१ यूहन्‍ना 2:27 - नेवाः बाइबल

²⁷ अय्‌नं ख्रीष्‍टं छिमिगु नुगलय् पवित्र आत्‍मायात तयादीगु दु, उकिं सुनानं छिमित स्‍यने माःगु मदु। पवित्र आत्‍मां छिमित फुक्‍कं स्‍यनादी। वय्‌कः सत्‍य खः, गुबलें मखुगु खँ ल्‍हानादी मखु। पवित्र आत्‍मां गथे स्‍यनादिल, अथे हे यानाः छिपिं ख्रीष्‍टनाप च्‍वनाच्‍वँ।

१ यूहन्‍ना 2:27 ပူးပေါင်းရင်းမြစ်များ

हितोपदेश 28:5

दुष्‍ट मनूतय्‌सं न्‍याय धयागु छु धकाः सी मखु, परमप्रभुयात मानय् याइपिन्‍सं थ्‍व खँ बांलाक सी।

लेवी 7:35

गुखुन्‍हु हारून व वया काय्‌पिं पुजाहारी पदय् अभिषेक जुयाः परमप्रभुया न्‍ह्यःने सेवाया निंतिं दनी, उखुन्‍हुनिसें परमप्रभुया निंतिं विशेष देछाया ब्‍व इमिगु खः।

गन्‍ती 7:43

वयागु देछा थथे दु – पवित्र पालया शेकेलकथं सच्‍छि व स्‍विगू शेकेल वहःयागु छपा भु, न्‍हयेगू शेकेल वहःयागु छगः छ्वाकेगु बाता – थुपिं निगुलिं अन्‍नबलिया निंतिं चिकं ल्‍वाकछ्यानातःगु भिंगु छुचुनं जाःगु खः,

मत्ती 13:11

वय्‌कलं धयादिल – “स्‍वर्गयागु राज्‍ययागु गुप्‍ति खँ छिमित जक सीके ब्‍यूगु दु। इमित सीके मब्‍यू।

यूहन्‍ना 14:16

जिं छिमित ग्‍वाहालि याइम्‍ह मेम्‍ह छ्वयादिसँ धकाः बाःयाके बिन्‍ति यानाबी। अले व छिपिंनाप सदां च्‍वनी।

यूहन्‍ना 14:17

थ्‍व सत्‍य आत्‍मायात संसारयापिं मनूतय्‌सं ग्रहण याये फइ मखु, छाय्‌धाःसा इमिसं वय्‌कःयात खनी नं मखु, म्‍हसी नं मखु। छिमिसं धाःसा वय्‌कःयात म्‍हस्‍यू। वय्‌कः छिपिंनाप, अले छिमिके हे च्‍वनादी।”

यूहन्‍ना 14:26

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

यूहन्‍ना 16:13

गुबलय् सत्‍य आत्‍मा झायादी, अबलय् छिमित फुक्‍क सत्‍य खँ सीके फय्‌के बी। वय्‌कलं थःगु हे जक खँ कनादी मखु, बरु छु छु न्‍यनादिल व हे जक कनादी। वय्‌कलं लिपा जूवइतिनिगु खँ नं कनादी।

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

यूहन्‍ना 6:45

थुपिं फुक्‍कं परमेश्‍वरं स्‍यना तःपिं जुइ धकाः अगमवक्तातय्‌सं च्‍वया थकूगु दु। बाःयागु खँ न्‍यनाः सय्‌का सीका काःपिं फुक्‍कं जिथाय् वइ।

१ कोरिन्‍थी 2:12

परमेश्‍वरं झीत थ्‍व संसारयागु आत्‍मा बियादीगु मखु, बरु पवित्र आत्‍मा बियादीगु खः। वय्‌कलं बियादीगु फुक्‍क खँ झीसं सीके फयेमा धकाः झीत थ्‍व बियादीगु खः।

१ कोरिन्‍थी 2:13

अय्‌जूगुलिं जिमिसं मनूतय्‌गु बुद्धिं स्‍यंगु खँ नमवाना। पवित्र आत्‍मां स्‍यनादीगु खँ जक वय्‌कःयागु आत्‍मा दुपिं छिपिं विश्‍वासीतय्‌त कनागु खः।

२ कोरिन्‍थी 1:21

ख्रीष्‍टयात क्‍वात्तुक विश्‍वास यानाच्‍वने फय्‌क छिमित नं जिमित नं शक्ति बियादीम्‍ह परमेश्‍वर हे खः। परमेश्‍वरं झीत ल्‍ययादीगु खः।

एफिसी 4:21

प्रभुयागु सः छिमिसं ताःगु हे दु। ख्रीष्‍टपाखें हे धात्‍थेंगु खँ छिमिसं सय्‌का काःगु दु।

कलस्‍सी 2:6

गथे ख्रीष्‍ट येशूयात छिमिसं “प्रभु” धकाः मानय् यात, अथे हे वय्‌कलं धयादी थें याना च्‍वँ।

१ थेसलोनिकी 2:13

जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।

१ थेसलोनिकी 4:9

आः छिमित थःथवय् माया यानाच्‍वनेमाः धकाः जिमिसं च्‍वया च्‍वनेमाःगु मदु, छाय्‌धाःसा थ्‍व खँ ला छिमित परमेश्‍वरं हे स्‍यनादीगु दु।

१ तिमोथी 2:7

थ्‍व हे ज्‍या यायेत जितः भिंगु खँ न्‍यंकः जुइम्‍ह व प्रेरित यानादिल। जिं धात्‍थेंगु खँ धयाच्‍वनागु खः, मखुगु खँ ल्‍हानागु मखु। यहूदीमखुपिन्‍त थ्‍व हे धात्‍थेंगु खँ कनाः विश्‍वास याकेत जितः गुरु ल्‍ययातःगु खः।

१ पत्रुस 1:23

छिपिं आः नाश जुयावनीपिं मांबौनं बुइकूपिं मखु, बरु परमेश्‍वरयागु गुबलें नाश जुया मवनीगु वचनं बूपिं खः।

१ यूहन्‍ना 2:28

अय् जि यःपिं मस्‍त, ख्रीष्‍टनाप च्‍वनाच्‍वँ। अले जक ख्रीष्‍ट हानं थन झायादीबलय् झीपिं ग्‍याये माली मखु, अले वय्‌कः खनाः लज्‍या चाये माली मखु।

१ यूहन्‍ना 3:24

परमेश्‍वरयागु आज्ञा मानय् यानाच्‍वंम्‍ह मनू वय्‌कः नाप दइ, अले वय्‌कः व नाप दइ। झीगु नुगलय् पवित्र आत्‍मा तयादीगुलिं झीसं थ्‍व स्‍यू।

२ यूहन्‍ना 1:2

थ्‍व सत्‍य झीगु नुगलय् न्‍ह्याबलें दयाच्‍वनी।