१ यूहन्‍ना 1:7 - नेवाः बाइबल

⁷ वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

१ यूहन्‍ना 1:7 ပူးပေါင်းရင်းမြစ်များ

भजनसंग्रहया सफू 104:2

छिं थःत जलं त्‍वपुयादीगु दु। अले आकाशयात पाल थें चक्‍कंकादीगु दु।

भजनसंग्रहया सफू 51:2

जिगु फुक्‍क अधर्मयात सिलादिसँ, अले जिगु पापं जितः शुद्ध यानादिसँ।

भजनसंग्रहया सफू 56:13

छाय्‌धाःसा छिं जितः मृत्‍युपाखें बचय्‌ यानादीगु दु। छिं जितः लुफिं हानाः दय्‌केबिया मदी। उकिं जि छिगु न्‍ह्यःने जीवन बीगु जलय् जुइफुगु दु।

भजनसंग्रहया सफू 89:15

हे परमप्रभु, धन्‍य खः भजन हालाः छिगु आराधना याइपिं, व छिगु दयाया जलय् म्‍वानाच्‍वनिपिं मनूत।

भजनसंग्रहया सफू 97:11

धर्मीतय्‌गु निंतिं जः ह्वलातःगु दु, अले भिंपिं मनूतय्‌गु निंतिं लसता।

यशैया 2:5

अय् याकूबया सन्‍तानत, वा, झीपिं परमप्रभुया जःलय् न्‍यासि वनेनु।

यशैया 33:24

सियोनय् च्‍वनीपिं सुनानं “जि म्‍हंमफु” धकाः धाइ मखु अले अन च्‍वनीपिं मनूतय्‌गु पाप क्षमा याइ।

यशैया 6:7

अले वं जिगु म्‍हुतुइ व हेंग्‍वामिं थीकाः थथे धाल, “स्‍व, थुकिं छंगु म्‍हुतुइ थ्‍यूगु दु। आः छंगु दोष हुयाछ्वये धुंकल अले छंगु पाप क्षमा जुल।”

आमोस 3:3

छु निम्‍ह मनू खँ मिलय् मजुइकं निम्‍हं नापनापं जुइ ला?

जकरिया 13:1

“उखुन्‍हु दाऊदया घराना व यरूशलेमया मनूतय्‌गु पाप व दोष चीकाछ्वयेत लःयागु छगू मुहान न्‍ह्याइ।

मत्ती 6:12

अले जिमिगु अपराध क्षमा यानादिसँ, गथे जिमिसं नं जिमि अपराधीतय्‌त क्षमा यानाबियागु दु।

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

यूहन्‍ना 12:35

वय्‌कलं इमित धयादिल – “छिकपिन्‍थाय् आः छुं ई तक जक जः खयाच्‍वनी, जः दतले छिकपिं सना जु, मखुसा छिकपिन्‍त खिउँगुलिं त्‍वपुइ। खिउँथाय् जुइपिन्‍सं थः गन वनाच्‍वना धयागु तकं सी मखु।

यूहन्‍ना 5:4

इपिं अन गुबलय् लः सनी धकाः स्‍वयेत पियाच्‍वनीगु खः। छाय्‌धाःसा परमप्रभुया छम्‍ह दूत बरोबर वयाः पुखूया लः संकाबीगु जुयाच्‍वन। थथे लः संकूबलय् लाक्‍क दकलय् न्‍हापां पुखुलिइ कुहां वनीम्‍ह मनूयागु न्‍ह्याथें ज्‍याःगु ल्‍वय् नं लायावनिगु जुयाच्‍वन।

रोमी 13:12

चा फुइन, आः न्‍हि वइन। उकिं खिउँबलय् यायेगु ज्‍या त्‍वःताः जःयागु ल्‍वाभः ज्‍वनाः तयार जु।

१ कोरिन्‍थी 6:11

छिपिं मध्‍ये नं गुम्‍हं गुम्‍हं न्‍हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्‍वरयात देछाये धुंकूपिं मनूत खः। झी परमेश्‍वरया आत्‍मां प्रभु येशू ख्रीष्‍टयागु नामं छिमित परमेश्‍वर नाप मिलय् यानादीगु दु।

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

एफिसी 5:8

न्‍हापा ला छिपिं नं खिउँथाय् जुयाच्‍वंपिं खः। आः छिपिं प्रभुया जलय् वये धुंकल। उकिं छिमिगु ज्‍याखँ नं थुकथं हे जुइमाः।

१ तिमोथी 6:16

वय्‌कः न्‍ह्याबलें दयाच्‍वनीम्‍ह, सुं हे वने फइ मखुगु जलय् च्‍वनीम्‍ह खः। वय्‌कःयात आः तक सुनानं खंगु मदुनि, अले खनी नं मखु। सदां दयाच्‍वनीगु शक्ति वय्‌कःयाके हे दयाच्‍वनेमा, अले वय्‌कः न्‍ह्याबलें तःधनेमा। आमेन।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

याकूब 1:17

फुक्‍क भिंगु भिंगु व सिद्धगु वरदान च्‍वं, आकाशय् च्‍वंगु फुक्‍क जः सृष्‍टि यानादीम्‍ह परमेश्‍वरपाखें वःगु खः। परमेश्‍वर गुबलें हिली मखु, वय्‌कः हिलिगु किचः थें नं मखु।

१ पत्रुस 1:19

बरु छुं हे खू मदुम्‍ह चीधिकःम्‍ह भ्‍याःचा जुयादीम्‍ह ख्रीष्‍टयागु तसकं मू वंगु हिं न्‍यानादीगु खः।

१ यूहन्‍ना 1:3

जिमिसं न्‍यनागु व खनागु फुक्‍कं न्‍यंकागु दु। जिमिगु संगति बाः नाप व परमेश्‍वरया काय् येशू ख्रीष्‍टनाप दुगुलिं छिमिसं नं जिपिं नाप संगति याये फयेमा धकाः थथे धयाच्‍वनागु खः।

१ यूहन्‍ना 1:5

परमेश्‍वरया काय्‌नं बियादीगु शिक्षा हे जिमिसं छिमित बियाच्‍वना। परमेश्‍वर जः खः। वय्‌कःयाके खिउँ हे मदु।

१ यूहन्‍ना 5:6

येशू ख्रीष्‍ट थ्‍व संसारय् झायादीगु निता दसि दु – लः व हि। मनू थें जुयाः बप्‍तिस्‍मा कयादीगु दसि खः – लः, अले हानं मनूतय्‌गु पाप क्षमा यायेत येशूं सिनाः थःगु हि हाय्‌कादीगु दसि खः – हि। सत्‍यम्‍ह पवित्र आत्‍मां नं थ्‍व हे खँ साक्षी बियादिल।

२ यूहन्‍ना 1:4

झी बाःनं धयादी थें आम्‍कन मण्‍डलीइ च्‍वंपिं गुलिं गुलिं मस्‍तय्‌सं सत्‍ययात मानय् यानाच्‍वंगु सियाः जि तसकं हे लय्‌तायाच्‍वनागु दु।

३ यूहन्‍ना 1:4

थः सन्‍तान सत्‍ययागु लँपुइ वनाच्‍वंगु दु धकाः न्‍यनेगुति लय्‌ताः मेगु छु दइ?

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।