१ यूहन्‍ना 3:17 - नेवाः बाइबल

¹⁷ तःमिम्‍ह मनुखं थः दाजुकिजापिनि नये मखं धकाः सियाः नं इमित माःगु ग्‍वाहालि मब्‍यूसा, अज्‍याःम्‍ह मनुखं परमेश्‍वरयात माया याना धकाः गथे धाये फइ?

१ यूहन्‍ना 3:17 ပူးပေါင်းရင်းမြစ်များ

हितोपदेश 12:10

धर्मी मनुखं थः पशुतय्‌त छु छु माः धकाः बिचाःसंचाः याइ, तर दुष्‍ट मनूयाके नुगः हे दइ मखु।

हितोपदेश 14:31

सुनां चीमिपिन्‍त क्‍वत्‍यला जुइ, वं थःत दय्‌कूम्‍ह परमेश्‍वरयात क्‍वह्यंकूगु जुइ, सुनां चीमिपिन्‍त हनाबना तइ, वं परमेश्‍वरयात हनाबना तःगु जुइ।

हितोपदेश 19:17

सुनां चीमिपिन्‍त ग्‍वाहालि याइ, वं परमप्रभुयात त्‍याय्‌ब्‍यूगु जुइ, वय्‌कलं लिपा पुलाबी।

हितोपदेश 21:13

सुनां हाःनाः मदुपिनिगु ख्‍वःसः न्‍यनी मखु, वयागु ख्‍वःसः नं सुनानं न्‍यनी मखु।

हितोपदेश 28:9

व्‍यवस्‍था मानय् मयाइम्‍हय्‌सिगु प्रार्थना तकं परमेश्‍वरयागु निंतिं घच्‍चायापुसे च्‍वनी।

लूका 3:11

वं इमित थथे लिसः बिल – “निपाः लं दुम्‍हय्‌सिनं मदुम्‍हय्‌सित छपाः ब्‍यु। अथे हे नयेगु दुम्‍हय्‌सिनं नये मखंपिन्‍त ब्‍यु।”

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

हिब्रू 13:16

मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।

याकूब 2:15

पुनेत वसः मदुपिं, नये मखंपिं दाजुकिजापिं व तताकेहेँपिं छिमिथाय् दु धाय्‌का।

याकूब 2:16

“परमेश्‍वरं छिमित आशिष बियादीमा, अले बांलाक नया तिया जु” धकाः जक धयाः छिमिसं इमित माःगु नसा वसः बिया मछ्वल धाःसा छिमिगु विश्‍वास छु ज्‍यालगय् जुल?

१ यूहन्‍ना 4:20

वय्‌कःयात जिं माया यानागु दु धकाः धया जुइम्‍ह मनुखं दाजुकिजापिन्‍त हेला याना जूसा थज्‍याःम्‍ह मनू फताहा खः धकाः सीकि। मिखां खंपिं थः दाजुकिजापिन्‍त माया मयाइम्‍ह मनुखं मिखां मखंम्‍ह परमेश्‍वरयात माया याये फइ मखु।

१ यूहन्‍ना 5:1

येशूयात मुक्ति बीम्‍ह ख्रीष्‍ट खः धकाः विश्‍वास याना जूपिं मनूत परमेश्‍वरया सन्‍तान खः। परमेश्‍वर बाःयात माया याइम्‍हय्‌सिनं वय्‌कःया काय्‌यात नं माया याइ।