१ यूहन्‍ना 1:6 - नेवाः बाइबल

⁶ झी वय्‌कःयागु संगतिइ दु धयाः खिउँगुलिइ तुं च्‍वनाच्‍वन धाःसा झीपिं ज्‍याखँ निताय् नं फताहा जुइ।

१ यूहन्‍ना 1:6 ပူးပေါင်းရင်းမြစ်များ

भजनसंग्रहया सफू 82:5

“इमिसं छुं नं मथू, इमिसं छुं नं मस्‍यू, तर खिउँगुलिइ थुखे उखे जुयाच्‍वनी, पृथ्‍वीया फुक्‍क जग संगु दु।

भजनसंग्रहया सफू 94:20

छु दुष्‍ट शासकत छिनापं मिलय् जुइ फइ ला? इमिसं थःगु कानूनयात छ्यलाः स्‍यंकेगु ग्‍वसाः ग्‍वइगु।

मत्ती 7:22

न्‍याय याइखुन्‍हु यक्‍वसिनं जितः थथे धाइ – ‘प्रभु, प्रभु, छिगु नामं जिमिसं अगमवाणी कना मवया ला? छिगु हे नामं भूत दुबिना च्‍वंपिं मनूतय्‌त लाय्‌का मवया ला? अले छिगु हे नामं यक्‍व हे अजू चायापुगु ज्‍या मयाना ला?’

यूहन्‍ना 11:10

तर जः मदुगुलिं यानाः चान्‍हय् जुइपिन्‍त लुफिं हाइ।”

यूहन्‍ना 12:35

वय्‌कलं इमित धयादिल – “छिकपिन्‍थाय् आः छुं ई तक जक जः खयाच्‍वनी, जः दतले छिकपिं सना जु, मखुसा छिकपिन्‍त खिउँगुलिं त्‍वपुइ। खिउँथाय् जुइपिन्‍सं थः गन वनाच्‍वना धयागु तकं सी मखु।

यूहन्‍ना 12:46

संसारय् जि जः जुया वयाम्‍ह खः, उकिं जितः विश्‍वास याःपिं मनूत खिउँथाय् जुइ माली मखु।

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

यूहन्‍ना 8:55

वय्‌कःयात छिकपिन्‍सं म्‍हमस्‍यूनि, जिं धाःसा म्‍हस्‍यू। जिं वय्‌कःयात म्‍हमस्‍यू धकाः धाल धाःसा जि नं छिकपिं थें तुं मखुगु खँ ल्‍हाइम्‍ह जुइ। जिं वय्‌कःयात म्‍हस्‍यूगुलिं वय्‌कःयागु वचन मानय् यानाच्‍वना।

१ तिमोथी 4:2

धर्मयागु ख्‍वाःपालं पुयाः मखुगु खँ ल्‍हाना जुइपिन्‍सं थथे याना जुइ। थुमिगु मतिइ मिइ छुयातःगु नँयागु नालुं पुकातये धुंकल।

याकूब 2:14

यःपिं दाजुकिजापिं, ख्रीष्‍टयात विश्‍वास यानाच्‍वनागु दु धकाः धया जुइम्‍ह मनुखं ज्‍या याना मक्‍यंसा, वं विश्‍वास याना जूगु छु ज्‍यालगय् जुल? थज्‍याःगु विश्‍वासं वयागु उद्धार जुइ फइ ला?

याकूब 2:16

“परमेश्‍वरं छिमित आशिष बियादीमा, अले बांलाक नया तिया जु” धकाः जक धयाः छिमिसं इमित माःगु नसा वसः बिया मछ्वल धाःसा छिमिगु विश्‍वास छु ज्‍यालगय् जुल?

याकूब 2:18

सुनानं थथे धायेफु – “छंके विश्‍वास दु, जिके ज्‍या दु।” छं छुं हे मयासें विश्‍वास याना धकाः जितः क्‍यनेफु ला? तर जिं ज्‍यां हे जिगु विश्‍वास क्‍यने।

१ यूहन्‍ना 1:10

“झीसं गुबलें हे पाप मयाना” धकाः धाल धाःसा झीसं परमेश्‍वरयात फताहा याःगु जुइ। अले वय्‌कःयागु वचन झीके दइ मखु।

१ यूहन्‍ना 1:3

जिमिसं न्‍यनागु व खनागु फुक्‍कं न्‍यंकागु दु। जिमिगु संगति बाः नाप व परमेश्‍वरया काय् येशू ख्रीष्‍टनाप दुगुलिं छिमिसं नं जिपिं नाप संगति याये फयेमा धकाः थथे धयाच्‍वनागु खः।

१ यूहन्‍ना 1:8

झीसं “झीके पाप मदु” धकाः धाःसा झीसं थःपिन्‍त हे ध्‍वखा ब्‍यूगु जुइ, अले सत्‍ययात मानय् मयाःगु जुइ।

१ यूहन्‍ना 2:4

परमेश्‍वरयात बांलाक म्‍हस्‍यू धकाः धयाः वय्‌कःयागु आज्ञा मानय् याना मजूम्‍ह मनू फताहा खः। वयाके सत्‍य धयागु हे दइ मखु।

१ यूहन्‍ना 4:20

वय्‌कःयात जिं माया यानागु दु धकाः धया जुइम्‍ह मनुखं दाजुकिजापिन्‍त हेला याना जूसा थज्‍याःम्‍ह मनू फताहा खः धकाः सीकि। मिखां खंपिं थः दाजुकिजापिन्‍त माया मयाइम्‍ह मनुखं मिखां मखंम्‍ह परमेश्‍वरयात माया याये फइ मखु।