१ कोरिन्‍थी 6:3 - नेवाः बाइबल

³ स्‍वर्गदूततय्‌त नं झीसं न्‍याय याये मानि धकाः छिमिसं मस्‍यू ला? थ्‍व जीवनयागु थज्‍याःगु ज्‍याखँ ला छिमिसं अःपुक हे छिने फयेमाःगु खः।

१ कोरिन्‍थी 6:3 ပူးပေါင်းရင်းမြစ်များ

भजनसंग्रहया सफू 17:14

जीवनय् थःत यःगु फुक्‍क खँ धायेफु धकाः जुइपिं मनूतपाखें जितः बचय् यानादिसँ। इमिगु लागिं छिं मुंकातयादीगु दुःखं इमित सजाँय बियादिसँ। अज्‍याःगु सजाँय इमि सन्‍तान तकयात यक्‍व दयेमा, अले इमि छय्-छुइपिनिगु लागिं नं छुं ल्‍यनेमा।

दानिएल 7:22

अनंलि व न्‍ह्याबलें म्‍वानाच्‍वनादीम्‍हय्‌सिनं झायाः दक्‍वसिबय् तःधंम्‍ह परमेश्‍वरया पवित्र मनूतय्‌गु पंलिनाः फैसला यात। उबलय् परमेश्‍वरया पवित्र मनूतय्‌सं राज्‍य अधिकार याइगु ई वःगु खः।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

लूका 21:34

“अय्‌जूगुलिं छिमिसं होश‍ यानाच्‍वँ। भ्‍वय् जक नया जुइगु, अय्‌लाः थ्‍वँ जक त्‍वना जुइगु, अले थ्‍व जीवनयागु धन्‍दा कयाः जुइगु याना जुल धाःसा छिमिसं मसीक जिं धयागु दिं वइ।

लूका 8:14

कंमाय् लाःगु पुसा इपिं खः सुनां परमेश्‍वरयागु वचन न्‍यनाः नं धन सम्‍पत्तियागु माया कयाजुइ व संसारयागु खँय् च्‍यूताः तया जुइ। थुकथं इमिसं विश्‍वास याये फइ मखु।

रोमी 6:16

दासतय्‌सं मालिकयात मानय् याःथें छिमिसं सुयात मानय् यात छिपिं वया हे दास जुइ, नरकय् यंकीगु पापयात मानय् याःगु छाये मजुइमा, अथवा परमेश्‍वरया न्‍ह्यःने धर्मी ठहरय् जुइत मानय् याःगु छाये मजुइमा, छुं पाइ मखु।

१ कोरिन्‍थी 6:15

छिमिगु म्‍ह ख्रीष्‍टयागु म्‍हब्‍व खः धकाः छिमिसं मस्‍यू ला? थथे खः धयागु जूसा ख्रीष्‍टयागु म्‍हब्‍वयात वेश्‍यायागु म्‍हब्‍व यायेगु ला? थथे ला जुइ हे मफइगु खँ खः।

१ कोरिन्‍थी 6:16

धर्मशास्‍त्रय् “थुपिं निम्‍हं छम्‍ह हे जुइ” धकाः च्‍वया तः थें वेश्‍यानाप द्यनीम्‍ह मनूयागु म्‍ह वेश्‍यायागु म्‍ह नाप छम्‍ह हे जुइ धकाः छिमिसं मस्‍यू ला?

१ कोरिन्‍थी 6:19

छिमिगु म्‍ह पवित्र आत्‍मा च्‍वनादीगु देगः खः धकाः मस्‍यू ला? उकिं छिमिगु म्‍हय् परमेश्‍वरं छ्वयाहयादीम्‍ह पवित्र आत्‍मा च्‍वनादी। अय्‌जूगुलिं छिमिगु म्‍ह छिमिगु थःगु मखु।

१ कोरिन्‍थी 6:4

थथे ल्‍वापु जुल धायेवं छिनेत छिपिं परमेश्‍वरयात म्‍हमस्‍यूपिं मण्‍डलीया पिनेयापिं मनूतय्‌थाय् वनेगु बांलाःगु खँ मखु।

२ तिमोथी 2:4

सुं नं सिपाइँ मेमेगु ज्‍याय् तक्‍यनाच्‍वनी मखु, बरु थः सेनापतियात लय्‌ताय्‌केत जक स्‍वयाच्‍वनी।

२ तिमोथी 4:10

डेमास थ्‍व संसारयात माया यानाः जितः त्‍वःताः थेसलोनिकाय् वने धुंकल। क्रेसेन्‍स गलातियाय् वन, तीतस दलमातियाय् वन।

२ पत्रुस 2:4

पाप याःपिं स्‍वर्गदूततय्‌त हे नं परमेश्‍वरं ल्‍यंका मदिसे नरकय् छ्वयादिल। न्‍याय याइगु दिं मवतले इमित नरकया खिउँथासय् चिनाः तया तल।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।