१ कोरिन्‍थी 5:4 - नेवाः बाइबल

⁴ छिपिं विश्‍वासीत फुक्‍कं छथाय् मुनीबलय् जिगु आत्‍मा नं छिपिंनाप हे दइ। झी प्रभु येशूं झीत बियादीगु शक्तिं

१ कोरिन्‍थी 5:4 ပူးပေါင်းရင်းမြစ်များ

मत्ती 16:19

जिं छन्‍त स्‍वर्गया राज्‍ययागु ताःचा बी। छं पृथ्‍वीइ पना तःगुयात स्‍वर्गय् नं पना तइ, अले छं पृथ्‍वीइ त्‍वःता तःगुयात स्‍वर्गय् नं त्‍वःता तइ।”

मत्ती 18:20

गन जिगु नामय् निम्‍ह स्‍वम्‍ह मनू मुनी, अन जि इपिं नाप दइ।”

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

यूहन्‍ना 20:23

छिमिसं सुयागु पाप क्षमा यानाबी इमिगु पाप क्षमा जुइ। छिमिसं पाप क्षमा याना मब्‍यूसा इमिगु पाप क्षमा जुइ मखु।”

प्रेरित 16:18

तःन्‍हु तक हे व थथे हाला जूगुलिं पावलं हीमी चायाः वयाथाय् स्‍वयाः मभिंम्‍ह आत्‍मायात थथे धाल – “येशू ख्रीष्‍टया नामं जिं छन्‍त हक्‍के, वयात त्‍वःताब्‍यु।” थथे धायेवं हे व मभिंम्‍ह आत्‍मां वयात त्‍वःतावन।

प्रेरित 3:6

अले पत्रुसं धाल – “छितः बीत जिके लुँ, वहः मदु, अय्‌नं जिके दुगु छितः बी। नासरतयाम्‍ह येशू ख्रीष्‍टयागु नामं दनाः न्‍यासि झासँ।”

प्रेरित 4:30

थथे हे ल्‍वय् लाय्‌केत छिं ल्‍हाः चकंकादिसँ। छिकपिनि पवित्रम्‍ह सेवक येशूयागु नामं अजू चायापुगु ज्‍या व चिं यानाक्‍यने फय्‌कादिसँ।”

२ कोरिन्‍थी 13:10

अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

२ कोरिन्‍थी 13:3

छिमिसं मालाच्‍वंगु ख्रीष्‍ट जिपाखें नवानाच्‍वनादीगु खः धयागु फुक्‍क दसु जिं छिमित बी। छिपिंलिसे व्‍यवहार यानादीबलय् वय्‌कः कमजोर मजू, बरु वय्‌कलं छिमिगु दथुइ थःगु शक्ति क्‍यनादिल।

२ कोरिन्‍थी 2:6

थुकथं व मनूयात छिपिं मध्‍ये यक्‍वसिनं सजाँय बी धुंकूगुलिं आः वयात सजाँय बी गात।

एफिसी 5:20

न्‍ह्याबलें न्‍ह्यागु ज्‍याखँय् नं छिमिसं झी प्रभु येशू ख्रीष्‍टया नामय् परमेश्‍वर बाःयात सुभाय् ब्‍यु।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।

यहोशू 22:15

इपिं रूबेनी, गादी व मनश्‍शेया बच्‍छि कुलयाथाय् गिलाद देशय् थ्‍यनाः इमित थथे धाल,