१ यूहन्‍ना 2:18 - नेवाः बाइबल

¹⁸ अय् जि यःपिं मस्‍त, थ्‍व संसार याकनं हे फुना वनिन। ख्रीष्‍टया शत्रु वइतिनि धकाः छिमिसं न्‍यनातःगु दु। ख्रीष्‍टया शत्रुत खने दयावये धुंकल। अय्‌जूगुलिं थ्‍व संसार याकनं हे फुना वनिन धकाः झीसं सीके फु।

१ यूहन्‍ना 2:18 ပူးပေါင်းရင်းမြစ်များ

मत्ती 24:11

अले फताहा अगमवक्तात यक्‍वसिनं वयाः तःम्‍हय्‌सित हे झंगःलाना थकी।

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

मत्ती 24:5

छाय्‌धाःसा यक्‍व हे मनूतय्‌सं वयाः – ‘जि मुक्ति बीम्‍ह ख्रीष्‍ट खः’ धकाः छिमिगु मिखाय् धुलं छ्वाकेत स्‍वइ।

मर्कूस 13:6

छाय्‌धाःसा यक्‍व हे मनूतय्‌सं वयाः – ‘जि मुक्ति बीम्‍ह ख्रीष्‍ट खः’ धकाः छिमिगु मिखाय् धुलं छ्वाकेत स्‍वइ।

यूहन्‍ना 21:5

उकिं वय्‌कलं इमित धयादिल – “पासापिं, छिमिके न्‍या दु ला?” इमिसं लिसः बिल – “मदु।”

रोमी 13:11

छिमिसं थ्‍व संसारय् गज्‍याःगु ई वयाच्‍वंगु दु बांलाक बिचाः याना च्‍वँ, द्यनेगु त्‍वःताः दनेगु ई वये धुंकल। उद्धार कायेगु ई न्‍हापा झीसं विश्‍वास यानाबलय् स्‍वयाः नं न्‍ह्यःने थ्‍यने धुंकल।

रोमी 13:12

चा फुइन, आः न्‍हि वइन। उकिं खिउँबलय् यायेगु ज्‍या त्‍वःताः जःयागु ल्‍वाभः ज्‍वनाः तयार जु।

हिब्रू 1:2

तर आः दक्‍वसिबय् लिपा वय्‌कः थः काय्‌पाखें झीपिंलिसें नवानादीगु दु। काय्‌यात हे वय्‌कलं फुक्‍क सृष्‍टिया हामा यायेत ल्‍ययादिल। वय्‌कःपाखें हे थ्‍व संसारयागु सृष्‍टि यानादिल।

१ पत्रुस 1:20

थथे यायेत परमेश्‍वरं ख्रीष्‍टयात संसार सृष्‍टि याये न्‍ह्यः हे ल्‍ययादीगु खः। अय्‌जूगुलिं छिमिगु निंतिं वय्‌कः आः फुक्‍कसिया न्‍ह्यःने खंक झाःगु दु।

१ पत्रुस 1:5

परमेश्‍वरयात छिमिसं क्‍वात्तुक विश्‍वास यानाच्‍वंगुलिं वय्‌कःयागु शक्तिं छिमित मुक्ति बियादी। दकलय् लिपा थ्‍व मुक्ति छिमिगु न्‍ह्यःने खनेदः वइ।

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

२ पत्रुस 2:1

न्‍हापा न्‍हापा नं मखुगु खँ स्‍यना जुइपिं अगमवक्तात दयावःगु खः। अथे हे छिमिगु पुचलय् नं मखुगु खँ स्‍यना जुइपिं मनूत दयावइतिनि। अज्‍याःपिं मनूतय्‌सं छिमित मखुगु खँ जक स्‍यनाबीगु कुतः याइ। इमित मुक्ति बियादीम्‍ह येशू ख्रीष्‍टयात हे इमिसं त्‍वःतावनी, अले याकनं हे स्‍यनावनी।

२ पत्रुस 3:3

दकलय् न्‍हापां थ्‍व खँ सीकि, लिपा लिपायागु दिनय् थःत यःथें सना जुइपिं मनूत वइतिनि। अले थज्‍याःपिं मनूतय्‌सं छिमित गिजय् याइ।

१ यूहन्‍ना 2:22

अय्‌सा मखुगु खँ ल्‍हाना जुइम्‍ह सु खः? येशू धाःम्‍ह मुक्ति बीम्‍ह ख्रीष्‍ट मखु धकाः धया जुइम्‍ह मनू हे मखुगु खँ ल्‍हाइम्‍ह खः। थज्‍याःम्‍ह मनू ख्रीष्‍टया शत्रु खः। थज्‍याःम्‍ह मनुखं परमेश्‍वर बाः व वय्‌कःया काय् निम्‍हय्‌सितं थःनाली मखु।

१ यूहन्‍ना 4:1

यःपिं दाजुकिजापिं, आत्‍मा दु धकाः धयाजुइपिं न्‍ह्याम्‍हय्‌सित नं विश्‍वास याये मते। न्‍हापां परमेश्‍वरयागु आत्‍मा खः मखु धकाः निं जाँचय् याना स्‍व, छाय्‌धाःसा यक्‍व हे फताहा अगमवक्तात खने दया वयाच्‍वंगु दु।

१ यूहन्‍ना 4:3

सुनां ख्रीष्‍ट मनू जुयाः झायादीगु मखु धकाः धाइ, व मनूयाके ख्रीष्‍टया शत्रुयागु आत्‍मा दु धकाः सीकि। व वइ धकाः छिमिसं न्‍यनातःगु दु। व आः नं संसारय् दनि।

२ यूहन्‍ना 1:7

येशू ख्रीष्‍ट मनू जुयाः झाःगु मखु धकाः धाइपिं मनूत नं थ्‍व संसारय् यक्‍व दु। थुपिं फताहात खः। थुपिं ख्रीष्‍टया शत्रुत नं खः।

यहूदा 1:18

इमिसं छिमित थथे धयावंगु खः – “दकलय् लिपा छिमित हेस्‍याइपिं व थःत यःथें यानाजुइपिं मनूत वइ।”