१ यूहन्‍ना 3:5 - नेवाः बाइबल

⁵ झीगु पाप मदय्‌केत हे ख्रीष्‍ट झायादीगु खः। ख्रीष्‍टयाके पाप द हे मदु।

१ यूहन्‍ना 3:5 ပူးပေါင်းရင်းမြစ်များ

होशे 14:2

थःगु पाप मानय् यानाः परमप्रभुयाथाय् लिहां वा। वय्‌कःयात धा, “जिमिगु दक्‍व पाप क्षमा यानादिसँ, जिमिगु प्रार्थना न्‍यनादिसँ, अले जिमिसं छितः प्रशंसाया बलि छाये।

मत्ती 1:21

मरियमं काय् छम्‍ह बुइकी, अले छं व मचायागु नां येशू ति, छाय्‌धाःसा वय्‌कलं थः मनूतय्‌त इमिगु पापं छुतय् यानादी।”

लूका 23:41

झीत ला झीसं यानागु ज्‍या हे अपराध जूगुलिं थथे याना तल, अय्‌नं थ्‍व मनुखं ला छुं मभिंगु ज्‍या याःगु मदु।”

लूका 23:47

रोमी कप्‍तानं थथे जूगु खनाः परमेश्‍वरयात तःधंकाः थथे धाल – “धात्‍थें हे, थ्‍व मनू ला भिंम्‍ह खः।”

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

यूहन्‍ना 1:31

जिं नं वय्‌कःयात म्‍हमस्‍यू, अय्‌नं वय्‌कःयात इस्राएलीतय्‌त म्‍हसीके बी माःगुलिं जिं लखं बप्‍तिस्‍मा बियाच्‍वनागु खः।”

यूहन्‍ना 14:30

“थ्‍व संसारयात शासन याइम्‍ह वयाच्‍वंगु दु, उकिं जि छिपिंनाप अप्‍वः खँ ल्‍हाना च्‍वने मखुत। वलिसे जिगु छुं स्‍वापु मदु।

यूहन्‍ना 8:46

छिकपिं मध्‍ये सुनानं जिं पापयात काः जितः दोष बियादी फु ला? जिं सत्‍य खँ धयागु खःसा छिकपिन्‍सं जितः छाय् विश्‍वास याना मदीयागु?

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

१ तिमोथी 1:15

पापीतय्‌त मुक्ति बीत ख्रीष्‍ट येशू थ्‍व संसारय् झायादीगु धात्‍थें हे खः धयागु खँ फुक्‍कसिनं मानय् याये हे माः। पापीत मध्‍ये नं जि तसकं पापीम्‍ह खः।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

हिब्रू 9:26

थथे झाःझाः पतिं झायेमाःगु जूसा ला ख्रीष्‍टं संसारयागु सृष्‍टि जूसांनिसें तःकः मछि दुःख सी मालिगु खः। तर वय्‌कः संसारयागु अन्‍त जुइ त्‍यय्‌काः आः सदांयात छकलं झायाः मनूतय्‌गु पाप हुया छ्वयेत थः हे बलिदान जुयादिल।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

१ पत्रुस 1:18

छिमि तापाःबाज्‍यापिनिगु पालंनिसें याना वयाच्‍वंगु ज्‍यालगय् मजूगु थितिकुतिं छिमित छुतय् यायेत गुलि मू पुलेमाल, छिमिसं सि हे स्‍यू। थ्‍व लुँ वहः थें नाश जुया वनीगु मखु,

१ पत्रुस 1:20

थथे यायेत परमेश्‍वरं ख्रीष्‍टयात संसार सृष्‍टि याये न्‍ह्यः हे ल्‍ययादीगु खः। अय्‌जूगुलिं छिमिगु निंतिं वय्‌कः आः फुक्‍कसिया न्‍ह्यःने खंक झाःगु दु।

१ पत्रुस 2:22

“वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।

१ यूहन्‍ना 1:2

गुबलय् थ्‍व वचन जीवन जुयाः जिमिथाय् खनेदय्‌कः झाल, उबलय् थ्‍व जीवनयात जिमिसं खना, जिमिसं साक्षी बी, अले छिमित नं धाये। थ्‍व बाःयाके दुगु अनन्‍त जीवन जिमिथाय् खनेदय्‌कः झाल।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

१ यूहन्‍ना 2:1

अय् जि यःपिं मस्‍त, छिपिं ला जिम्‍ह मस्‍त थें खः। छिमिसं पाप याये मते धकाः थ्‍व खँ जिं च्‍वयाच्‍वनागु खः। छुं जुयाः छिमिसं पाप याये लात धाःसा निराश जुइ मते, छाय्‌धाःसा झीत ग्‍वाहालि याइम्‍ह येशू ख्रीष्‍टं बाःया न्‍ह्यःने झीगु निंतिं बिन्‍ति यानादी।

१ यूहन्‍ना 2:2

झीगु पापयागु निंतिं जक मखु, संसारय् च्‍वंपिं फुक्‍क मनूतय्‌गु पापया निंतिं वय्‌कः बलिदान जुयादीगु खः।

१ यूहन्‍ना 2:29

ख्रीष्‍ट भिंम्‍ह खः धकाः छिमिसं स्‍यू। अय्‌जूगुलिं छिमिसं भिंगु बांलाःगु जक यानाजुइपिं मनूत परमेश्‍वरया सन्‍तान खः धकाः सीकाति।

१ यूहन्‍ना 3:8

शैतानं न्‍हापांनिसें पाप याना वयाच्‍वंगु दु, उकिं पाप यानां तुं च्‍वनीपिं मनूत नं शैतानया मनू खः। अथे जूगुलिं शैतानयागु ज्‍या स्‍यंकेत परमेश्‍वरया काय् थन झायादी माःगु खः।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।