१ कोरिन्‍थी 9:7 - नेवाः बाइबल

⁷ सुं सिपाइँनं थःम्‍हं हे खर्च यानाः ज्‍या याइ ला? दाखमा प्‍यूम्‍हय्‌सिनं दाख नये मदइ ला? फैजवालं थःम्‍हं लहिनातःपिं फैतय्‌गु दुरु त्‍वने मदइ ला?

१ कोरिन्‍थी 9:7 ပူးပေါင်းရင်းမြစ်များ

हितोपदेश 27:18

सिमायागु सुसाःकुसाः याइम्‍हय्‌सिनं उकियागु फल नं नयेखनी। थः मालिकयात बिचाः याइम्‍हय्‌सित सकसिनं च्‍वछाइ।

हितोपदेश 27:27

च्‍वलय्‌चिया दुरु छन्‍त, छं छेँजःपिन्‍त व छं च्‍यःभ्‍वातिंयात तकं त्‍वनेत दइ।

श्रेष्‍ठगीत 8:12

तर जिगु थःगु हे दाखक्‍यब मेपिन्‍त बीगु अधिकार जिगु हे खः। हे सोलोमन, व १,००० शेकेल छिगु हे निंतिं खः, अले २०० शेकेल उपिं फलफुल सय्‌कीपिनीगु निंतिं नं खः।

यशैया 7:22

थथे इपिंपाखें यक्‍व दुरु व धौ दइ। उकिं देशय् त्‍वःताथकुपिं उपिं कम मनूतय्‌सं धौ व कस्‍ति नयेखनी।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

व्‍यवस्‍था 18:8

वयाके थः छेँजःया सम्‍पत्ति मियाः वःगु ध्‍यबा दुसां वयात बलि ब्‍यूगु व देछाःगुपाखें बराबर भाग दइ।

व्‍यवस्‍था 20:6

क्‍यबय् दाख पिनाः आः तक दाख नये मखंम्‍ह सुं दुसा व मनू छेँय् लिहां वनेमा। व लडाइँलय् सित धाःसा मेम्‍हय्‌सिनं फल नइ।

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

१ तिमोथी 6:12

विश्‍वासयागु लँपुइ न्‍ह्यज्‍याना तुं च्‍वँ। अले अनन्‍त जीवन काय्‌त स्‍व। थुकियागु निम्‍ति हे परमेश्‍वरं छन्‍त सःतादीगु खः, अले थुकियागु निम्‍ति हे छं यक्‍व मनूतय्‌त थःगु विश्‍वासयागु साक्षी ब्‍यूगु खः।

२ तिमोथी 4:7

जिं यायेमाःगु बांलाक याये धुन। जिं ब्‍वाँय् वने गाके धुन। अथेसां जिं जिगु विश्‍वासयात बल्‍लाक तया तयागु दु।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।