१ यूहन्‍ना 2:14 - नेवाः बाइबल

¹⁴ मस्‍तय्‌सं नं झी परमेश्‍वर बाःयात म्‍हस्‍यूगुलिं छिमित नं जिं थ्‍व खँ च्‍वयाच्‍वनागु खः। बौपिन्‍सं न्‍हापांनिसें दुम्‍ह परमेश्‍वर बाःयात म्‍हस्‍यूगुलिं जिं थ्‍व खँ च्‍वयाच्‍वना। बल्‍लाःपिं ल्‍याय्‌म्‍ह व ल्‍यासेपिं, छिमिगु नुगः परमेश्‍वरयागु वचनं जायाच्‍वंगु दु। उकिं छिमिसं शैतानयात त्‍याके फत। उकिं जिं छिमित नं च्‍वयाच्‍वनागु दु।

१ यूहन्‍ना 2:14 ပူးပေါင်းရင်းမြစ်များ

भजनसंग्रहया सफू 119:11

छिगु विरोधय् पाप याये म्‍वालेमा धकाः छिगु बचं जिं थःगु नुगलय् तया तयागु दु।

यूहन्‍ना 15:7

छिपिं जिके च्‍वनाच्‍वन धाःसा व जिगु वचनयात नुगलय् तया तल धाःसा छिमिसं न्‍ह्यागु फ्‍वंसां छिमित बी।

यूहन्‍ना 5:38

वय्‌कलं छ्वया हःम्‍हय्‌सित छिमिसं विश्‍वास मयाःगुलिं वय्‌कःयागु वचन छिमिके थाइ मखु।

यूहन्‍ना 8:31

येशूं थःत विश्‍वास याःपिं यहूदीतय्‌त धयादिल – “जिं धया थें छिपिं च्‍वंसा छिपिं धात्‍थें जिम्‍ह चेला जुइ।

यूहन्‍ना 8:37

छिकपिं अब्राहामया सन्‍तान खः धकाः जिं स्‍यू। अय्‌नं जिं धयागु खँ छिकपिनिगु मनय् दुहां मवंगुलिं छिकपिन्‍सं जितः स्‍यायेत स्‍वःगु खः।

एफिसी 6:10

पौ क्‍वचाय्‌के न्‍ह्यः जिं छिमित धाये – प्रभुयात विश्‍वास यानाः छिपिं वय्‌कःयागु शक्तिं बल्‍लाना च्‍वँ।

फिलिप्‍पी 4:13

जितः शक्ति बियादीम्‍ह ख्रीष्‍टयापाखें जिं न्‍ह्यागुं याये फु।

कलस्‍सी 1:11

वय्‌कःयागु तसकं तःधंगु शक्तिं छिमित बल्‍लाकादीमा, अले छिमिसं न्‍ह्यागु खँय् लय्‌तातां सहयाना च्‍वने फयेमा धकाः जिमिसं प्रार्थना यानाच्‍वनागु दु।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

२ तिमोथी 2:1

अय्‌जूगुलिं जि यःम्‍ह काय्, ख्रीष्‍ट येशूं बियादीगु दया मायां बल्‍लाका च्‍वँ।

हिब्रू 8:10

जिं इस्राएलीतलिसे चीत्‍यनागु बाचा थुकथं खः – ‘जिं थःगु नियम इमिगु मनय् थ्‍यंक तयाबी, अले इमिगु नुगलय् नं च्‍वयाबी। अले जि इमि परमेश्‍वर जुइ व इपिं जिम्‍ह मनूत जुइ।’

१ यूहन्‍ना 1:1

न्‍हापांनिसें जीवन बीगु वचन दु। थ्‍व हे वचनया बारे जिमिसं च्‍वयाच्‍वनागु दु। थ्‍व हे वचन जिमिसं न्‍यनागु नं दु। जिमिगु हे मिखां खनागु नं दु, बांलाक स्‍वयागु नं दु, ल्‍हातं थियागु नं दु।

१ यूहन्‍ना 1:10

“झीसं गुबलें हे पाप मयाना” धकाः धाल धाःसा झीसं परमेश्‍वरयात फताहा याःगु जुइ। अले वय्‌कःयागु वचन झीके दइ मखु।

१ यूहन्‍ना 2:13

जिं बौपिन्‍त नं थ्‍व खँ च्‍वयाच्‍वनागु खः, छाय्‌धाःसा छिमिसं न्‍हापांनिसें दीम्‍ह ख्रीष्‍टयात बांलाक म्‍हस्‍यू। शैतानयात त्‍याके धुंकूपिं ल्‍याय्‌म्‍ह व ल्‍यासेपिन्‍त नं जिं थ्‍व खँ च्‍वयाच्‍वना।

२ यूहन्‍ना 1:2

थ्‍व सत्‍य झीगु नुगलय् न्‍ह्याबलें दयाच्‍वनी।

३ यूहन्‍ना 1:3

सत्‍ययात विश्‍वास याःथें छ सत्‍ययागु लँपुइ वनाच्‍वंगु दु धकाः आम्‍कनं वःपिं विश्‍वासीतय्‌सं कंबलय् जितः तसकं लय्‌ता वल।

प्रकाश 2:3

जिगु नांयागु निंतिं छिमिसं सकतां सह याये फक्‍व स्‍वयाः नं अप्‍वः सह यानाच्‍वंगु अझ हे नं त्‍यानु मचासे सह यानाच्‍वंगु नं जिं स्‍यू।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।