१ कोरिन्‍थी 7:30 - नेवाः बाइबल

³⁰ ख्‍वया जूपिं मनूत आः दुःख मताःपिं मनूत थें च्‍वनाच्‍वँ। न्‍हिलाः जूपिं लय्‌ताःपिं थें मच्‍वंक च्‍वँ। न्‍यानाः हयागु नं थःगु मखु थें याना च्‍वँ।

१ कोरिन्‍थी 7:30 ပူးပေါင်းရင်းမြစ်များ

भजनसंग्रहया सफू 30:5

वय्‌कःया तं धयागु घौपलखया निंतिं जक खः, वय्‌कःया दया माया मसीतले दयाच्‍वनी। चच्‍छि ख्‍वये माःसां सुथय् ला जितः सुख दइ।

उपदेशक 3:4

ख्‍वयेगु छगू ई दु, न्‍हिलीगु छगू ई दु। दुखं च्‍वनेगु छगू ई दु, प्‍याखं हुलेगु छगू ई दु।

यशैया 25:8

वय्‌कलं मृत्‍युयात सदांया निंतिं नुनाछ्वयादी। परमप्रभु परमेश्‍वरं फुक्‍कसिगु मिखां ख्‍वःबि हुयादी। वय्‌कलं फुक्‍क पृथ्‍वीं थः प्रजाया बदनामी चीकाः छ्वयादी। परमप्रभु थःम्‍हं हे थ्‍व खँ धयादीगु दु।

यशैया 30:19

हे यरूशलेमय् च्‍वंपिं सियोनया मनूत, हाकनं छिपिं ख्‍वयेमाली मखुत। छिपिं ग्‍वाहालिया निंतिं ख्‍वःगु सः तायेवं वय्‌कः गुलि दयां जाःम्‍ह जुयादी। छिमिगु बिन्‍ति न्‍यनेवं हे वय्‌कलं छिमित लिसः बियादी।

इजकिएल 7:12

ई वःगु दु, दिं लिक्‍क वये धुंकल। न्‍याइम्‍ह लय्‌मतायेमा। मीम्‍ह दुःखी मजुइमा। छाय्‌धाःसा तं इमि फुक्‍क भीडयाके लाःगु दु।

लूका 16:25

“अब्राहामं वयात धाल – ‘काय्, म्‍वाना च्‍वंतले छं भिंगु भिंगु व बाबांलाःगु काये खन, लाजरसयाके धाःसा अबलय् छुं हे मदु, वं यक्‍व दुःखसिया वल। आः लाजरसयात सुख जुल, अले छं सास्‍ती नया च्‍वनेमाली।

लूका 6:21

छिपिं नयेपित्‍याका च्‍वंपिं धन्‍यपिं खः, छाय्‌धाःसा छिमिसं लुधंके खनीतिनि। आः ख्‍वया च्‍वंपिं धन्‍यपिं खः, छाय्‌धाःसा छिपिं लय्‌ताये दइतिनि।

लूका 6:25

आः प्‍वाः जाय्‌क नया च्‍वंपिं, छिपिं गुलि अभागी, लिपा छिमिसं नयेखनी मखु। आः न्‍हिलाः च्‍वंपिं मनूत, छिपिं गुलि अभागी, लिपा छिमिसं दुःख फयेमाली, अले ख्‍वयेमाली।

यूहन्‍ना 16:22

छिमित नं आः थथे हे दुःख ला जुइ। तर जि छिमित हानं नापलाः वये, अले छिपिं हानं लय्‌लय्‌ताइ। अले सुनानं छिमिगु आनन्‍द लाकाकाये फइ मखु।

१ कोरिन्‍थी 7:29

यःपिं दाजुकिजापिं, जिं धायेत्‍यनागु खँ थ्‍व खः – ई अप्‍वः मदये धुंकल, आवंनिसें ब्‍याहा याये धुंकूम्‍ह मनू नं ब्‍याहा मयानिम्‍ह थें च्‍वनाच्‍वँ।

१ कोरिन्‍थी 7:31

संसारयागु ज्‍याखँ याना च्‍वंपिन्‍सं याना मच्‍वंपिं थें जुयाच्‍वँ, छाय्‌धाःसा थ्‍व संसार याकनं हे मदयावनी।

प्रकाश 18:7

वं थथःम्‍हं तुं तःधं जुयाः गुलि मोज यात, उलि हे छिमिसं नं वयात दुःखकष्‍ट व ख्‍वबि ब्‍यु। वयागु मनं थथे धाः ‘जि ला महारानी जुयाच्‍वनागु दु। जि विधवा मिसा मखु। जिं गुबलें हे नं दुखं च्‍वनेमाली मखु।’

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”