१ कोरिन्‍थी 7:22 - नेवाः बाइबल

²² दास जुयाच्‍वंपिन्‍त प्रभुं सःतादीगु खःसा थुपिं दास थें मजुसे प्रभुया मनूत जुइ, अथे हे दासमखुपिं मनूतय्‌त प्रभुं सःतादीगु खःसा थुपिं प्रभुया दास जुइ।

१ कोरिन्‍थी 7:22 ပူးပေါင်းရင်းမြစ်များ

भजनसंग्रहया सफू 116:16

परमप्रभु, जि धात्‍थें छिकपिनि दास खः। जि छिगु हे छेँय् बूम्‍ह खः, जि छिकपिनि दास, छिं जितः चिनातःगु सिखलं त्‍वःतकादीगु दु।

रोमी 1:1

येशू ख्रीष्‍टया दास जि पावलयात परमेश्‍वरयागु भिंगु खँ न्‍यंकेत वय्‌कलं हे प्रेरित दय्‌कादिल।

१ कोरिन्‍थी 7:21

दास जुयाच्‍वंबलय् परमेश्‍वरं छिमित सःतादीगु खःसा छिमिसं दुःख ताये मते, बरु स्‍वतन्‍त्र जुइगु मौका वल धाःसा त्‍वःफिके मते।

१ कोरिन्‍थी 9:19

जि सुयां दास मखु। अय्‌नं फुसा यक्‍व हे मनूतय्‌त विश्‍वासी याये धकाः जि थथःम्‍हं तुं फुक्‍क मनूतय् दास जुयाच्‍वनागु दु।

१ कोरिन्‍थी 9:21

अथे हे यहूदीमखुपिन्‍त विश्‍वासी यायेत जि नं इपिं थें जुया। थथे यात धकाः जितः सुनानं परमेश्‍वरयागु आज्ञा पालन मयाइम्‍ह मनू धकाः धाये फइ मखु, छाय्‌धाःसा जिं ला ख्रीष्‍टयागु आज्ञा पालन याना जुयागु दु।

गलाती 1:10

जिं थथे धयाच्‍वनागु छु मनूतय्‌त लय्‌ताय्‌केत खः ला? मखु! जिं ला परमेश्‍वरयात हे लय्‌ताय्‌केत थथे यानाच्‍वनागु खः। जिं मनूतय्‌त लय्‌ताय्‌केत यानागु जूसा जि येशू ख्रीष्‍टया सेवा याइम्‍ह दास हे जुइ फइ मखु।

गलाती 5:1

छुत्‍काराया निंतिं ख्रीष्‍ट येशूं झीत छुत्‍कारा बियादी धुंकल। उकिं आः छिपिं साहस कयाः दँ। हाकनं दासत्‍वय् मलायेमा।

गलाती 5:13

यःपिं दाजुकिजापिं, परमेश्‍वरं छिमित छुत्‍कारा बीत सःतादीगु खः। थः यःथें याना जुइ मते, बरु माया यानाः मेपिन्‍त ग्‍वाहालि बीगु या।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

फिलेमोन 1:16

आः वयात दास धकाः मतिइ तये मते, बरु थः हे यःम्‍ह किजा धकाः मतिइ ति। जितः व खनाः तसकं माया वं। थः दासंनापं विश्‍वास याःगुलिं छन्‍त व खनाः झन गुलि माया वन जुइ।

१ पत्रुस 2:16

स्‍वतन्‍त्र जुयाच्‍वँ। अथे धकाः मभिंगु ज्‍या याना जुइ मते, बरु परमेश्‍वरया दासत थें जुयाच्‍वँ।

२ पत्रुस 1:1

येशू ख्रीष्‍टया दास व प्रेरित सिमोन पत्रुसयापाखें झी परमेश्‍वर व झीत मुक्ति बियादीम्‍ह येशू ख्रीष्‍टयागु धार्मिकतां यानाः जिमिसं थें तःजिगु विश्‍वास काये खंपिं फुक्‍कसित ज्‍वजलपा।

यहूदा 1:1

याकूबया किजा व येशू ख्रीष्‍टया दास यहूदापाखें परमेश्‍वरं सःतादीपिन्‍त, परमेश्‍वर बाःनं माया यानातःपिन्‍त, अले येशू ख्रीष्‍टं बचय् यानातःपिन्‍त ज्‍वजलपा।