१ यूहन्‍ना 2:12 - नेवाः बाइबल

¹² अय् जि यःपिं मस्‍त, ख्रीष्‍टयागु नामं यानाः छिमिसं याःगु फुक्‍क पाप परमेश्‍वरं क्षमा यानादिल।

१ यूहन्‍ना 2:12 ပူးပေါင်းရင်းမြစ်များ

भजनसंग्रहया सफू 106:8

अय्‌नं वय्‌कलं थःम्‍हं बचं बियादीगु थें थःगु तःधंगु शक्ति क्‍यनेत इमित बचय् यानादिल।

भजनसंग्रहया सफू 25:11

हे परमप्रभु! थःगु नांयात तःधंकेत जिगु पाप न्‍ह्याक्‍व हे तःधंसां क्षमा यानादिसँ।

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

लूका 24:47

अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।

लूका 5:20

अले वय्‌कलं इमिगु विश्‍वास खनाः म्‍हमफुम्‍हय्‌सित थथे धयादिल – “छं यानादीगु पाप क्षमा जुल।”

प्रेरित 10:43

न्‍हापायापिं अगमवक्तातय्‌सं नं येशूयात विश्‍वास याःपिं मनूतय्‌गु पाप वय्‌कःयागु नामं जक क्षमा जुइफु धकाः धयावंगु दु।”

प्रेरित 13:38

“अय्‌जूगुलिं दाजुकिजापिं, छिकपिन्‍सं थ्‍व खँ थुइकादिसँ। थ्‍व हे मनूयागु नामं छिमिगु पाप क्षमा जुइ धकाः जिमिसं धयाच्‍वनागु खः।

प्रेरित 4:12

“अय्‌जूगुलिं येशूयागु नामं जक मुक्ति दइ, मेपिनिगु नामं मुक्ति दइ मखु। सारा संसारय् झीत बचय् याये फुम्‍ह मेम्‍हय्‌सिगु नां परमेश्‍वरं बियादीगु मदु।”

१ कोरिन्‍थी 6:11

छिपिं मध्‍ये नं गुम्‍हं गुम्‍हं न्‍हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्‍वरयात देछाये धुंकूपिं मनूत खः। झी परमेश्‍वरया आत्‍मां प्रभु येशू ख्रीष्‍टयागु नामं छिमित परमेश्‍वर नाप मिलय् यानादीगु दु।

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

एफिसी 4:32

गथे ख्रीष्‍टयात विश्‍वास याःगुलिं परमेश्‍वरं छिमित क्षमा यानादिल, अथे हे छिमिसं नं थःथवय् क्षमा बीगु यानाः दया माया याना च्‍वँ।

कलस्‍सी 1:14

वय्‌कःया काय्‌नं हे झीत पाप क्षमा यानाः छुत्‍कारा बियादिल।

१ यूहन्‍ना 1:4

थथे जिमिसं छिमित च्‍वयाः कयाच्‍वने दुगुलिं जिपिं तसकं लय्‌ताः।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

१ यूहन्‍ना 1:9

अय्‌नं झीसं थःगु पाप मानय् यात धाःसा परमेश्‍वरं झीगु पाप क्षमा यानादी, अले झीगु मनय् च्‍वंगु फुक्‍क पाप नं च्‍वत्तुक हुयादी, छाय्‌धाःसा वय्‌कः भरोसा याये बहःम्‍ह व धर्मीम्‍ह खः।

१ यूहन्‍ना 2:1

अय् जि यःपिं मस्‍त, छिपिं ला जिम्‍ह मस्‍त थें खः। छिमिसं पाप याये मते धकाः थ्‍व खँ जिं च्‍वयाच्‍वनागु खः। छुं जुयाः छिमिसं पाप याये लात धाःसा निराश जुइ मते, छाय्‌धाःसा झीत ग्‍वाहालि याइम्‍ह येशू ख्रीष्‍टं बाःया न्‍ह्यःने झीगु निंतिं बिन्‍ति यानादी।

१ यूहन्‍ना 2:21

छिमिसं सत्‍ययात मस्‍यू धकाः जिं थ्‍व च्‍वयाच्‍वनागु मखु। सत्‍ययात स्‍यूगुलिं हे जिं थ्‍व च्‍वयाच्‍वनागु खः, छाय्‌धाःसा सत्‍यपाखें मखुगु खँ पिहां वइ मखु धकाः छिमिसं सि हे स्‍यू।

१ यूहन्‍ना 2:7

यःपिं दाजुकिजापिं, जिं छिमित च्‍वयाच्‍वनागु थ्‍व आज्ञा न्‍हूगु मखु, पुलांगु हे खः। थ्‍व आज्ञा परमेश्‍वरयात विश्‍वास याःबलय् निसें छिमित न्‍यंकूगु खः, आः नं न्‍यनाच्‍वंगु हे दु।