१ यूहन्‍ना 3:22 - नेवाः बाइबल

²² वय्‌कलं धयादीगु मानय् जुयाः वय्‌कःयात यःयःगु जक याना जूसा वय्‌कःयाके न्‍ह्यागु फ्‍वंसां झीत बियादी।

१ यूहन्‍ना 3:22 ပူးပေါင်းရင်းမြစ်များ

अय्‍यूब 22:26

अले छितः दक्‍व शक्ति दुम्‍ह परमेश्‍वरपाखें सुख दइ। छिं थःगु मिखा परमेश्‍वरपाखे ल्‍ह्वनी।

भजनसंग्रहया सफू 10:17

छिं दुःखय् लानाच्‍वंपिनिगु सः न्‍हाय्‌पं बियाः न्‍यनादी। छिं इमिगु नुगःयात बल्‍लाकादी।

भजनसंग्रहया सफू 34:4

जिं परमप्रभुयात माला, वय्‌कलं जितः लिसः बियादिल। नापं वय्‌कलं जिगु फुक्‍क भय नं मदय्‌काबिल।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

हितोपदेश 15:29

परमप्रभु दुष्‍टतपाखें तापाक हे च्‍वनादी, वय्‌कलं धर्मीतय्‌गु प्रार्थना धाःसा न्‍यनादी।

हितोपदेश 28:9

व्‍यवस्‍था मानय् मयाइम्‍हय्‌सिगु प्रार्थना तकं परमेश्‍वरयागु निंतिं घच्‍चायापुसे च्‍वनी।

यशैया 1:15

छिमिसं प्रार्थनाय् ल्‍हाः ल्‍ह्वनीबलय् जिं छिमित स्‍वये मखु। छिमिसं न्‍ह्याक्‍व प्रार्थना याःसां जिं न्‍यने मखु छाय्‌धाःसा छिमिगु ल्‍हाः हिया हिं जाःगु दु।

यर्मिया 33:3

‘जितः प्रार्थना या, अले जिं छन्‍त लिसः बी। छं मस्‍यूगु ततःधंगु व गुप्‍ति खँ जिं छन्‍त कने।’

मत्ती 17:5

पत्रुसं थथे धयाच्‍वंबलय् तसकं थीगु सुपाँय् वयाः इमित त्‍वपुल। अले सुपाँय् दुनें थथे धयाहःगु सः ताये दत – “थ्‍व जि यःम्‍ह काय् खः। थ्‍व लिसे जि तसकं लय्‌तायागु दु। थ्‍वं धाःगु खँ न्‍यँ।”

मत्ती 21:22

अले विश्‍वास यानाः प्रार्थनाय्‌ न्‍ह्यागु फ्‍वंसां छिमित दइ।”

मर्कूस 11:24

अय्‌जूगुलिं जिं छिमित धाये – प्रार्थना यानाः छिमिसं छु फ्‍वंगु खः व जितः दये धुंकल धकाः विश्‍वास यात धाःसा छिमित व द हे दइ।

यूहन्‍ना 14:13

जिगु नामय् छिमिसं न्‍ह्यागु फ्‍वंसां जिं छिमित बी। थुकथं काय्‌नं यानाः बाः तःधनी।

यूहन्‍ना 15:10

जिगु आज्ञा मानय् याःसा छिपिं जिगु मायाय् च्‍वनाच्‍वंनी, गथे जिं नं बाःयागु आज्ञा मानय् यानाः वय्‌कःयागु मायाय् च्‍वनाच्‍वना।

यूहन्‍ना 15:7

छिपिं जिके च्‍वनाच्‍वन धाःसा व जिगु वचनयात नुगलय् तया तल धाःसा छिमिसं न्‍ह्यागु फ्‍वंसां छिमित बी।

यूहन्‍ना 6:29

वय्‌कलं लिसः बियादिल – “परमेश्‍वरं छ्वया हःम्‍हय्‌सित छिकपिन्‍सं विश्‍वास यायेगु हे परमेश्‍वरयागु ज्‍या खः।”

यूहन्‍ना 8:29

जितः छ्वयाहयादीम्‍ह जि नाप दी, जिं न्‍ह्याबलें वय्‌कःयात यःथें जक यानाजुयागुलिं वय्‌कलं जितः याकःचा त्‍वःतामदी।”

यूहन्‍ना 9:31

पापीतय्‌गु खँ परमेश्‍वरं न्‍यनादी मखु धकाः जिमिसं स्‍यू। परमेश्‍वरया भय काइम्‍ह व वय्‌कलं धाःथें याना जुइम्‍हय्‌सिगु जक खँ न्‍यनादी।

प्रेरित 17:30

“अय्‌जूगुलिं वय्‌कःयात म्‍हमस्‍यूनीबलय् याःगु ज्‍याखँयात परमेश्‍वरं च्‍यूताः तयामदी। आः धाःसा परमेश्‍वरं झीत थज्‍याःगु बांमलाःगु ज्‍यां लिचिलाः पश्‍चाताप यायेत उजं बियादीगु दु।

प्रेरित 20:21

जिं यहूदीतय्‌त व यहूदीमखुपिन्‍त पश्‍चाताप यानाः परमेश्‍वरयाथाय् लिहां वयेत व झी प्रभु येशू ख्रीष्‍टयात विश्‍वास यायेत न्‍यंका जुया।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।

याकूब 4:3

छिमिगु मति हे मभिं, उकिं फ्‍वंसां छिमित बियादी मखु, छाय्‌धाःसा छिमिसं मोजमज्‍जा याना जुइत फ्‍वनी।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।

१ यूहन्‍ना 2:3

परमेश्‍वरयागु आज्ञा मानय् याना च्‍वंसा जक वय्‌कःयात बांलाक म्‍हस्‍यू धकाः झीसं धाये फइ।

१ यूहन्‍ना 5:14

वय्‌कःया इच्‍छा कथं झीसं न्‍ह्यागु फ्‍वंसां वय्‌कलं बियादी धकाः झीसं स्‍यू। उकिं झीपिं वय्‌कःया न्‍ह्यःने वनेत ग्‍याये माःगु मदु।