१ यूहन्‍ना 3:19 - नेवाः बाइबल

¹⁹ थुकिं हे झीपिं सत्‍यपिं खः धकाः सीका धायेफु। अले परमेश्‍वरया न्‍ह्यःने ढुक्‍कं च्‍वने फु।

१ यूहन्‍ना 3:19 ပူးပေါင်းရင်းမြစ်များ

भजनसंग्रहया सफू 119:56

जिं उपदेश पालन यानागुलिं हे थ्‍व जितः जूगु खः।

यशैया 32:17

धार्मिकताया फल शान्‍ति जुइ अले धार्मिकताया लिच्‍वः धाःसा सदांया निंतिं शान्‍ति व भरोसा जुइ।

यूहन्‍ना 13:35

छिपिं थःथवय् थथे माया याना च्‍वनाच्‍वन धाःसा छिपिं जिमि चेलात खः धकाः फुक्‍कसिनं सी।”

यूहन्‍ना 18:37

पिलातसं वय्‌कःयात धाल – “अय्‌सा छ जुजु हे खः ला?” वय्‌कलं धयादिल – “जि जुजु खः धकाः ला छिं हे धयादिल। थुकियागु निंतिं हे जि बूगु खः, अले सत्‍य म्‍हसीका बीत जि संसारय् वयागु खः। सत्‍ययात म्‍हस्‍यूपिं फुक्‍कसिनं जिगु खँ न्‍यनी।”

रोमी 4:21

छाय्‌धाःसा परमेश्‍वर थःम्‍हं बियादीगु बचं पूवंकादी फुम्‍ह खः धकाः वं बांलाक स्‍यू।

रोमी 8:38

सुनानं अले छुकिं हे नं परमेश्‍वरयागु मायां झीत त्‍वःतके फइ मखु धकाः जिं स्‍यू। न मृत्‍युं, न जीवनं, न स्‍वर्गदूततय्‌सं, न शैतानया दूततय्‌सं, न संसारयागु शक्तिं, न थौंकन्‍हय् जुयाच्‍वंगु खं, न लिपा जुइतिनिगु खं,

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

हिब्रू 11:13

इपिं फुक्‍कं विश्‍वास जक यानाः परमेश्‍वरं बी धकाः धयादीगु काये मखंकं सिनावन। अथेसां परमेश्‍वरं बी धकाः धयादीगु खँय् इमिसं विश्‍वास याः। इमिसं थःपिन्‍त पृथ्‍वीया लँजुवाःत जक ताय्‌कल।

१ यूहन्‍ना 1:8

झीसं “झीके पाप मदु” धकाः धाःसा झीसं थःपिन्‍त हे ध्‍वखा ब्‍यूगु जुइ, अले सत्‍ययात मानय् मयाःगु जुइ।

१ यूहन्‍ना 2:21

छिमिसं सत्‍ययात मस्‍यू धकाः जिं थ्‍व च्‍वयाच्‍वनागु मखु। सत्‍ययात स्‍यूगुलिं हे जिं थ्‍व च्‍वयाच्‍वनागु खः, छाय्‌धाःसा सत्‍यपाखें मखुगु खँ पिहां वइ मखु धकाः छिमिसं सि हे स्‍यू।

१ यूहन्‍ना 3:14

झी मृत्‍युं जीवनय् न्‍ह्याये धुन धयागु थुकिं हे सी दु। झीसं थः दाजुकिजापिन्‍त माया याना। थः दाजुकिजापिन्‍त माया मयाइम्‍ह मनू कालयागु ल्‍हातय् हे लानाच्‍वनी।

१ यूहन्‍ना 3:20

झीत झीगु हे नुगलं दोषी ठहरय् याइ धाःसा परमेश्‍वर ला झीगु नुगः स्‍वयाः नं तःधं। वय्‌कलं मस्‍यूगु छुं नं मदु।

१ यूहन्‍ना 3:21

अय्‌जूगुलिं यःपिं दाजुकिजापिं, झीगु मनं झीत दोषी ठहरय् मयाःसा झीपिं परमेश्‍वरया न्‍ह्यःने ग्‍याये माली मखु।