१ यूहन्‍ना 2:11 - नेवाः बाइबल

¹¹ अय्‌नं दाजुकिजापिन्‍त हेला यानाजुइम्‍ह मनू खिउँथाय् लाइ। अले खिउँथाय् हे जुइ। वं थः गन वनाच्‍वना धकाः सी मखु, छाय्‌धाःसा वयागु मिखा खिउँगुलिं कां जुइ।

१ यूहन्‍ना 2:11 ပူးပေါင်းရင်းမြစ်များ

२ शमूएल 13:22

अब्‍शालोमं अमनोनयात भिं व मभिं छुं मधाल। थः केहेँ तामारयात बेइज्‍जत याःगुलिं अब्‍शालोमं अमनोनयात तसकं मय्‌कल।

हितोपदेश 4:19

दुष्‍टतय्‌गु लँ तसकं खिउँगु थें खः, इमिसं थःपिं छुकिं यानाः दल धयागु तकं सी मखु।

उपदेशक 2:14

बुद्धि दुम्‍ह मनूया मिखा वया छेनय् दइ, तर मूर्खम्‍ह धाःसा खिउँथाय् जुइ। तर जिं खनागु दु थुपिं निम्‍हय्‌सित नं छगू हे दशा वइतिनि।

लेवी 19:17

“‘छिमिसं थः जातियापिं दाजुकिजापिन्‍त दुनुगलंनिसें मयय्‌के मते। छिमि जःलाखःलापिन्‍त ब्‍वःब्‍यु। मखुसा छ नं वं याःगु पापया दोषी जुइ।

यूहन्‍ना 12:35

वय्‌कलं इमित धयादिल – “छिकपिन्‍थाय् आः छुं ई तक जक जः खयाच्‍वनी, जः दतले छिकपिं सना जु, मखुसा छिकपिन्‍त खिउँगुलिं त्‍वपुइ। खिउँथाय् जुइपिन्‍सं थः गन वनाच्‍वना धयागु तकं सी मखु।

यूहन्‍ना 12:40

“परमेश्‍वरं इमिगु मिखा कां यानाः नुगः छाय्‌का बिल। थथे जूगुलिं इमिसं मिखां खनी मखु, अले मनं थुइके फइ मखु, अले लाय्‌केत जिथाय् लिफः स्‍वयाः वइ मखु।”

२ कोरिन्‍थी 3:14

अबलय् इस्राएलीतय्‌गु नुगः छाः। थौं तक नं इमिसं व्‍यवस्‍था ब्‍वनीबलय् थुइके मफुनि, इमिगु नुगःयात जालिं भुनातः नि। अले इमिसं छुं हे थुइके फइ मखु। ख्रीष्‍टयात विश्‍वास याये धुंकाः थ्‍व जालि चिलावनी।

२ कोरिन्‍थी 4:4

थ्‍व संसारया द्यवं विश्‍वास मयाःपिनिगु मनयात छुं हे थुइके मफय्‌क कां यानातःगु दु। अथे जूगुलिं इमिसं भिंगु खँ थुइके फइ मखु। अले ख्रीष्‍टया महिमा गुलि तःधं व वय्‌कः हे झःझः धाःम्‍ह परमेश्‍वरयागु रूप खः धकाः इमिसं सी मखु।

तीतस 3:3

झीपिं नं छकः ला छुं मस्‍यूपिं, अतेरिपिं, लँ द्वंका च्‍वनापिं, मभिंगु मतिइ तया जुइपिं, मोजमज्‍जा जक याइपिं, नुगः मुइका जुइपिं व थःथवय् मयय्‌का जुइपिं जुइ धुन।

२ पत्रुस 1:9

थथे मयाइपिं मनूत ला मिखा कांपिं हे धाःसां छुं पाइ मखु। इमिसं थःगु पुलांगु पाप सिलाछ्वये धुंकल धयागु नं ल्‍वःमंके धुंकी।

१ यूहन्‍ना 1:6

झी वय्‌कःयागु संगतिइ दु धयाः खिउँगुलिइ तुं च्‍वनाच्‍वन धाःसा झीपिं ज्‍याखँ निताय् नं फताहा जुइ।

१ यूहन्‍ना 2:10

दाजुकिजापिन्‍त माया यानाजुइम्‍ह मनूयागु नुगः ख्रीष्‍टं यचुकादीगु दु धकाः सी दु, उकिं वयागु नुगलय् हाकु धयागु हे दये फइ मखु। अय्‌जूगुलिं वं सुयातं पाप याकी मखु।

१ यूहन्‍ना 2:9

ख्रीष्‍टं जिगु नुगः यचुक सिलादीगु दु धकाः धया जुइम्‍ह मनुखं दाजुकिजापिन्‍त हेला यानाच्‍वन धाःसा आः तक नं वयागु नुगः हाकुसे हे च्‍वं नि।

१ यूहन्‍ना 3:15

दाजुकिजापिन्‍त हेला याइम्‍ह मनू ज्‍यानमारा खः। अले ज्‍यानमारायाके अनन्‍त जीवन दइ मखु।

१ यूहन्‍ना 4:20

वय्‌कःयात जिं माया यानागु दु धकाः धया जुइम्‍ह मनुखं दाजुकिजापिन्‍त हेला याना जूसा थज्‍याःम्‍ह मनू फताहा खः धकाः सीकि। मिखां खंपिं थः दाजुकिजापिन्‍त माया मयाइम्‍ह मनुखं मिखां मखंम्‍ह परमेश्‍वरयात माया याये फइ मखु।

प्रकाश 3:17

छिमिसं धाःसा ‘जि तःमिम्‍ह खः, जिके माक्‍वं सम्‍पत्ति दु, उकिं जितः छुं नं माःगु मदु’ धकाः धया जुयां छु याये? तर छिपिं तसकं हे दुःख ताया च्‍वंपिं, माया वनापुसे च्‍वंपिं, चीमिपिं, कांपिं, अले पचिनांगापिं धकाः छिमिके होश मदुनि।