१ कोरिन्‍थी 7:9 - नेवाः बाइबल

⁹ थःत कःघाये मफुसा ब्‍याहा यायेमाः। छाय्‌धाःसा प्‍याःचाः सह याये मफय्‌का च्‍वनेगु स्‍वयाः ब्‍याहा यायेगु बांलाः।

१ कोरिन्‍थी 7:9 ပူးပေါင်းရင်းမြစ်များ

प्रेरित 19:36

अय्‌जूगुलिं छिकपिं सुम्‍क च्‍वनादिसँ, थथे बिचाः हे मयासें हाःहू यानाजुइगु बांमलाः,

१ कोरिन्‍थी 7:2

अथेसां व्‍यभिचार अप्‍वः जूगुलिं न्‍ह्याम्‍ह मिजंया नं थःम्‍ह हे कलाः दयेमा। अथे हे न्‍ह्याम्‍ह मिसाया नं थःम्‍ह हे भाःत दयेमा।

१ कोरिन्‍थी 7:28

तर ब्‍याहा यात धकाः छिमित पाप लाइ मखु। ब्‍याहा मजूनिम्‍ह मिसां ब्‍याहा यात धाःसा वयात पाप लाइ मखु। ब्‍याहा यानाच्‍वना च्‍वंपिं मनूतय्‌त जुयाच्‍वंगु दुःखकष्‍ट छिमित मजुइमा धकाः जिं थ्‍व खँ च्‍वयाच्‍वनागु खः।

१ कोरिन्‍थी 7:36

सु मनुखं थःनापं ब्‍याहा क्‍वःछिनातःम्‍ह मिसानाप बांमलाःगु व्‍यवहार याःगु ताय्‌कूसा अले उम्‍ह मिसाया उमेर नं अप्‍वया वनाच्‍वंगु दुसा वं ब्‍याहा याये मास्‍ति वय्‌कूसा ब्‍याहा याये ज्‍यू। थुकी पाप मदु। इमिगु ब्‍याहा जुइ हे माः।

१ कोरिन्‍थी 7:39

ब्‍याहा जुइ धुंकूम्‍ह मिसां थः भाःत दतले हानं ब्‍याहा याये मज्‍यू। भाःत सीधुंकाः धाःसा थःत यःम्‍ह मेम्‍ह मिजंनाप ब्‍याहा याःसां ज्‍यू। बरु विश्‍वासी नाप हे जक यायेमाः।

१ थेसलोनिकी 4:4

छिपिं फुक्‍कसिनं थः कलाःलिसे पवित्र जुयाः बांलाक हना च्‍वनेमाः।

१ तिमोथी 5:11

भाःत मदय्‌ धुंकूपिं ल्‍यासेपिं मिसातय्‌गु नां धाःसा धलखय् दुथ्‍याके मते, छाय्‌धाःसा इमिसं ख्रीष्‍टयागु ज्‍या त्‍वःताः हानं ब्‍याहा यायेत स्‍वइ।

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।