१ कोरिन्‍थी 8:1 - नेवाः बाइबल

¹ आः मूर्तियात छाःगु प्रसादयागु खँय्, “झीपिं फुक्‍कसिकें ज्ञान दु” धयागु खँ झीसं स्‍यू। ज्ञानं मनूतय्‌त तःधंछुकी, तर मायां फुक्‍कसिगु भिं याइ।

१ कोरिन्‍थी 8:1 ပူးပေါင်းရင်းမြစ်များ

यशैया 47:10

छं थःगु मभिंगु ज्‍याय् भलसा तःगु दु, अले ‘सुनां जितः खनी’ धकाः धाःगु दु। छंगु बुद्धिं व ज्ञा नं छन्‍त झंगःलाःगु दु। गुबलय् छं थथे धाइ, जि हे खः, ‘जि थें ज्‍याःम्‍ह सुं मदु।’

यशैया 5:21

धिक्‍कार इमित, सु थःगु हे मिखाय् बुद्धिमान तायेकी अले थःगु हे मिखाय् चलाख तायेकी।

गन्‍ती 25:2

इपिं मिस्‍तय्‌सं इमित थः द्यःतय्‌त बां बीगु नखःबलय् सःतल। मिजंतय्‌सं भ्‍वय् नयाः इमि द्यःतय्‌त पुजायात।

प्रेरित 15:10

अय्‌सा झीसं व झी तापाःबाज्‍यापिन्‍सं क्‍वबी मफुगु कुयात चेलातय्‌त क्‍वबिकाः छाय् परमेश्‍वरयागु मन स्‍वयेगु?

प्रेरित 15:29

अय्‌नं छिकपिन्‍सं मूर्ति पुजायागु प्रसाद नये मते, छुकियागुं हि त्‍वने मते, हि मम्‍हुकुसे स्‍याःगु ला नये मते, अले व्‍यभिचार याये मते। थुलि जक छिकपिन्‍सं होश यानाः मयात धाःसा गाः। छिकपिनिगु भिं जुइमा।”

प्रेरित 21:25

“यहूदीमखुपिं विश्‍वासीतय्‌त जक जिमिसं ‘मूर्तियात छाःगु प्रसाद नये मते, हि त्‍वने मते, हि मम्‍हुकुसे स्‍यानातःगु ला नये मते, व्‍यभिचार याये मते’ धकाः पौ च्‍वया छ्वयागु दु।”

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

रोमी 12:16

छिपिं फुक्‍कं मिलय् चले जुयाः च्‍वनेगु या। तःधंछु जुइ मते, थःत जक यःथें याना जुइ मते, बरु चिधंपिं नाप बुला जुइगु बानी त्‍वःते मते। गुबलें घमण्‍डी जुइ मते।

रोमी 14:10

अय्‌जूगुलिं छिपिं वाउँचा जक नइपिन्‍सं थः दाजुकिजापिन्‍त छाय् कुंखिनेगु? छिपिं न्‍ह्यागुं नइपिन्‍सं थः दाजुकिजापिन्‍त छाय् हेस्‍यानागु? न्‍यँ, न्‍याय यानादीबलय् झीपिं फुक्‍कं परमेश्‍वरया न्‍ह्यःने च्‍वने मानि।

रोमी 14:14

प्रभु येशूयात विश्‍वास यानागुलिं छुं नं नसा थः हे अशुद्ध धयागु मदु धकाः जिं बांलाक थुइकाः सीका तयागु दु। सुनानं थ्‍व अशुद्ध खः धकाः बिचाः याःसा वयात व अशुद्ध हे जुइ।

रोमी 14:19

उकिं छु याःसा शान्‍ति जुइ, अले फुक्‍क मिलय् जुयाः सकसिगुं भिं जुइगु खः, व जक यानाजुइगु स्‍वये माल।

रोमी 14:22

थ्‍व खँय् छिमिसं छु बिचाः यानाः परमेश्‍वर व छंगु दथुइ जक ति। थःम्‍हं भिं ताय्‌कूगु खँय् संका मयाइम्‍ह मनू हे धन्‍यम्‍ह खः।

रोमी 14:3

अथे न्‍ह्यागुं नइम्‍हय्‌सिनं मनइम्‍हय्‌सित क्‍वह्यंके मते, अथे हे मनइम्‍हय्‌सिनं नं नइम्‍हय्‌सित कुंखिने मते। छाय्‌धाःसा परमेश्‍वरं इमित थः मनू दय्‌कादीगु खः।

रोमी 15:14

यःपिं दाजुकिजापिं, छिपिं तसकं भिंपिं अले बुद्धिं जाःपिं जूगुलिं छम्‍हं मेम्‍हय्‌सित स्‍यनेकने याये फुगुलिं जि लुधं।

१ कोरिन्‍थी 1:5

ख्रीष्‍टयात विश्‍वास याःगुलिं छिपिं फुक्‍क खँय् तःमि जुल। छिमिके सकतां ज्ञान नं दत, अले बांलाक थुइकाः खँ नं ल्‍हाये सल।

१ कोरिन्‍थी 10:15

बुद्धि दुपिं मनूत भाःपियाः जिं छिमित धयाच्‍वनागु दु। जिं धयागु खँ छिमिसं जाँचय् याना स्‍व।

१ कोरिन्‍थी 10:28

नयेत्‍यय्‌काः सुनानं छिमित – “थ्‍व ला मूर्तियात छाःगु प्रसाद खः” धकाः धाल धाःसा व मनूयात संका जुइक छिमिसं नये मते।

१ कोरिन्‍थी 14:20

यःपिं दाजुकिजापिं, थुइकेगु सीकेगु खँय् छिपिं मस्‍त थें जुइ मते। मभिंगु खँय् धाःसा छिपिं मस्‍त थें जु। थुइकेगु व सीकेगु खँय् छिपिं तःधिपिं थें जु।

१ कोरिन्‍थी 15:34

भिंगु ज्‍याखँ यायेत न्‍ह्यलं चाय्‌कि, अले पाप यायेगु त्‍वःति। छिमित मछालापुकेत जिं थथे धयाच्‍वनागु खः, छाय्‌धाःसा छिपिं गुम्‍हं गुम्‍हय्‌सिनं परमेश्‍वरयात म्‍हसीके मफुनि।

१ कोरिन्‍थी 4:10

ख्रीष्‍टयागु निंतिं जिपिं मूर्खत थें जुइ धुन। ख्रीष्‍टयात विश्‍वास याःगुलिं छिपिं धाःसा बुद्धिमान थें जुइ धुन, मखु ला? जिपिं बमलाः, छिपिं बल्‍लाः। जिमित फुक्‍कसिनं क्‍वह्यंका तल, छिमित फुक्‍कसिनं तःधंका तल।

१ कोरिन्‍थी 4:18

जि आम्‍कन वइ मखुत धकाः छिपिं मध्‍ये गुम्‍हं गुम्‍हं तःधंछुया जूगु दु, हं।

१ कोरिन्‍थी 4:6

यःपिं दाजुकिजापिं, छिमिगु निंतिं जिं व अपोल्‍लोसं च्‍वय् धयागु खँ यानाः क्‍यनाबियागु दु। झीत बीगु आज्ञायात मानय् यायेमाः धकाः छिमित स्‍यनेत हे जिमिसं थथे यानाः क्‍यनागु खः। छिपिं मध्‍ये सुं नं तःधंछुइ मते, अले हानं मेपिन्‍त हेला याये नं मते।

१ कोरिन्‍थी 5:2

थथे जुइकाः नं छिमिसं छु ख्‍वालं तःधंछुया च्‍वना? छिमिसं दुःख ताये माःगु खः। थथे पाप यानाच्‍वंम्‍हय्‌सित छिमिगु पुचलं पितिना छ्वयेमाःगु खः।

१ कोरिन्‍थी 5:6

छिमिसं थज्‍याःगु खँय् तःधंछुया जुइगु बांलाःगु खँ मखु। न्‍हायातःगु छ्वचुंलय् सोडा भचा जक ल्‍वाकछ्याःसां फ्‍वंगाया वइ धकाः छिमिसं मस्‍यू ला?

१ कोरिन्‍थी 8:2

जिं “छुं स्‍यू” धकाः धया जुइम्‍ह मनुखं गुलि वं सीके माःगु खः उलि सी मखु।

१ कोरिन्‍थी 8:4

अय्‌जूगुलिं मूर्तियात छाःगु प्रसाद नये ज्‍यू ला कि मज्‍यू धयागु खँय् झीसं स्‍यू – “मूर्ति धयागु ला छुं नं मखु” कःमितय्‌सं दय्‌कातःगु जक खः। “परमेश्‍वर ला छम्‍ह हे जक दु” धकाः नं झीसं स्‍यू।

१ कोरिन्‍थी 8:7

अथेसां फुक्‍क मनूतय्‌के थ्‍व ज्ञान मदु। अय्‌जूगुलिं गुलिखय् मनूतय्‌सं मूर्तियात मानय् यानाच्‍वंगु दु। इमिसं आः तक मूर्तियात छाःगु प्रसाद नइबलय् मूर्तियागु हे नसा नयाच्‍वना धकाः मतिइ तइ। अले इमिगु मन बमलाःगुलिं अशुद्ध जुइ।

एफिसी 4:16

वय्‌कलं हे यानाः फुक्‍क म्‍हब्‍व मिलय् जुयाच्‍वंगु दु, अले म्‍ह छम्‍हं माःकथं स्‍वानाच्‍वंगु दु। छता छता म्‍हब्‍वं थथःगु ज्‍या याना च्‍वंसा म्‍ह छम्‍हं स्‍वय् जिया वइ, अले थःथवय् माया यानाः न्‍ह्यज्‍याये फइ।

कलस्‍सी 2:18

“जिमिसं दर्शन खनागु दु” धकाः थथःम्‍हं तःधनाः स्‍वर्गदूतयात पुजा यानाजुइपिं नं दु। थज्‍याःपिन्‍सं म्‍वाःमदुगु खँय् लाकाः छिमित थःम्‍हं काये दइगु सिरपाः काये मखंका बी। थःम्‍हं मस्‍यूगु खँय् नं थुपिं तःधना जुइ।

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।

प्रकाश 2:20

“अय्‌जूसां जिं धायेमाःगु छता खँ दु। थथःम्‍हं तुं अगमवादिनी खः धकाः धया जुइम्‍ह ईजेबेल धाःम्‍ह मिसायात छिमिसं छुं हे मधासे तया तल। जिमि दासतय्‌त व्‍यभिचार यायेगु व मूर्तियागु प्रसाद नयेगु खँ स्‍यनीम्‍हय्‌सित छिमिसं याःयाःथे याकातये ज्‍यू ला?