१ यूहन्‍ना 3:16 - नेवाः बाइबल

¹⁶ थुकथं झीसं माया धयागु छु खः धकाः स्‍यू – झीगु निंतिं ख्रीष्‍ट सिनादिल, उकिं झीसं नं झी दाजुकिजापिनिगु निंतिं सीत तकं लिफः स्‍वये मज्‍यू।

१ यूहन्‍ना 3:16 ပူးပေါင်းရင်းမြစ်များ

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

यूहन्‍ना 10:11

“जि भिंम्‍ह फैजवाः खः। भिंम्‍ह फैजवालं फैतय्‌गु निंतिं सीत तकं लिफः स्‍वइ मखु।

यूहन्‍ना 10:15

गथे बाःनं जितः म्‍हस्‍यू, अथे हे जिं नं बाःयात म्‍हस्‍यू। अले फैतय्‌गु निंतिं जि थः हे तुं सिना बी।

यूहन्‍ना 13:34

छगू न्‍हूगु आज्ञा जिं छिमित बीत्‍यना। छिपिं थःथवय् माया याना च्‍वँ। गथे जिं छिमित माया यानागु खः, अथे हे छिमिसं थःथवय् माया यानाच्‍वनेमाः।

यूहन्‍ना 3:16

“परमेश्‍वरं संसारयात यक्‍व माया यानादीगुलिं वय्‌कःयात विश्‍वास याःपिं मनूत नाश मजुइमा, बरु इमित अनन्‍त जीवन दयेमा धकाः थः याकः काय्‌यात तकं बियादिल।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

रोमी 16:4

जितः बचय् यायेत इपिं थःपिं हे झन्‍दलय् सीत्‍यंगु खः। जिं जक मखु, फुक्‍क जात जातियापिं मनूत दुगु मण्‍डलीं नं इमित सुवाः बियाच्‍वंगु दु।

रोमी 5:8

तर झी पापी जुयाच्‍वंबलय् हे ख्रीष्‍ट झीगु पलेसाय् सिनादीगुलिं झीत परमेश्‍वरं माया यानादीगु दु धकाः सी दु।

२ कोरिन्‍थी 4:12

थुकथं जिमित कालं त्‍वपुयातःगु दु। छिमिसं धाःसा जीवन कयाच्‍वंगु दु।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

एफिसी 5:25

ख्रीष्‍ट येशूं मण्‍डलीयात थःगु प्राण बिया तकं माया यानादिल। अथे हे मिजंतय्‌सं नं थः कलाःयात माया यायेमाः।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

फिलिप्‍पी 2:30

ख्रीष्‍टयागु ज्‍याया निंतिं जितः ग्‍वाहालि बीत वं थःगु ज्‍यान तकं पात। छिमिसं जिगु निंतिं पूवंके मफुगु ज्‍या वं पूवंकल।

१ थेसलोनिकी 2:8

जिमिसं छिमित धात्‍थें हे माया यानाच्‍वनागु दु। परमेश्‍वरयागु भिंगु खँ जक मखु, छिमित थःगु प्राण तकं बी माःसां जिमिसं लिफः स्‍वये मखु, छाय्‌धाःसा जिमित छिमिगु तसकं माया वं।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

१ पत्रुस 1:18

छिमि तापाःबाज्‍यापिनिगु पालंनिसें याना वयाच्‍वंगु ज्‍यालगय् मजूगु थितिकुतिं छिमित छुतय् यायेत गुलि मू पुलेमाल, छिमिसं सि हे स्‍यू। थ्‍व लुँ वहः थें नाश जुया वनीगु मखु,

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।

१ यूहन्‍ना 2:6

परमेश्‍वरया मनू खः धकाः धया जुइम्‍ह मनुखं येशू ख्रीष्‍ट थें जुइ फय्‌केमाः।

१ यूहन्‍ना 2:9

ख्रीष्‍टं जिगु नुगः यचुक सिलादीगु दु धकाः धया जुइम्‍ह मनुखं दाजुकिजापिन्‍त हेला यानाच्‍वन धाःसा आः तक नं वयागु नुगः हाकुसे हे च्‍वं नि।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।