु। झी छप्‍पँ जुया थें इपिं नं छप्‍पँ जुइमा।

रोमी 8:29

परमेश्‍वरं न्‍हापांनिसें म्‍हस्‍यूपिन्‍त वय्‌कःया काय् थें यानादीत न्‍हापांनिसें हे ल्‍यया तयादिल। वय्‌कः यक्‍व किजापिं मध्‍ये जेठाम्‍ह जुइमा धकाः थुकथं यानादीगु खः।

हिब्रू 9:27

मनू छकः सी, अले सीधुंकाः वयागु न्‍याय जुइ।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।

याकूब 2:22

छं गथे थुइके मफुगु? अब्राहामं विश्‍वास याः थें ज्‍या नं यानाक्‍यन। वं याःगु ज्‍यां हे ला खः नि, वयागु विश्‍वास सिद्ध जूगु।

२ पत्रुस 2:9

भिंपिं मनूतय्‌त परमेश्‍वरं दुःखकष्‍ट जुइबलय् बचय् यानादी। अले मभिंपिं मनूतय्‌त न्‍याय याइगु दिं मवतले गथे तयातयेमाः धकाः परमेश्‍वरं स्‍यू।

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

१ यूहन्‍ना 2:28

अय् जि यःपिं मस्‍त, ख्रीष्‍टनाप च्‍वनाच्‍वँ। अले जक ख्रीष्‍ट हानं थन झायादीबलय् झीपिं ग्‍याये माली मखु, अले वय्‌कः खनाः लज्‍या चाये माली मखु।

१ यूहन्‍ना 2:5

परमेश्‍वरयागु वचन मानय् यानाच्‍वंम्‍ह मनू जक धात्‍थें परमेश्‍वरया मायां जाःम्‍ह जुइ। थुकिं हे झीपिं परमेश्‍वरया मनू खः धकाः सी दइ।

१ यूहन्‍ना 2:6

परमेश्‍वरया मनू खः धकाः धया जुइम्‍ह मनुखं येशू ख्रीष्‍ट थें जुइ फय्‌केमाः।

१ यूहन्‍ना 3:1

स्‍व, परमेश्‍वर बाःनं झीत गुलि माया यानादीगु दु। उकिं हे झीत परमेश्‍वरया सन्‍तान धकाः धाःगु खः, धात्‍थें खः नं खः। अय्‌जूगुलिं हे थ्‍व संसारयापिं मनूतय्‌सं झीत म्‍हमस्‍यूगु, छाय्‌धाःसा इमिसं वय्‌कःयात म्‍हमस्‍यू।

१ यूहन्‍ना 3:3

थथे ख्रीष्‍टयाके आशा यानाच्‍वंपिं वय्‌कः थें पवित्र जुयाः च्‍वनेमाः।

१ यूहन्‍ना 3:7

अय् जि यःपिं मस्‍त, छिमित सुनानं मखुगु लँय् यंके मफयेमा। गथे ख्रीष्‍ट धर्मी खः अथे हे भिंगु ज्‍या याइपिं मनूत नं धर्मी खः।

१ यूहन्‍ना 4:12

परमेश्‍वरयात सुनानं खंगु मदुनि। तर झी थःथवय् माया याना च्‍वंसा वय्‌कः झीगु नुगलय् च्‍वनादी। अले वय्‌कःयागु मायां झी जाइ।