१ कोरिन्‍थी 7:2 - नेवाः बाइबल

² अथेसां व्‍यभिचार अप्‍वः जूगुलिं न्‍ह्याम्‍ह मिजंया नं थःम्‍ह हे कलाः दयेमा। अथे हे न्‍ह्याम्‍ह मिसाया नं थःम्‍ह हे भाःत दयेमा।

१ कोरिन्‍थी 7:2 ပူးပေါင်းရင်းမြစ်များ

हितोपदेश 18:22

मनूतय्‌गु तःधंगु सम्‍पत्ति धयागु हे वया कलाः खः, अले परमप्रभुया कृपा नं।

हितोपदेश 19:14

छेँ व धनसम्‍पत्ति बौयापाखें वइ, तर भिंम्‍ह कलाः परमप्रभुयापाखें दइ।

मलाकी 2:14

छिमिसं न्‍यनी, “छाय्?” छाय्‌धाःसा परमप्रभुं छिपिं व छिमि ल्‍याय्‌म्‍हबलय्‌या कलाः दथुइया साक्षीया ज्‍या यानाच्‍वनादीगु दु। छं वलिसें विश्‍वासघात यात, खः ला व छिमि जीवनया पासा व व्‍याहाया बाचाय् चिनातःम्‍ह कलाः खः।

मत्ती 5:32

तर जिं छिमित धाये – कलाःम्‍हं व्‍यभिचार याःगु मदय्‌कं सुनानं थः कलाःयात त्‍वःता छ्वल धाःसा वं थः कलाःयात व्‍यभिचार याकूगु जुइ। अथे हे व मिसायात यंकूम्‍ह मिजंनं नं व्‍यभिचार याःगु जुइ।

१ कोरिन्‍थी 6:18

व्‍यभिचारपाखें तापाक च्‍वँ। मेमेगु पाप याःसां म्‍हयात छुं नं जुइ मखु। व्‍यभिचार यात धाःसा थःगु हे म्‍ह लिसे पाप याःगु जुइ।

१ कोरिन्‍थी 7:1

आः जिं छिमिसं च्‍वयाहःगु खँयागु लिसः बियाच्‍वना। ब्‍याहा मयासें च्‍वनेगु बांलाःगु खँ खः।

१ कोरिन्‍थी 7:3

छम्‍ह मिजनं थः कलाःलिसे गुकथं हनेमाःगु खः उकथं हे हनेमाः। अथे हे छम्‍ह मिसानं थः भाःतयात गुकथं हनेमाःगु खः उकथं हे हनेमाः।

१ कोरिन्‍थी 7:9

थःत कःघाये मफुसा ब्‍याहा यायेमाः। छाय्‌धाःसा प्‍याःचाः सह याये मफय्‌का च्‍वनेगु स्‍वयाः ब्‍याहा यायेगु बांलाः।

एफिसी 5:28

अथे हे थःगु म्‍हयात माया याना तः थें मिजंतय्‌सं थः कलाःयात माया यायेमाः। थः कलाःयात माया याःम्‍ह मनुखं थःत हे माया याइ।

एफिसी 5:33

न्‍ह्यागु जूसां मिजंतय्‌सं थः कलाःयात थःत थें माया यायेमाः। अथे हे मिसातय्‌सं नं थः भाःतयात हनाबना तयेमाः।

१ थेसलोनिकी 4:4

छिपिं फुक्‍कसिनं थः कलाःलिसे पवित्र जुयाः बांलाक हना च्‍वनेमाः।

१ तिमोथी 4:3

थुमिसं ब्‍याहा याये मज्‍यू, गुलिं गुलिं नसा नये मज्‍यू धकाः मनूतय्‌त स्‍यना जुइ। विश्‍वास याइपिं व सत्‍ययात थूपिन्‍सं सुभाय् बियाः न्‍ह्यागुं नये ज्‍यू, छाय्‌धाःसा थ्‍व फुक्‍कं परमेश्‍वरं हे दय्‌कादीगु खः।

न्‍यायकर्ता 21:22

अनंलि इमि बौ वा दाजुकिजापिं जिमिथाय् वयाः धाःवल धाःसा जिमिसं धाये, ‘इमित ग्‍वाहालि यानाः जिमित दया यानादिसँ, छाय्‌धाःसा लडाइँलय् इमिगु निंतिं झीसं भम्‍चा हयाबी मफुत। छिकपिन्‍त दोष लाइ मखु। छाय्‌धाःसा छिकपिन्‍सं थःम्‍ह्याय्‌पिं ब्‍यूगु मदु।’”