१ यूहन्‍ना 3:18 - नेवाः बाइबल

¹⁸ अय् जि यःपिं मस्‍त, झीसं म्‍हुतुं जक माया याना धयां मज्‍यू। ज्‍याखँय् नं धात्‍थेंगु माया यानाक्‍यने फयेमाः।

१ यूहन्‍ना 3:18 ပူးပေါင်းရင်းမြစ်များ

प्रस्‍थान 33:21

अले परमप्रभुं धयादिल, “जिगु लिक्‍क तग्‍वःगु ल्‍वहँतय् छ दँ।

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

लूका 7:5

छाय्‌धाःसा वं झी इस्राएलीतय्‌त माया याः। अले हानं वं झीत धर्मशास्‍त्र स्‍यनीगु छेँनं दय्‌काब्‍यूगु दु।”

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

गलाती 5:13

यःपिं दाजुकिजापिं, परमेश्‍वरं छिमित छुत्‍कारा बीत सःतादीगु खः। थः यःथें याना जुइ मते, बरु माया यानाः मेपिन्‍त ग्‍वाहालि बीगु या।

एफिसी 4:15

दया माया यानाः सत्‍य खँ ल्‍हानाः झीपिं न्‍ह्यागु ज्‍याखँय् नं झीम्‍ह थकालि ख्रीष्‍ट थें जुयाः न्‍ह्यज्‍यायेमाः।

१ थेसलोनिकी 1:3

परमेश्‍वर बाःया न्‍ह्यःने छिमिसं विश्‍वास याःथें ज्‍या यानाच्‍वंगु, थःथवय् माया यानाः अज्‍ज अप्‍वः मन तयाः प्रभुया ज्‍या यानाच्‍वंगु व आशा मत्‍वःतुसे प्रभु येशू ख्रीष्‍टयात क्‍वात्तुक विश्‍वास यानाच्‍वंगु खँ जिमिसं लुमंकाच्‍वनागु दु।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

१ यूहन्‍ना 2:1

अय् जि यःपिं मस्‍त, छिपिं ला जिम्‍ह मस्‍त थें खः। छिमिसं पाप याये मते धकाः थ्‍व खँ जिं च्‍वयाच्‍वनागु खः। छुं जुयाः छिमिसं पाप याये लात धाःसा निराश जुइ मते, छाय्‌धाःसा झीत ग्‍वाहालि याइम्‍ह येशू ख्रीष्‍टं बाःया न्‍ह्यःने झीगु निंतिं बिन्‍ति यानादी।

१ यूहन्‍ना 3:7

अय् जि यःपिं मस्‍त, छिमित सुनानं मखुगु लँय् यंके मफयेमा। गथे ख्रीष्‍ट धर्मी खः अथे हे भिंगु ज्‍या याइपिं मनूत नं धर्मी खः।

२ यूहन्‍ना 1:1

परमेश्‍वरं ल्‍ययादीम्‍ह मिसा व वया मस्‍तय्‌त जि मण्‍डलीया थकालिं छिमित धात्‍थेंयागु माया याना। सत्‍ययात म्‍हस्‍यूपिं फुक्‍कसिनं छिमित माया यानाच्‍वंगु दु।

३ यूहन्‍ना 1:1

तसकं यःम्‍ह गायसयात जि मण्‍डलीया थकालियापाखें दुनुगलंनिसें माया दु।