१ कोरिन्‍थी 7:10 - नेवाः बाइबल

¹⁰ ब्‍याहा याये धुंकूपिन्‍त प्रभुयापाखें जिगु आज्ञा दु – भाःत दुम्‍ह मिसां थः भाःतयात त्‍वःते मज्‍यू।

१ कोरिन्‍थी 7:10 ပူးပေါင်းရင်းမြစ်များ

यर्मिया 3:20

तर विश्‍वासघाती कलातं थें छं जितः ध्‍वंलात, हे इस्राएलया घराना,” परमप्रभुं धयादी।

मत्ती 5:32

तर जिं छिमित धाये – कलाःम्‍हं व्‍यभिचार याःगु मदय्‌कं सुनानं थः कलाःयात त्‍वःता छ्वल धाःसा वं थः कलाःयात व्‍यभिचार याकूगु जुइ। अथे हे व मिसायात यंकूम्‍ह मिजंनं नं व्‍यभिचार याःगु जुइ।

मर्कूस 10:2

अन नं फरिसीत वयाः वय्‌कःयागु मन स्‍वयेत थथे धकाः न्‍यन – “मनूतय्‌सं थः कलाःयात त्‍वःते ज्‍यू ला कि मज्‍यू?”

लूका 16:18

“सुनानं थः कलाःयात त्‍वःताः मेम्‍ह कलाः हःसा वं व्‍यभिचार याःगु जुइ। अले हानं अथे हे भाःतं त्‍वःतातःम्‍ह मिसायात हःम्‍ह मिजंनं नं व्‍यभिचार याःगु जुइ।”

१ कोरिन्‍थी 7:11

छुं जुयाः भाःतनाप बाया च्‍वंसां व मिसां मेम्‍ह मिजंनाप ब्‍याहा याये मज्‍यू। मिलय् जुयाः थः भाःतनाप च्‍वनेगु बांलाः। अथे हे भाःतं नं कलाःयात पारपाचुके मज्‍यू।

१ कोरिन्‍थी 7:12

मेमेपिन्‍त जिं थथे धाये – थ्‍व प्रभुयागु खँ मखु, जिगु थःगु हे खः। सुं विश्‍वासीया कलाः विश्‍वासी मखुसां भाःत लिसे बाया च्‍वने मखु धाल धाःसा वयात त्‍वःते मज्‍यू।

१ कोरिन्‍थी 7:15

विश्‍वासी मखुम्‍ह कलाःम्‍हं विश्‍वासी भाःतयात, अथे हे विश्‍वासी मखुम्‍ह भाःतं विश्‍वासी कलाःयात त्‍वःते धाल धाःसा त्‍वःतके ब्‍यूसां ज्‍यू। परमेश्‍वरं झीत शान्‍ति बीत सःतादीगु खः।

१ कोरिन्‍थी 7:25

ब्‍याहा मजुनिपिनिगु लागि प्रभुं जितः छुं धयादीगु मदु। बरु प्रभुयागु दया मायां विश्‍वास याये बहःम्‍ह जुयाः जिं छिमित धयाच्‍वना –

१ कोरिन्‍थी 7:40

जिगु बिचाःकथं भाःत मदये धुंकूम्‍ह मिसां ब्‍याहा मयासें च्‍वनाच्‍वने फुसा सुख जुइ। अथेसां जिं स्‍वयेबलय् ला जिके नं पवित्र आत्‍मा दी।

१ कोरिन्‍थी 7:6

थथे जिं धयाच्‍वनागु खँ छिमिसं याये हे माः धकाः धयागु मखु। थ्‍व ला छिमित सल्‍लाह बियाच्‍वनागु जक खः।