१ यूहन्‍ना 2:25 - नेवाः बाइबल

²⁵ ख्रीष्‍टं झीत बी धकाः धयादीगु अनन्‍त जीवन थ्‍व हे खः।

१ यूहन्‍ना 2:25 ပူးပေါင်းရင်းမြစ်များ

दानिएल 12:2

अले ग्‍वाः ग्‍वाः सी धुंकूपिं मनूत, गुलिं अनन्‍त जीवनया लागिं, गुलिं धाःसा लज्‍या व न्‍ह्याबलें क्‍वह्यंकाच्‍वनेगु लागि दना वइ।

लूका 18:30

आः हे थ्‍व स्‍वयाः यक्‍वं अप्‍वः दइ, अले लिपा वइगु संसारय् अनन्‍त जीवन नं कायेखनी।”

यूहन्‍ना 10:28

इमित जिं अनन्‍त जीवन बी। इपिं गुबलें नाश जुइ मखु। जिगु ल्‍हातं इमित सुनानं लाकायंकी मखु।

यूहन्‍ना 12:50

वय्‌कःयागु उजं हे अनन्‍त जीवन खः धकाः जिं स्‍यू, उकिं जिं नवानागु खँ फुक्‍कं बाःनं धयादी थें हे नवानागु खः।”

यूहन्‍ना 3:15

अथे जूगुलिं वय्‌कःयात विश्‍वास याइपिन्‍त अनन्‍त जीवन दइ।”

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

यूहन्‍ना 6:27

सितिं वनीगु नसायागु निंतिं ज्‍या याये मते, बरु मनूया काय्‌नं बीगु अनन्‍त जीवन तक दयाच्‍वनीगु नसायागु निंतिं ज्‍या या। परमेश्‍वर बाःनं जितः थ्‍व हे ज्‍या यायेत छ्वयाहयादीगु खः।”

यूहन्‍ना 6:40

काय्‌यात खंपिं व विश्‍वास याःपिन्‍त अनन्‍त जीवन बीगु हे जिमि बाःयात यःगु खँ खः। अले जिं इमित दकलय् लिपायागु दिनय् म्‍वाका बी।”

यूहन्‍ना 6:47

“जिं छिमित खःगु खँ धाये, सुनां विश्‍वास याइ, वयाके अनन्‍त जीवन दइ।

यूहन्‍ना 6:54

सुनां जिगु म्‍ह नइ, अले जिगु हि त्‍वनी, वयाके अनन्‍त जीवन दइ। अले वयात दकलय् लिपायागु दिनय् जिं म्‍वाका बी।

यूहन्‍ना 6:68

सिमोन पत्रुसं लिसः बिल – “प्रभु, जिपिं सुयाथाय् वनेगु? अनन्‍त जीवन बीगु खँ छिके जक दु।

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

रोमी 5:21

थथे जूगुलिं पापं यानाः फुक्‍क मनूत सीमाः थें तुं परमेश्‍वरयागु दया मायां धर्मी ठहरय् जुयाः झी प्रभु येशू ख्रीष्‍टयापाखें मनूतय्‌त अनन्‍त जीवन दत।

रोमी 6:23

पापया ज्‍याला मृत्‍यु खः। परमेश्‍वरं सितिकं बियादीगु वरदान झी प्रभु येशू ख्रीष्‍टयाके अनन्‍त जीवन खः।

गलाती 6:8

सुनानं थःत यःथें पापी ज्‍या याना जूसा वयात नरकय् छ्वइ। सुनां परमेश्‍वरयात यःथें याना जुइ वयात अनन्‍त जीवन दइ।

१ तिमोथी 1:16

थुकिं यानाः हे वय्‌कलं जितः माया यानादिल। जि थें ज्‍याःम्‍ह तसकं पापीयात थःगु धैर्य क्‍यनेत वय्‌कलं जितः नमूना दय्‌कादिल। थ्‍व नमूना लिपा वय्‌कःयात विश्‍वास याइपिं व अनन्‍त जीवन काइपिनिगु निंतिं खः।

१ तिमोथी 6:12

विश्‍वासयागु लँपुइ न्‍ह्यज्‍याना तुं च्‍वँ। अले अनन्‍त जीवन काय्‌त स्‍व। थुकियागु निम्‍ति हे परमेश्‍वरं छन्‍त सःतादीगु खः, अले थुकियागु निम्‍ति हे छं यक्‍व मनूतय्‌त थःगु विश्‍वासयागु साक्षी ब्‍यूगु खः।

१ तिमोथी 6:19

थुकथं इमिसं लिपायात स्‍यल्‍लाःगु धनसम्‍पत्ति मुंके फइ, अले धात्‍थेंगु जीवन कायेखनी।

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

तीतस 3:7

वय्‌कलं दया माया यानादीगुलिं झीपिं परमेश्‍वरया न्‍ह्यःने धर्मी ठहरय् जुइ फत, अले झीसं आशा यानागु अनन्‍त जीवन नं काये दत।

१ यूहन्‍ना 1:2

गुबलय् थ्‍व वचन जीवन जुयाः जिमिथाय् खनेदय्‌कः झाल, उबलय् थ्‍व जीवनयात जिमिसं खना, जिमिसं साक्षी बी, अले छिमित नं धाये। थ्‍व बाःयाके दुगु अनन्‍त जीवन जिमिथाय् खनेदय्‌कः झाल।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

यहूदा 1:21

परमेश्‍वरयात मानय् यायेगु गुबलें त्‍वःते मते। झी प्रभु येशू ख्रीष्‍ट झायाः छिमित दया यानाः अनन्‍त जीवन बियादीतिनि धकाः छिपिं पियाच्‍वँ।