१ यूहन्‍ना 3:12 - नेवाः बाइबल

¹² झीपिं कयिन थें जुइ मज्‍यू। कयिन शैतानया मनू जूगुलिं वं थः हे किजा हाबिलयात स्‍यात। कयिनं थः हे किजायात छाय् स्‍यात? कयिन शैतानया मनू जूगुलिं वया किजां भिंगु बांलाःगु याना जूगु स्‍वये मफयाः वं थः किजायात स्‍यात।

१ यूहन्‍ना 3:12 ပူးပေါင်းရင်းမြစ်များ

उत्‍पत्ति 4:25

आदमया थः कलाःलिसे हाकनं लसपस जुल। अले वं मेम्‍ह छम्‍ह काय् बुइकल। “परमेश्‍वरं जितः कयिनं स्‍यानाब्‍यूम्‍ह हाबिलया थासय् मेम्‍ह काय् बियादीगु दु” धकाः वं वयागु नां शेत तयाबिल।

२ शमूएल 13:22

अब्‍शालोमं अमनोनयात भिं व मभिं छुं मधाल। थः केहेँ तामारयात बेइज्‍जत याःगुलिं अब्‍शालोमं अमनोनयात तसकं मय्‌कल।

भजनसंग्रहया सफू 37:12

मभिंपिन्‍सं भिंपिन्‍त स्‍यंकेत जाः ग्‍वयाजुइ, अले इमित बेक्‍वः मिखां स्‍वयाजुइ।

भजनसंग्रहया सफू 38:20

इमिसं जिगु भिंगु ज्‍याया पलेसा जितः मभिं यानाच्‍वंगु दु। अले जिं भिंगु ज्‍या यानागुया विरोधय् जुयाच्‍वंगु दु।

हितोपदेश 27:4

तं धयागु तसकं छाः, अले ग्‍यानापु, तर नुगः मुइकेगु धयागु थ्‍व स्‍वयां ग्‍यानापु।

हितोपदेश 29:10

ज्‍यानमारातय्‌सं भिंपिं मनूतय्‌त यय्‌की मखु, तर धर्मी मनूतय्‌सं इमित बचय् याइ।

हितोपदेश 29:27

धर्मी मनूतय्‌सं दुष्‍ट मनूतय्‌त यय्‌की मखु, दुष्‍ट मनूतय्‌सं धर्मी मनूतय्‌त यय्‌की मखु।

मत्ती 13:19

गुलिखय् मनूतय्‌सं परमेश्‍वरयागु राज्‍ययागु खँ न्‍यनाः नं थुइके फइ मखु। थुपिं लँय् लाःगु पुसा थें खः। इमिगु नुगलय् ह्वलातःगु परमेश्‍वरयागु वचन शैतानं वयाः लिकया यंकी।

मत्ती 13:38

बुँ थ्‍व संसार खः। भिंगु पुसा परमेश्‍वरया राज्‍ययापिं मनूत खः। अले नामायागु पुसा शैतानया मनूत खः।

मत्ती 23:35

छिमिसं पृथ्‍वीइ दोष मदय्‌कं स्‍याःपिं फुक्‍कसिगु हियागु दोष छिमित लाइ। धर्मीम्‍ह हाबिलंनिसें बेरेक्‍याहया काय् जकरिया तक, गुम्‍हय्‌सित छिमिसं देगः व होमबलिया वेदीया दथुइ स्‍याःगु खः।

मत्ती 27:23

वं हानं धाल – “वं अपाय्‌सकं स्‍याये हे माय्‌क छु याःगु दु?” अले इमिसं झन ततःसलं – “वयात क्रूसय् यख्‍खानाः स्‍याये हे माः” धकाः हाला हल।

मत्ती 5:37

छु धायेमाःगु खः – खःसा खः जक धा, मखुसा मखु जक धा। थुलिं अप्‍वः खँ शैतानपाखेंयागु जक खः।

लूका 11:51

हाबिलयात स्‍याबलय्‌ निसें होम याइगु थाय् व देगःया दथुइ जकरियायात स्‍याःगु तकयागु पलेसा थुमिके काइतिनि।

यूहन्‍ना 10:32

वय्‌कलं इमित धयादिल – “बाःयापाखें जिं छिकपिन्‍त यक्‍व हे भिंगु ज्‍या यानाः क्‍यनागु दु, उकी मध्‍ये छुकिं यानाः छिकपिन्‍सं जितः ल्‍वहँतं कय्‌केत्‍यना?”

यूहन्‍ना 8:40

परमेश्‍वरं धयादीगु सत्‍य खँ धाल धकाः छिकपिन्‍सं जितः स्‍यायेत स्‍वल, थथे अब्राहामं यानामदी।

यूहन्‍ना 8:41

छिकपिनि बाःनं छु यात छिकपिन्‍सं नं व हे यानादी।” इमिसं धाल – “जिपिं व्‍यभिचारं बूपिं मखु, जिमि छम्‍ह हे अबु दु, वय्‌कः खः परमेश्‍वर।”

प्रेरित 7:52

छिकपिनि तापाःबाज्‍यापिन्‍सं अगमवक्ता सुयात जक दुःख मब्‍यूगु दु? धर्मीम्‍ह मनू झायादी तिनि धकाः धाःपिन्‍त नं इमिसं स्‍याना छ्वल। आः व हे धर्मीम्‍ह मनूयात नं छिकपिन्‍सं दुःख जक बियाः मगानाः धोखा बियाः स्‍यानाबिल।

१ थेसलोनिकी 2:14

दाजुकिजापिं, ख्रीष्‍ट येशूयात विश्‍वास यानाच्‍वंपिं यहूदियाय् च्‍वंगु मण्‍डलीयापिन्‍सं थें छिमिसं नं दुःखकष्‍ट सियाच्‍वंगु दु। इमित गथे यहूदीतय्‌सं दुःख बियाच्‍वन, छिमित नं अथे हे छिमिगु देशय् च्‍वंपिन्‍सं दुःख बियाच्‍वंगु दु।

हिब्रू 11:4

विश्‍वासं हे हाबिलं परमेश्‍वरयात कयिनयागु स्‍वयाः भिंगु बलि छाल। विश्‍वास यानाः हे व परमेश्‍वरया न्‍ह्यःने ठीक ठहरय् जुल। अले वं छाःगु नं परमेश्‍वरं यय्‌कादिल। विश्‍वास यानाः हे हाबिल सी धुंकूसां झीपिंलिसे नवानाच्‍वंगु दु।

हिब्रू 12:24

छिपिं न्‍हूगु बाचा चिनाः परमेश्‍वर व मनूतय् दथुइ च्‍वनादीम्‍ह येशूयाथाय् व बदलाया लागि हालाच्‍वंगु हाबिलया हिया पलेसा क्षमा या निंतिं नवाइगु हाः हाः याःगु हिया थासय् वःगु दु।

१ पत्रुस 4:4

छिपिं आः अथे म्‍वाःमदुगु ज्‍याखँय् इपिं नाप सना मजूगुलिं परमेश्‍वरयात म्‍हमस्‍यूपिं मनूत अजू चायाच्‍वंगु दु। उकिं इमिसं छिमित मभिंका जुइ।

१ यूहन्‍ना 3:8

शैतानं न्‍हापांनिसें पाप याना वयाच्‍वंगु दु, उकिं पाप यानां तुं च्‍वनीपिं मनूत नं शैतानया मनू खः। अथे जूगुलिं शैतानयागु ज्‍या स्‍यंकेत परमेश्‍वरया काय् थन झायादी माःगु खः।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।

प्रकाश 17:6

अले जिं व मिसां येशूयात विश्‍वास याःपिं पवित्रपिं मनूतय्‌गु हिं काय्‌काजूगु खनाः जि छक्‍क जुल।