१ यूहन्‍ना 2:19 - नेवाः बाइबल

¹⁹ इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।

१ यूहन्‍ना 2:19 ပူးပေါင်းရင်းမြစ်များ

अय्‍यूब 17:9

थ्‍व फुक्‍क जूसां तबि धर्मी मनूत थःगु लँय् वना हे च्‍वनी, अले सुयागु ल्‍हाः शुद्ध जू, व बल्‍लानावनी।

भजनसंग्रहया सफू 37:28

छाय्‌धाःसा परमप्रभु सत्‍य यःम्‍ह खः, वय्‌कलं थःत विश्‍वास याइपिन्‍त गुब्‍सं त्‍वःतादी मखु। वय्‌कलं इमित न्‍ह्याबलें बचय् यानादी। मभिंपिं मनूतय् सन्‍तान धाःसा नाश जुइ।

भजनसंग्रहया सफू 41:9

छपाः हे भुइ नयाम्‍ह जिमि छम्‍ह स्‍याःन्‍याःम्‍ह पासा तकं जिगु विरोधय् वन। वयात जिं तसकं विश्‍वास यानातयागु खः।

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

मर्कूस 13:22

छाय्‌धाःसा उबलय् फताहा ख्रीष्‍ट व अगमवक्तात खनेदय्‌कः वइ। इमिसं फतिंफतलय् परमेश्‍वरं ल्‍ययातःपिं मनूतय्‌त झंगःलाय्‌त ततःधंगु चिं व अजू चायापुगु ज्‍या यानाक्‍यनी।

लूका 8:13

ल्‍वहं दुथाय् लाःगु पुसा परमेश्‍वरयागु वचन न्‍यनाः लय्‌लय्‌तायाः विश्‍वास याइपिं मनूत खः। अय्‌नं वचन इमिगु दुनुगलय् थ्‍यंक दुहां मवंगुलिं इमिसं छुं ई तक जक विश्‍वास याइ। दुःखकष्‍ट वयेवं इमिसं विश्‍वास यायेगु त्‍वःताछ्वइ।

यूहन्‍ना 15:2

जिके च्‍वंगु दाख मसःगु कचायात बाःनं ध्‍यनाः छ्वइ। अले सयाच्‍वंगु कचायात अझ यक्‍व सयेमा धकाः न्‍हायादी।

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

प्रेरित 15:24

“जिमिगु पुचलं पिहांवःपिं सुं मनूतय्‌सं छिकपिन्‍त म्‍वाःमदुगु खँ ल्‍हानाः दुःख बियाः मन स्‍यंकेत स्‍वल धकाः जिमिसं न्‍यना। इमित जिमिसं छ्वयाहयागु मखु।

प्रेरित 20:30

थुलि जक मखु, छिकपिनिगु हे पुचलं मखुगु खँ ल्‍हानाजुइपिं मनूत पिहां वइ। अले इमिसं विश्‍वासीतय्‌त थःगु हे मभिंगु लँय् यंकी।

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

१ कोरिन्‍थी 11:19

भिंम्‍ह मनू म्‍हसीकेत ला थथे ल्‍वापु नं दयेमाः मखु ला?

व्‍यवस्‍था 13:13

छिमिगु दथुं मभिंपिं पिहां वयाः थःगु शहरयापिं मनूतय्‌त “इमिसं न्‍हापा म्‍हमस्‍यूपिं द्यःतय्‌त पुजा याये नु” धकाः हेय्‌कूगु दु धइगु खँ छिमिसं न्‍यनेदत धाःसा

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

२ तिमोथी 2:19

अय्‌नं परमेश्‍वरं स्‍वनादीगु जग गुबलें दुनावनी मखु। अले थ्‍व जगय् थथे च्‍वयातःगु दु – “प्रभुया मनूयात प्रभुं म्‍हस्‍यू।” अले “प्रभुयागु नां कयाः जूपिन्‍सं मभिंगु ज्‍या याये मज्‍यू।”

२ तिमोथी 3:9

इपिं ताः च्‍वनी मखु, छाय्‌धाःसा यान्‍नेस व याम्‍ब्रेसयागु थें इमिगु मूर्ख ज्‍या नं मनूतय्‌सं सीकी।

हिब्रू 10:39

झीपिं अथे विश्‍वासं लिचिलाः स्‍यना वनीपिं मनूत मखु, बरु विश्‍वासं म्‍वाका तःपिं खः।

२ यूहन्‍ना 1:7

येशू ख्रीष्‍ट मनू जुयाः झाःगु मखु धकाः धाइपिं मनूत नं थ्‍व संसारय् यक्‍व दु। थुपिं फताहात खः। थुपिं ख्रीष्‍टया शत्रुत नं खः।

यहूदा 1:1

याकूबया किजा व येशू ख्रीष्‍टया दास यहूदापाखें परमेश्‍वरं सःतादीपिन्‍त, परमेश्‍वर बाःनं माया यानातःपिन्‍त, अले येशू ख्रीष्‍टं बचय् यानातःपिन्‍त ज्‍वजलपा।

यहूदा 1:19

मिलय् जुयाच्‍वंपिन्‍त फाइपिं थुपिं हे खः। थुमिसं थःत यःथें याना जुइ। थुमिके परमेश्‍वरयागु आत्‍मा दइ मखु।