१ यूहन्‍ना 3:4 - नेवाः बाइबल

⁴ सुनां पाप याइ वं व्‍यवस्‍था मानय् मयाःगु जुइ, छाय्‌धाःसा व्‍यवस्‍था मानय् मयायेगु हे पाप खः।

१ यूहन्‍ना 3:4 ပူးပေါင်းရင်းမြစ်များ

१ राजा 8:47

इमित ज्‍वनाः यंकूगु देशय् इमिसं दुःख स्‍यूगुलिं थःगु मन हीकाः पस्‍ताय् चायाः ‘जिमिसं पाप यानागु दु जिमिसं द्वंकागु दु, मभिंगु ज्‍या यानागु दु धकाः’ छितः प्रार्थना यात धाःसा

१ इतिहास 10:13

परमप्रभु प्रति विश्‍वास बहःम्‍ह मजूगुलिं शाऊल सित। छाय्‌धाःसा वं यागु आज्ञा पालन मयाः। हानं वं सीम्‍ह मनूया आत्‍मालिसें खँल्‍हाबल्‍हा याइम्‍ह मिसायाके सल्‍लाह काःगु खः।

२ इतिहास 24:20

अले परमप्रभुया आत्‍मा पुजाहारी यहोयादाया काय् जकरियायाके कुहां झाल। वं मनूतय् न्‍ह्यःने दनाः थथे धाल, “परमेश्‍वरं थथे धयादी, ‘छिमिसं छाय् परमप्रभुया आज्ञात पालन मयानागु? छिपिं ताःलाइ मखु। छिमिसं परमप्रभुयात त्‍वःतूगुलिं वय्‌कलं नं छिमित त्‍वःतादीगु दु।’”

यशैया 53:8

तसकं सास्‍ती बियाः व दोपं बियाः वयात इमिसं यंकल। वयात जुइगु बारे सुनां ध्‍यान मब्‍यू। छाय्‌धाःसा वयात म्‍वाःपिनिगु देशं अलग तल, जिमि प्रजाया अपराधया निंतिं वयात दाल।

दानिएल 9:11

छिगु आज्ञा मानय् मयासें सकल इस्राएलं छिगु व्‍यवस्‍था त्‍वाथूगु दु अले छिपाखें फहिलावंगु दु। “उकिं परमेश्‍वरया च्‍यः मोशाया व्‍यवस्‍थाय् च्‍वयातःगु सराः व फैसला जिमित लाःगु दु। छाय्‌धाःसा जिमिसं छिगु खँ मन्‍यंसें पाप यानागु दु।

गन्‍ती 15:31

छाय्‌धाःसा वं परमप्रभुयागु वचनयात हेला याःगु दु, अले वय्‌कःयागु उजंयात हाचांगाःगु दु। वयात नाश यानाः छ्वयेमाः अले वं थःगु पापया सजाँय फयेमाः।’”

मत्ती 5:19

थथे जूगुलिं व्‍यवस्‍थायागु चिकिचाधंगु छगू जक आज्ञा मानय् मयाइपिं व मयाकेत स्‍यना जुइपिं मनूत स्‍वर्गयागु राज्‍यय् दकलय् चिधंपिं जुइ। सुनानं व्‍यवस्‍था फुक्‍कं मानय् याःसा, अले कर्पिन्‍त नं मानय् यायेमाः धकाः स्‍यना जूसां थज्‍याःपिं मनूत स्‍वर्गयागु राज्‍यय् तःधंपिं जुइ।

प्रेरित 23:3

अले पावलं वयात धाल – “अय् सख्‍वालं पानातःगु अंगः, छन्‍त नं परमेश्‍वरं दाइतिनि। धर्मशास्‍त्रय् च्‍वया तः थें छ जिगु न्‍याय यायेत च्‍वनाच्‍वंगु दु। अय्‌सां छं धर्मशास्‍त्रं मबीकं जितः दायेगु उजं बिल।”

रोमी 3:20

व्‍यवस्‍थाय् च्‍वयातःगु नियम पालन यानाः सुं हे मनू धर्मी जुइ फइ मखु। व्‍यवस्‍थां ला पाप छु खः धकाः क्‍यनाबी।

रोमी 4:15

व्‍यवस्‍था मानय् याइपिन्‍सं व्‍यवस्‍था फुक्‍कं मानय् याये फइ मखु, उकिं इमिसं सजाँय फयेमाली। अय्‌जूगुलिं गन व्‍यवस्‍था धयागु हे मदु, अन सजाँय धयागु नं फयेमाली मखु।

२ कोरिन्‍थी 12:21

जि छिमिथाय् हानं वय्‌बलय् परमेश्‍वरं जितः छिमिगु न्‍ह्यःने लज्‍या चाये माय्‌कादी धकाः जि ग्‍यानाच्‍वना। अले जितः न्‍हापा पाप यानाः मह्यूपिं, न्‍हापा मभिंगु ज्‍या यानाः व्‍यभिचार यानाः व लाः लाः थें सनाः पश्‍चाताप मयाःपिं खनाः ख्‍वये वइ।

याकूब 5:15

परमेश्‍वरयात क्‍वात्तुक विश्‍वास यानाच्‍वंम्‍ह मनूयागु प्रार्थनां उसाँय् मदया च्‍वंम्‍हय्‌सिगु ल्‍वय् लंकाबी। व मनुखं पाप हे याःगु जूसां वयात क्षमा यानादी।

१ यूहन्‍ना 5:17

मभिगुं बांमलाःगु ज्‍याखँ फुक्‍कं पाप हे खः। अय्‌नं सीम्‍वाःलिगु पाप नं दु।

१ शमूएल 15:24

शाऊलं शमूएलयात धाल, “जिं पापयात हँ! छु जिं परमप्रभुया आज्ञा व छिसं धाःगु खँ मन्‍यना ला। जि मनूतपाखें ग्‍याना, अले इमिगु खँ जिं न्‍यना।