१ यूहन्‍ना 2:16 - नेवाः बाइबल

¹⁶ थ्‍व संसारय् च्‍वंगु फुक्‍क ज्‍याखँ गथे बांमलाःगु मभिंगु ज्‍याखँ याये मास्‍ति वय्‌केगु, मिखां खंक्‍व काये मास्‍ति वय्‌केगु, अले तःधंछुयाः फुइँफाँय् यानाजुइगु। थ्‍व फुक्‍क परमेश्‍वर बाःयापाखें मखु, संसारयापाखें हे दयावःगु खः।

१ यूहन्‍ना 2:16 ပူးပေါင်းရင်းမြစ်များ

उत्‍पत्ति 3:6

मिसां व सिमाय् च्‍वंगु फल नये हे साइख्‍वाः वःगु व ल्‍वःवनापुसे च्‍वंगु खन। अले हाकनं ज्ञां दय्‌केगु लोभ नं मनय् वःगुलिं वं सिमाय् च्‍वंगु फल खानाः नल। अले थः भाःतयात नं बिल। वया भाःतं नं व फल नल।

उत्‍पत्ति 6:2

परमेश्‍वरया काय्‌पिन्‍सं मनूतय् बाबांलाःपिं म्‍ह्याय्‌पिं खनाः थःत यःयःपिं ल्‍ययाः ब्‍याहा यात।

अय्‍यूब 31:1

“सुं मिसायात बांमलाःगु मिखां स्‍वये मखु धकाः जिं थःगु मिखालिसें बाचा चिनागु दु।

भजनसंग्रहया सफू 73:6

उकिं घमण्‍ड इमिगु तिसा खः ल्‍वापुख्‍यापु इमिगु वसः खः।

भजनसंग्रहया सफू 78:18

इमिसं थःयत्‍थें नसात्‍वँसा फ्‍वनाः परमेश्‍वरयागु मन स्‍वयेत तकं लिमचिल।

भजनसंग्रहया सफू 78:30

इमि लुधने मलावं इमिसं नयाच्‍वंबलय्

हितोपदेश 27:20

मृत्‍यु व विनाश गुबलें लुधनी मखु। अथे हे मनूतय्‌गु इच्‍छा नं गुबलें लुधनी मखु।

हितोपदेश 6:25

इमिगु हिसिइ थःत तंके मते, अले इमिगु मिखाय् झुमिं वने मते।

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

गन्‍ती 11:34

अथे जुयाः व थाय्‌यागु नां किब्रोथ-हत्तावा तल।

गन्‍ती 11:4

इमिगु पुचलय् दुपिं छपुचः ज्‍यालगय् मजूपिं नसिंचायावल। अले इस्राएलीतय्‌सं तकं ख्‍वख्‍वं थथे कचकच यात, “ला नये माल!

मत्ती 4:8

अनंलि शैतानं वय्‌कःयात तःजाःगु पहाडय् यंकाः संसारयागु बाबांलाःगु फुक्‍क राज्‍य व उमिगु वैभव क्‍यन।

मत्ती 5:28

तर जिं छिमित धाये – सुनानं सुं मिसायात बांमलाःगु मिखां स्‍वल धाःसा वं मनं मनं व्‍यभिचार याये धुंकी।

लूका 4:5

अले हानं शैतानं वय्‌कःयात पहाडय् च्‍वय् यंकाः संसारयागु फुक्‍क राज्‍य क्‍यन,

रोमी 13:14

थथे मयासें बरु न्‍ह्यागु याःसां प्रभु येशू ख्रीष्‍टयात यय्‌क जक याना च्‍वँ। थः यःथें जक याना जुइ मते।

१ कोरिन्‍थी 10:6

इमित थथे यानादीगुलिं झीसं नं इमिसं थें मूर्ति पुजा यायेगु, बांमलाःगु मभिंगु मतिइ तये मज्‍यू धकाः थुकिं बांलाक सी दु। इमिगु थ्‍व हे खँ धर्मशास्‍त्रय् नं थथे च्‍वयातःगु दु – “इपिं फ्‍यतुनाः भ्‍वय् नयेत्‍वने धुंकाः दनाः यःयःथें सन।”

गलाती 5:17

शरीरं ला पवित्र आत्‍माया विरोधय् व पवित्र आत्‍मां शरीरया विरोधय् इच्‍छा याइ। थुपिं निम्‍ह शत्रु थें खः, उकिं झीसं झीत यःथें याये फइ मखु।

गलाती 5:24

येशू ख्रीष्‍टयापिं मनूतय्‌सं ला थः यःथें यानाजुइगु व मभिंगु ज्‍या फुक्‍कं क्रूसय् यख्‍खाये धुंकल।

एफिसी 2:3

झीपिं नं छकः इपिं थें हे जुइ धुनागु दु, झीसं नं थःत यःथें यानाः मोजमज्‍जा याना जुइ धुन। थुकथं मेपिं थें झीपिं नं परमेश्‍वरयागु तं फये मालीपिं जुइ धुन।

तीतस 2:12

थ्‍व हे दया मायां झीत पापं व संसारयागु ज्‍याखं लिचिकी, अले थःत कःघानाः धर्मी व परमेश्‍वरयात मानय् याइपिं जुयाः थ्‍व संसारय् म्‍वानाच्‍वने फइ।

तीतस 3:3

झीपिं नं छकः ला छुं मस्‍यूपिं, अतेरिपिं, लँ द्वंका च्‍वनापिं, मभिंगु मतिइ तया जुइपिं, मोजमज्‍जा जक याइपिं, नुगः मुइका जुइपिं व थःथवय् मयय्‌का जुइपिं जुइ धुन।

याकूब 3:15

थज्‍याःगु बुद्धि परमेश्‍वरपाखें वःगु मखु। थज्‍याःगु बुद्धि ला संसारं ब्‍यूगु, अले शैतानपाखें वःगु खः।

याकूब 4:16

तर छिमिसं तसकं तःधंछुयाः फुइँ यानाः खँ ल्‍हाना जुल। थथे फुइँ यानाजुइगु बांमलाः।

यहोशू 7:21

झीसं लाका कयागु सामानय् जिं बेबिलोनयागु छपु बांलाःगु गा, निसः शेकेल ति वहः व नेय्‌गू शेकेल ति लुँयागु कथि खनाबलय् जितः ल्‍वःवन अले जिं उपिं कया। उपिं जिगु पाल दुने बँय् सुचुका तयागु दु। व दकलय् क्‍वय् वहः दु।”

१ पत्रुस 1:14

वय्‌कलं धयादी थें च्‍वनाच्‍वँ। न्‍हापा मस्‍यूनिबलय् याना जू थें छिमिसं आः नं अज्‍याःगु मभिंगु ज्‍या याना जुइ मते।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

२ पत्रुस 2:10

अप्‍वः यानाः थःत जक यःथें मभिंगु बांमलाःगु ज्‍याखँ यानाः व परमेश्‍वरयागु अधिकारयात हेपय् यानाजुइपिं मनूतय्‌त वय्‌कलं तःधंगु सजाँय बियादी। अज्‍याःपिं मखुगु खँ स्‍यनीपिं मनूत तसकं तःधंछुइमाः। अले इमिसं थः स्‍वयाः तःधंपिन्‍त हनाबना तइ मखु, हेपय् याना जुइ।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।