१ कोरिन्‍थी 7:11 - नेवाः बाइबल

¹¹ छुं जुयाः भाःतनाप बाया च्‍वंसां व मिसां मेम्‍ह मिजंनाप ब्‍याहा याये मज्‍यू। मिलय् जुयाः थः भाःतनाप च्‍वनेगु बांलाः। अथे हे भाःतं नं कलाःयात पारपाचुके मज्‍यू।

१ कोरिन्‍थी 7:11 ပူးပေါင်းရင်းမြစ်များ

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

मत्ती 5:32

तर जिं छिमित धाये – कलाःम्‍हं व्‍यभिचार याःगु मदय्‌कं सुनानं थः कलाःयात त्‍वःता छ्वल धाःसा वं थः कलाःयात व्‍यभिचार याकूगु जुइ। अथे हे व मिसायात यंकूम्‍ह मिजंनं नं व्‍यभिचार याःगु जुइ।

मर्कूस 10:12

अथे हे मिसां नं थः भाःतयात त्‍वःताः मेम्‍हलिसे ब्‍याहा यात धाःसा वं व्‍यभिचार याःगु जुइ।”

मर्कूस 10:2

अन नं फरिसीत वयाः वय्‌कःयागु मन स्‍वयेत थथे धकाः न्‍यन – “मनूतय्‌सं थः कलाःयात त्‍वःते ज्‍यू ला कि मज्‍यू?”

लूका 16:18

“सुनानं थः कलाःयात त्‍वःताः मेम्‍ह कलाः हःसा वं व्‍यभिचार याःगु जुइ। अले हानं अथे हे भाःतं त्‍वःतातःम्‍ह मिसायात हःम्‍ह मिजंनं नं व्‍यभिचार याःगु जुइ।”

१ कोरिन्‍थी 7:10

ब्‍याहा याये धुंकूपिन्‍त प्रभुयापाखें जिगु आज्ञा दु – भाःत दुम्‍ह मिसां थः भाःतयात त्‍वःते मज्‍यू।

१ कोरिन्‍थी 7:12

मेमेपिन्‍त जिं थथे धाये – थ्‍व प्रभुयागु खँ मखु, जिगु थःगु हे खः। सुं विश्‍वासीया कलाः विश्‍वासी मखुसां भाःत लिसे बाया च्‍वने मखु धाल धाःसा वयात त्‍वःते मज्‍यू।

व्‍यवस्‍था 22:19

इस्राएलया छम्‍ह मिसामचायात द्वपं ब्‍यूगुलिं वं मिसाया बौयात सछि शेकेल वहः बं पुलेमाः। मिसा धाःसा वया कलाः जुयाच्‍वनेमाः। व मिजं म्‍वातले वं मिसायात त्‍वःते दइ मखु।