१ कोरिन्‍थी 9:5 - नेवाः बाइबल

⁵ मेपिं प्रेरिततय्‌सं याना जू थें जिं जक याना जुइ मदु ला? प्रभुया किजापिन्‍सं व केफासं याना जू थें जि जक थः कलाः ज्‍वनाः चाःहुला जुइ मदु ला?

१ कोरिन्‍थी 9:5 ပူးပေါင်းရင်းမြစ်များ

श्रेष्‍ठगीत 4:12

हे जिमि तसकं यःम्‍ह मय्‌जु, जिमि भम्‍चा, छ बार तयातःगु बगैँचा थें, त्‍वःपुया तःगु बुँगाःचा थें, सुं मनूयागु निजी फोहोरा थें खः।

मत्ती 13:55

थ्‍व सिँकःमिया काय् मखु ला? मरियम थ्‍वया मां मखु ला? याकूब, योसेफ, सिमोन व यहूदापिं थ्‍वया किजापिं मखु ला?

मत्ती 8:14

छन्‍हु येशू पत्रुसयागु छेँय् झाल। उबलय् पत्रुसया ससःमां तसकं ज्‍वर वय्‌काः लासाय् ग्‍वारातुलाच्‍वन।

मर्कूस 1:30

सिमोनया ससःमां ज्‍वरं म्‍हंमफय्‌का च्‍वन। इमिसं थ्‍व खँ वय्‌कःयात धाल।

मर्कूस 6:3

थ्‍व सिँकःमि, मखु ला? थ्‍वया मां मरियम, थ्‍वया किजापिं याकूब, योसेफ, यहूदा व सिमोन, मखु ला? थ्‍वया केहेँपिं नं थन हे दु, मखु ला?” अथे जुया इमिसं वय्‌कःयात पत्‍याः मयात।

लूका 6:15

मत्ती व थोमा, अल्‍फयसया काय् याकूब, क्रान्‍तिइ सने धुंकूम्‍ह सिमोन,

लूका 8:20

छम्‍हय्‌सिनं वनाः वय्‌कःयात धाल – “छितः नापलायेत छिकपिनि मां व किजापिं वयाच्‍वंगु दु। इपिं पिने पियाच्‍वंगु दु।”

यूहन्‍ना 1:42

वं वयात येशूयाथाय् ब्‍वना हल। वय्‌कलं वयात स्‍वयाः धयादिल – “छ ला योआनेसया काय् सिमोन खः। आवंनिसें छन्‍त केफास धाइ।” केफास व पत्रुसया अर्थ “ल्‍वहं” खः।

यूहन्‍ना 2:12

अनं लिपा वय्‌कः थः मां, किजापिं व चेलात नाप कफर्नहुमय् झायाः अन हे छुं न्‍हि च्‍वनादिल।

प्रेरित 1:14

इपिं फुक्‍कं छगू हे मनयापिं जुयाः मेमेपिं मिसात, येशूया मां मरियम व वय्‌कःया किजापिं नाप प्रार्थना यानाच्‍वनीगु खः।

रोमी 16:1

किंक्रियाय् च्‍वंगु मण्‍डलीइ सेवा याइम्‍ह फिबी झी केहेँ खः।

१ कोरिन्‍थी 1:12

जिं न्‍यनागु खँ छु धाःसा छिपिं गुम्‍हय्‌सिनं – “जि पावलयाम्‍ह” धाइगु हं, गुम्‍हय्‌सिनं “अपोल्‍लोसयाम्‍ह,” गुम्‍हय्‌सिनं “केफासयाम्‍ह,” गुम्‍हय्‌सिनं “ख्रीष्‍टयाम्‍ह” धकाः धाइगु हं।

१ कोरिन्‍थी 7:15

विश्‍वासी मखुम्‍ह कलाःम्‍हं विश्‍वासी भाःतयात, अथे हे विश्‍वासी मखुम्‍ह भाःतं विश्‍वासी कलाःयात त्‍वःते धाल धाःसा त्‍वःतके ब्‍यूसां ज्‍यू। परमेश्‍वरं झीत शान्‍ति बीत सःतादीगु खः।

१ कोरिन्‍थी 7:39

ब्‍याहा जुइ धुंकूम्‍ह मिसां थः भाःत दतले हानं ब्‍याहा याये मज्‍यू। भाःत सीधुंकाः धाःसा थःत यःम्‍ह मेम्‍ह मिजंनाप ब्‍याहा याःसां ज्‍यू। बरु विश्‍वासी नाप हे जक यायेमाः।

१ कोरिन्‍थी 7:7

जितः फुक्‍क मनूत जि थें ब्‍याहा मयासें च्‍वंसा यः। फुक्‍कसिनं परमेश्‍वरपाखें थीथी वरदान कयातःगु दु। छम्‍हय्‌सिके छता वरदान दःसा मेम्‍हय्‌सिके मेगु हे वरदान दु।

१ कोरिन्‍थी 7:8

आः जिं ब्‍याहा मयाःनिपिं मिजंतय्‌त व भाःत मदये धुंकूपिं मिसातय्‌त धयाच्‍वना – जि थें ब्‍याहा मयासें च्‍वने फुसा छिमित तसकं बांलाइ।

गलाती 1:19

अन जिं प्रभुया किजा याकूब बाहेक मेपिं सुं प्रेरिततय्‌त नाप मलाना।

१ तिमोथी 3:2

बिशप जुइम्‍ह मनू छुं हे दोष मदुम्‍ह, छम्‍ह हे जक मिसालिसे ब्‍याहा याःम्‍ह, थातं च्‍वने फुम्‍ह, थःत थःम्‍हं कःघाये फुम्‍ह, चालचलन बांलाःम्‍ह, पाहां वःपिन्‍त दुनुगलंनिसें दुकाइम्‍ह, बांलाक स्‍यनेकने याये फुम्‍ह,

१ तिमोथी 4:3

थुमिसं ब्‍याहा याये मज्‍यू, गुलिं गुलिं नसा नये मज्‍यू धकाः मनूतय्‌त स्‍यना जुइ। विश्‍वास याइपिं व सत्‍ययात थूपिन्‍सं सुभाय् बियाः न्‍ह्यागुं नये ज्‍यू, छाय्‌धाःसा थ्‍व फुक्‍कं परमेश्‍वरं हे दय्‌कादीगु खः।

१ तिमोथी 5:2

अथे हे थकालिपिं मिसातय्‌त मांपिन्‍त थें अले क्‍वकालिपिं मिसातय्‌त मनय् पाप मतसे केहेँपिन्‍त थें व्‍यवहार या।

तीतस 1:6

थकालि जुइम्‍ह मनू दोष मदुम्‍ह, छम्‍ह हे जक मिसालिसे ब्‍याहा याःम्‍ह जुइमाः, हानं वया मस्‍त नं विश्‍वासीत व यःयःथें सना मजुइपिं जुइमाः।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।