१ यूहन्‍ना 2:17 - नेवाः बाइबल

¹⁷ थ्‍व संसार व थ्‍व संसारय् च्‍वंगु मनूतय्‌सं यय्‌का जुइगु नं फुक्‍कं मदया वनीतिनि। तर परमेश्‍वरयागु इच्‍छा कथं जुइम्‍ह मनू न्‍ह्याबलें दयाच्‍वनी।

१ यूहन्‍ना 2:17 ပူးပေါင်းရင်းမြစ်များ

भजनसंग्रहया सफू 102:26

थुपिं ला मदयावनी, तर छि सदां दयाच्‍वनी, थुपिं फुक्‍क वसः थें भ्‍वाथः जुयावनी। छिं थुमित वसः थें हिलादी, अले थुपिं मदयावनी।

भजनसंग्रहया सफू 143:10

छिगु इच्‍छा गथे यानाः पूवंकेगु खः व जितः स्‍यनादिसँ। छाय्‌धाःसा छि जिमि परमेश्‍वर खः। छिगु आत्‍मां जितः भिंगु लँपुइ यंकेमा।

भजनसंग्रहया सफू 39:6

मनूत ला किचः थें हे थुखे उखे जुइ। इमिगु ज्‍याया छुं हे मू मदु। इमिसं धन-सम्‍पत्ति मुंकी, तर सुनां काइ धकाः इमिसं मस्‍यू।

भजनसंग्रहया सफू 90:9

छिगु तमं जिमिगु आयु कम यानाबी। जिमिगु जीवन झसुकाः ततं फुनावनी।

हितोपदेश 10:25

वाफय् वइबलय् दुष्‍टतय्‌त पुइकायनी, धर्मीतय्‌त गुबलें नं इकिधिकि हे संकी मखु।

मत्ती 21:31

“थुपिं निम्‍ह काय्‌पिं मध्‍ये सुनां बौम्‍हय्‌सिगु खँ न्‍यन?” इमिसं लिसः बिल – “तःधिकःम्‍ह काय्‌म्‍हं।” अले वय्‌कलं धयादिल – “जिं छिकपिन्‍त खःगु खँ धाये – कर काइपिं व वेश्‍यात छिकपिं स्‍वयाः न्‍हापालाक परमेश्‍वरयागु राज्‍यय् दुहां वनी।

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।

मत्ती 7:21

“जितः ‘प्रभु, प्रभु’ जक धयाजुइपिं मनूत परमेश्‍वरयागु राज्‍यय् दुहां वने फइ मखु। स्‍वर्गय् च्‍वनादीम्‍ह जिमि बाःयात लय्‌तायेक ज्‍या याना जूपिं जक वय्‌कःयागु राज्‍यय् दुहां वने फइ।

मर्कूस 3:35

छाय्‌धाःसा सुनां परमेश्‍वरं धाःथें याना जुइ, व हे जिमि किजा, जिमि केहेँ, व जिमि मां खः।”

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

यूहन्‍ना 6:58

स्‍वर्गं वःगु मरि थ्‍व हे खः। छिमि तापाःबाज्‍यापिन्‍सं मन्‍ना नयाः नं सिनावन, थ्‍व अज्‍याःगु मरि मखु, थ्‍व मरि नःम्‍ह मनू गुबलें हे सी मखु।”

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।

रोमी 12:2

आवंनिसें थ्‍व संसारयापिं मनूतय्‌सं याना जू थें छिमिसं याना जुइ मते, बरु मनयात हीकाः न्‍हूपिं मनूत जुयाच्‍वँ। थुकथं याना जूसा परमेश्‍वरयागु इच्‍छा छु खः, अले भिंगु, वय्‌कःयात यःगु, व छु खँ ठीक जू छिमिसं बांलाक सीके थुइके फइ।

१ कोरिन्‍थी 7:31

संसारयागु ज्‍याखँ याना च्‍वंपिन्‍सं याना मच्‍वंपिं थें जुयाच्‍वँ, छाय्‌धाःसा थ्‍व संसार याकनं हे मदयावनी।

कलस्‍सी 1:9

थ्‍व खँ न्‍यंसांनिसें पवित्र आत्‍मायागु बुद्धिं छिमिसं परमेश्‍वरयागु इच्‍छा बांलाक सीके थुइके फयेमा धकाः जिमिसं प्रार्थना याना वयाच्‍वनागु दु।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

१ थेसलोनिकी 4:3

छिपिं पवित्र जुयाच्‍वनेमा धयागु हे परमेश्‍वरया इच्‍छा खः, उकिं छिपिं व्‍यभिचारं तापाक च्‍वँ।

१ थेसलोनिकी 5:18

न्‍ह्यागु खँय् न्‍ह्यागु जूसां परमेश्‍वरयात सुभाय् बियाः च्‍वँ। ख्रीष्‍टयात विश्‍वास यानाः छिमिसं थथे यायेमा धयागु हे परमेश्‍वरयागु इच्‍छा खः।

हिब्रू 10:36

परमेश्‍वरयात यःगु ज्‍या यायेत व वय्‌कलं बियादी धकाः धयादीगु कायेत छिमिसं नुगः क्‍वात्तुका च्‍वँ।

याकूब 4:14

कन्‍हय् छु जुइ धकाः छिमिसं छुं नं मस्‍यू। छिमिगु जीवन छु हे खः धकाः? छिमिगु जिन्‍दगी खसु थें खः। छुं ई तक खने दइ, अले हानं तनावनी।

१ पत्रुस 1:5

परमेश्‍वरयात छिमिसं क्‍वात्तुक विश्‍वास यानाच्‍वंगुलिं वय्‌कःयागु शक्तिं छिमित मुक्ति बियादी। दकलय् लिपा थ्‍व मुक्ति छिमिगु न्‍ह्यःने खनेदः वइ।

१ पत्रुस 4:2

अथे जूगुलिं आवंलि छिपिं शरीरय् म्‍वाना च्‍वंतले परमेश्‍वरं धाःथें च्‍वँ। छिमिसं गुबलें थः यःथें याना जुइ मते।