१ यूहन्‍ना 3:9 - नेवाः बाइबल

⁹ परमेश्‍वरयापाखें बूम्‍हय्‌सिनं पाप यानां तुं च्‍वनी मखु, छाय्‌धाःसा इपिं वय्‌कः थें जुइ। अले वय्‌कः हे इमि बाः जूगुलिं नं इमिसं पाप यानां तुं च्‍वने फइ मखु।

१ यूहन्‍ना 3:9 ပူးပေါင်းရင်းမြစ်များ

अय्‍यूब 19:28

छिकपिन्‍सं जितः थथे धयादिल धाःसा, ‘जिमिसं वयात गय् यानाः लीगु? छाय्‌धाःसा समस्‍याया हाः वयाके लुल।’

भजनसंग्रहया सफू 119:3

इमिसं छुं नं मभिं ज्‍या याइ मखु, इपिं वय्‌कःया लँपुइ वनी।

लेवी 11:37

गुगुं नं कथंयागु पीत तयातःगु पुसाय् थुमिगु सीम्‍ह लात धाःसा पुसा शुद्ध हे जुयाच्‍वनी।

मत्ती 7:18

भिंगु सिमाय् मभिंगु फल गुबलें सइ मखु। अथे हे मभिंगु सिमाय् भिंगु फल गुबलें सइ मखु।

यूहन्‍ना 1:13

थुपिं मनूतय्‌पाखें बुइका तःपिं मखु, बरु परमेश्‍वरं बुइका तःपिं परमेश्‍वरया सन्‍तान खः।

यूहन्‍ना 3:3

वय्‌कलं लिसः बियादिल – “जिं छितः खःगु खँ धाये – न्‍हूकथं हानं जन्‍म मजुइकं मनूतय्‌सं परमेश्‍वरयागु राज्‍य खनी मखु।”

प्रेरित 4:20

जिमिसं थःपिन्‍सं खंगु व ताःगु खँ मधासे च्‍वने मफु।”

रोमी 6:2

अथे मखु। पापयागु निंतिं झीपिं सीधुंकाः हानं पापय् तुं गथे म्‍वानाच्‍वनेगु?

गलाती 5:17

शरीरं ला पवित्र आत्‍माया विरोधय् व पवित्र आत्‍मां शरीरया विरोधय् इच्‍छा याइ। थुपिं निम्‍ह शत्रु थें खः, उकिं झीसं झीत यःथें याये फइ मखु।

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

१ पत्रुस 1:23

छिपिं आः नाश जुयावनीपिं मांबौनं बुइकूपिं मखु, बरु परमेश्‍वरयागु गुबलें नाश जुया मवनीगु वचनं बूपिं खः।

१ यूहन्‍ना 2:29

ख्रीष्‍ट भिंम्‍ह खः धकाः छिमिसं स्‍यू। अय्‌जूगुलिं छिमिसं भिंगु बांलाःगु जक यानाजुइपिं मनूत परमेश्‍वरया सन्‍तान खः धकाः सीकाति।

१ यूहन्‍ना 3:6

ख्रीष्‍टयाके च्‍वनाच्‍वंपिन्‍सं पाप याइ मखु। पाप यानाच्‍वनीम्‍ह मनुखं ख्रीष्‍टयात गुबलें हे खनी नं मखु, म्‍ह नं सी मखु।

१ यूहन्‍ना 4:7

यःपिं दाजुकिजापिं, झी थःथवय् माया यानाच्‍वनेमाः, छाय्‌धाःसा माया धयागु परमेश्‍वरपाखें वःगु खः। अय्‌जूगुलिं माया यानाजुइम्‍ह मनुखं वय्‌कःयात बांलाक म्‍हस्‍यू, उकिं थज्‍याःपिं मनूत वय्‌कःया सन्‍तान खः।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।

१ यूहन्‍ना 5:18

परमेश्‍वरया सन्‍तानतय्‌सं पाप यानां तुं च्‍वनी मखु। वय्‌कःया काय्‌नं अज्‍याःम्‍ह मनूयात शैतानं थी मफय्‌क बचय् यानातयादी।

१ यूहन्‍ना 5:4

वय्‌कःया सन्‍तानतय्‌सं थ्‍व संसारयात बुकी। वय्‌कःयात विश्‍वास यानागुलिं झीसं संसारयात त्‍याके फइ।

३ यूहन्‍ना 1:11

यःम्‍ह किजा, अय्‌जूगुलिं छं मभिंगु बांमलाःगु खँ याये सय्‌के मते, बरु भिंगु बांलाःगु खँ जक सय्‌कि। भिंगु बांलाःगु यानाजुइपिं परमेश्‍वरया मनूत खः। मभिंगु बांमलाःगु यानाजुइपिं मनूतय्‌सं परमेश्‍वरयात म्‍हमस्‍यू।