१ कोरिन्‍थी 9:6 - नेवाः बाइबल

⁶ बारनाबासं व जिं जक ज्‍या यानाः नया जुइमाः धयागु दु ला?

१ कोरिन्‍थी 9:6 ပူးပေါင်းရင်းမြစ်များ

१ थेसलोनिकी 2:9

दाजुकिजापिं, जिमिसं यक्‍व दुःखकष्‍ट सियाः ज्‍या यानागु ला छिमि लुमं हे जुइ। भिंगु खँ न्‍यंकः वयाबलय् जिमिसं छिपिं सुयातं थाकु मजुइमा धकाः चान्‍हि मद्यंसे ज्‍या याना।

प्रेरित 18:3

व नं इपिं नाप हे च्‍वन, छाय्‌धाःसा व नं इपिं थें पाल दय्‌कीगु ज्‍या याइम्‍ह खः।

प्रेरित 4:36

थथे हे योसेफं नं थःगु जग्‍गा मियाः वःगु धिबा प्रेरिततय्‌त बिल। व साइप्रस धाःथाय् बूम्‍ह छम्‍ह लेवी खः। वयात प्रेरिततय्‌सं बारनाबास धकाः नां तःगु खः। थुकिया अर्थ “सकसितं साहस बी फुम्‍ह” खः।

प्रेरित 14:12

पावल न्‍ह्यलुवाः नवाःम्‍ह जूगुलिं इमिसं वयात हर्मेस द्यः अले बारनाबासयात जिउस द्यः धकाः नां तल।

प्रेरित 11:22

थथे अन नं विश्‍वासीत दत धयागु खँ यरूशलेमया मण्‍डलीयापिन्‍सं सियाः बारनाबासयात एन्‍टिओखियाय् छ्वयाहल।

प्रेरित 13:50

अय्‌नं यहूदीतय्‌सं नांजाःपिं धर्मीपिं मिसातय्‌त व शहरय् च्‍वंपिं नायःतय्‌त ग्‍वाकाः पावल व बारनाबासयात ख्‍यानाः इमिगु इलाकां पितिनाछ्वल।

१ कोरिन्‍थी 11:16

थ्‍व खँय् सुं मनुखं जवाःसवाः याः वःसा वयात जिं थुलि हे जक धाये – थ्‍व बाहेक जिमिगु मेगु थितिकुति मदु। अले मण्‍डलीइ मेगु थितिकुति नं मदु।

२ कोरिन्‍थी 11:8

जि छिमिथाय् ज्‍या यानाच्‍वनाबलय् मेथाय् च्‍वंगु मण्‍डलीपाखें धिबा कयाः छिमिगु सेवा यानाः इमित लुतय् याना थें जक जुल।

२ राजा 6:2

जिपिं यर्दन खुसिइ सिँ काःवने ला? जिमिसं च्‍वनेत छखा छेँय् दय्‌के।” एलीशां लिसः बिल, “ज्‍यू, हुँ।”

नहेम्‍याह 10:36

“जिमिगु परिवारय् न्‍हापां बूम्‍ह काय् परमेश्‍वरया व्‍यवस्‍थाय् क्‍वःछिनातःथें परमप्रभु जिमि परमेश्‍वरया देगलय्, अन सेवा याइपिं पुजाहारीतय्‌थाय् छाये हये। थुकथं हे सा द्वहंया न्‍हापाम्‍ह मचा व फैच्‍वलय्‌चा न्‍हापांम्‍ह मचा जिमिसं छाये।