१ कोरिन्‍थी 5:9 - नेवाः बाइबल

⁹ जिं न्‍हापा नं व्‍यभिचार याइपिं नाप बुला जुइ मते धकाः च्‍वया हये धुनागु खः।

१ कोरिन्‍थी 5:9 ပူးပေါင်းရင်းမြစ်များ

हितोपदेश 9:6

छिमि म्‍वाये मंदुसा थःपिनिगु ग्‍वाज्‍यः पहः त्‍वःति, अले म्‍वायेत स्‍व। बुद्धिया लँय् जु।”

१ कोरिन्‍थी 5:10

अथे धकाः जिं व्‍यभिचार याइपिं, लोभीत, खुँत, मूर्ति पुजा यानाजुइपिं, थज्‍याःपिं परमेश्‍वरयात म्‍हमस्‍यूपिं मनूत नाप बुला जुइ मते धकाः धयागु मखु। थुपिंलिसे अलग जुइत स्‍वःसा ला छिमिसं थ्‍व संसार हे त्‍वःतावने माली।

१ कोरिन्‍थी 5:2

थथे जुइकाः नं छिमिसं छु ख्‍वालं तःधंछुया च्‍वना? छिमिसं दुःख ताये माःगु खः। थथे पाप यानाच्‍वंम्‍हय्‌सित छिमिगु पुचलं पितिना छ्वयेमाःगु खः।

१ कोरिन्‍थी 5:7

थथे पुलांगु पापयागु सोडायात छिमिसं वांछ्वयेमाः, अले छिपिं पवित्र जुइ। छिपिं सोडा मतसे न्‍हायातःगु छ्वचुं जुइ। छुत्‍कारायागु नखः वये धुंकल, छाय्‌धाःसा झीत मुक्ति बीम्‍ह ख्रीष्‍ट, झीम्‍ह छुत्‍काराया चीधिकःम्‍ह भ्‍याःचा बलिदान जुयादी धुंकल।

२ कोरिन्‍थी 6:14

विश्‍वासी मखुपिं मनूत नाप बुला जुयाः इमिसं थें ज्‍या सना जुइ मते। इमिसं याना जू थें झीसं याना जुइ मज्‍यू। भिंगु व मभिंगु मिलय् जुइ फइ ला? अले जः व खिउँ मिलय् जुइ फइ ला?

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

एफिसी 5:11

खिउँथाय् जुयाच्‍वंपिनिगु ज्‍याखं तापाक हे च्‍वँ, बरु इमिसं यानाच्‍वंगु ज्‍या मभिं धकाः क्‍यनाब्‍यु।

२ थेसलोनिकी 3:14

आम्‍कन च्‍वंपिं सुनानं जिमिसं च्‍वयाहयागु खँ मन्‍यन धाःसा अज्‍याःपिन्‍त म्‍हसीकाः इपिं नाप तापाक हे च्‍वनेगु या। अले इपिं थथःम्‍हं मछाली।

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।