१ कोरिन्‍थी 5:10 - नेवाः बाइबल

¹⁰ अथे धकाः जिं व्‍यभिचार याइपिं, लोभीत, खुँत, मूर्ति पुजा यानाजुइपिं, थज्‍याःपिं परमेश्‍वरयात म्‍हमस्‍यूपिं मनूत नाप बुला जुइ मते धकाः धयागु मखु। थुपिंलिसे अलग जुइत स्‍वःसा ला छिमिसं थ्‍व संसार हे त्‍वःतावने माली।

१ कोरिन्‍थी 5:10 ပူးပေါင်းရင်းမြစ်များ

लूका 18:11

फरिसीं दनाः थथे प्रार्थना यात – ‘परमेश्‍वर, जिं छितः सुभाय् बी, छाय्‌धाःसा जि मेपिं थें ज्‍याःम्‍ह मनू मखु। जि खुँ लुच्‍चा मजुया, मभिं मजुया, व्‍यभिचार मयाना, अले थ्‍व कर काइम्‍ह मनू थें नं मजुया।

यूहन्‍ना 15:19

छिपिं संसारयापिं मनूत जूगु जूसा संसारं छिमित थःपिं धकाः माया याइगु, तर जिं छिमित संसारं ल्‍यये धुनागुलिं छिपिं संसारयापिं मखुत, उकिं इमिसं छिमित यय्‌की मखु।

यूहन्‍ना 17:6

“छिं जितः बियादीपिं संसारय् च्‍वंपिं मनूतय्‌त छिगु नां जिं म्‍हसीका बिया। इपिं छिकपिनि हे मनूत खः, अले इपिं छिं जितः बियादिल। इमिसं नं छिगु वचन मानय् यानाच्‍वंगु दु।

यूहन्‍ना 17:9

“छिं जितः बियादीपिनिगु निंतिं जिं प्रार्थना यानागु खः, छाय्‌धाःसा इपिं फुक्‍कं छिकपिनि हे खः। जिं संसारयागु निंतिं प्रार्थना मयाना।

यूहन्‍ना 8:23

अले वय्‌कलं इमित धयादिल – “छिकपिं क्‍वय्‌च्‍वंपिं खः, जि च्‍वय्‌च्‍वंम्‍ह खः। छिकपिं थ्‍व संसारयापिं खः, जि संसारयाम्‍ह मखु।

१ कोरिन्‍थी 1:20

ज्ञानी धाःपिं गन वन ग्‍व? सःस्‍यूपिं धाःपिं गन वन? थ्‍व संसारय् जवाःसवाः यानाजुइपिं गन वन? परमेश्‍वरं थ्‍व संसारयागु ज्ञानयात मूर्ख यानादीगु मदु ला?

१ कोरिन्‍थी 10:27

परमेश्‍वरयात म्‍हमस्‍यूम्‍ह सुं मनुखं छिमित भ्‍वय् सःतल धाःसा, अले छिपिं वने न्‍ह्याःसा मतिइ छुं हे संका मतसे तये हःगु न्‍ह्यागुं न।

१ कोरिन्‍थी 5:11

जिं छिमित धयागु छु धाःसा विश्‍वासी दाजुकिजापिं जुयाः नं व्‍यभिचार यानाजुइपिं, लोभीत, मूर्ति पुजा यानाजुइपिं, मेपिन्‍त मभिंका जुइपिं, अय्‌लाः त्‍वनाजुइपिं, अले खुँत – थज्‍याःपिं मनूत नाप बुला जुइ मते, अले इपिं नाप नये तक मते धकाः धयागु खः।

१ कोरिन्‍थी 5:9

जिं न्‍हापा नं व्‍यभिचार याइपिं नाप बुला जुइ मते धकाः च्‍वया हये धुनागु खः।

२ कोरिन्‍थी 4:4

थ्‍व संसारया द्यवं विश्‍वास मयाःपिनिगु मनयात छुं हे थुइके मफय्‌क कां यानातःगु दु। अथे जूगुलिं इमिसं भिंगु खँ थुइके फइ मखु। अले ख्रीष्‍टया महिमा गुलि तःधं व वय्‌कः हे झःझः धाःम्‍ह परमेश्‍वरयागु रूप खः धकाः इमिसं सी मखु।

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

फिलिप्‍पी 2:15

उकिं छिपिं दोष मदुपिं व स्‍वजापिं जुयाः पापी व मभिंगु मनूतय्‌गु पुचलय् छुं हे ख्‍वं मदय्‌क परमेश्‍वरया मस्‍त जुयाच्‍वँ। नगुतय्‌सं आकाशय् झल्‍ल थीकू थें छिपिं नं इमिगु पुचलय् थिना च्‍वँ।

१ यूहन्‍ना 4:5

इमिसं ला थ्‍व संसारय् च्‍वंगु खँ जक स्‍यने फु। अले संसारयापिं मनूतय्‌सं इमिसं धाःगु खँ मानय् नं जुइ। अथे जूगुलिं इपिं फुक्‍कं थ्‍व हे संसारयापिं मनूत खः।

१ यूहन्‍ना 4:7

यःपिं दाजुकिजापिं, झी थःथवय् माया यानाच्‍वनेमाः, छाय्‌धाःसा माया धयागु परमेश्‍वरपाखें वःगु खः। अय्‌जूगुलिं माया यानाजुइम्‍ह मनुखं वय्‌कःयात बांलाक म्‍हस्‍यू, उकिं थज्‍याःपिं मनूत वय्‌कःया सन्‍तान खः।

१ यूहन्‍ना 5:19

झीपिं परमेश्‍वरया सन्‍तान खः, अले थ्‍व संसारय् च्‍वंपिं मेपिं फुक्‍क मनूत शैतानया मनूत खः धकाः नं झीसं स्‍यू।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।